2008年4月27日 星期日

第一次 bacon pommery epi

近日太太很愛吃煙肉麥穗包, 好, 等我試吓先!


隱約記得, 第一次做epi, 是初初做包, 初生之犢, 在朋友家玩玩吓的.....



老友也很有興趣, 告訴我加了龐瑪利芥醬會好未d, 好, 買來一試.......哇, 原來是一個漆封的矮胖大陶瓶......



又試我的低溫慢發酵分段法......哎, 今次出了點問題(見"我的低溫慢發天書")......幸好最後也攪惦......


高粉250g 中粉50g 水210g 鹽6g 速酵母1.5g


大致搓滑, 不用很滑(也沒可能), 放雪櫃約10小時, 取出,,  哎呀怎麼只發了1倍......不行呀, 躊躇了很久, 才想起暖水座.......座了1小時, ok了.......噓~~~



做了三條麵團, 靜置20分鐘, 手壓成長方扁塊, 放上bacon, 抹上pommery mustard, 捲起來收口, 發酵45分鐘, 斜剪幾下, 做成麥穗形, 入爐220度, 噴兩三次水, 焗7-8分. 180度, 焗15分鐘至包面金黃......



epi出爐了, 好香呀, 皮脆, 肉竟是煙煙韌韌, 煙肉芥醬鹹鹹香香, 不錯呀!



幾時玩番次呀, 朋友?


12 則留言:

  1. 哎呀﹗我都遇到呢個問題,雪完十小時,只大了一倍﹗﹗
    斜剪幾下,剪得好好呀﹗又平均又好睇。
    [版主回覆04/27/2008 21:14:00]我知點解了! 請看解決辦法
    http://hk.myblog.yahoo.com/amoon-littleworld/article?mid=9090&prev=-1&next=9085
     
    當然和我的"可睡午覺和去街"的簡便原則差一點, 算啦, 仍能保持那塊中種般的靚麵團呢!
     
    再想懶方法.

    回覆刪除
  2. 尼果我已想做好耐啦~奈何遲遲都沒郁手﹐冬天來了~我睇。。。我的老毛病又來了~
    Moon﹐你做三條咁多﹐我要一條epi。。。。。 嗯。。。。似好香口渦﹐估moon夫人肯定吃不停口定了~佢真係有福氣﹗
    [版主回覆04/28/2008 11:28:00]試吓啦, 不難的, 我只是用一般法包麵團, 加我用開的低溫發酵法.
     
    太太只吃了一點呀, 都可以的, 很難得吃我做的包呀.
     
    妳的毛病...........做包當物理治療可以嗎?

    回覆刪除
  3. 你太太真係有口福喇。
    [版主回覆04/28/2008 11:29:00]hehe, 其實都係自己喜歡玩多d, 太太都是喜歡吃街買的包. 多好多選擇呢!

    回覆刪除
  4. 嘩! A moon 呢個包包真係好好味呀!! 吸引到我都想試試做.
    [版主回覆04/28/2008 11:29:00]試吓啦, 不太難的, 我也一剪成功了.

    回覆刪除
  5. 我未曾吃過這個麥穗法包呢!我諗一定很香口
    [版主回覆04/28/2008 11:31:00]幾香呀, 不過冧得好快, 我不敢焗太硬, 外面買的, 是焗到連煙肉都焦了.
     
    我的包出爐很脆, 隔日吃時要焗一焗

    回覆刪除
  6. 我被這個包包吸引咗好耐喇, 同包包攪這些造型我最差, 一直冇信心自己會做到, 都係睇你嘅好了. 你做Moon嫂愛吃嘅包, Moon嫂實行 你啦!! 嘩, 成條煙肉D油"索"晒落個包到, 咪好味兼好肥?????
    [版主回覆04/28/2008 11:35:00]這個做形不太難, 我雞手鴨腳也做好, 妳又試吓.
     
    個包真的好肥呀, 不過很香, 不能常做呀, 或者改用瘦點的火腿......
     

    回覆刪除
  7. 個造形好靚!
    但對我黎講,好似好難咁!
    期待你法明再懶一點的做法!
    [版主回覆04/28/2008 21:21:00]不是太難呀, 我笨手笨腳, 也試一兩次便似模似樣了---(是似, 不是好 ) 最難的, 是做靚的法包底呢!
     
    我會繼續懶下去的, 做包, 原是昔日歐洲人每天的家常便飯呢.

    回覆刪除
  8. 個包造得好靚,好似好香脆咁,一定好好味,口水都流埋。
    [版主回覆04/28/2008 21:22:00]都幾好味呀, 吃時175度 翻焗10分鐘, 仍外脆內軟的

    回覆刪除
  9. moon哥,我想問龐瑪利芥醬可以係邊度買度阿
    [版主回覆04/28/2008 21:25:00]我在citysuper買的, 可是一罐500ml, 我都不知怎算, 如果吃扒類, 可用來做醬.
     
    還有其他吃法嗎? 教我丫

    回覆刪除
  10. 我剛剛食完lunch, 但見到你的包包我仍然好想食呀!
    [版主回覆04/29/2008 20:43:00]都幾好味的.不過都幾肥的, 下次試吓焗齋epi.

    回覆刪除
  11. 好耐冇來, 一來就見到d咁正既野!! 引屎我了!!

    個麥穗好靚啊!
    [版主回覆04/30/2008 23:15:00]係呀, long time no c 呀, 妳又試下玩吓丫, 不難的呢!, 真的.

    回覆刪除
  12. Hi! 好耐無到訪, 一到便看見這令我流口水的包, 真係好想食, B仔一定好鍾意, 因他很喜歡吃bacon. 
    [版主回覆05/03/2008 18:50:00]哈哈, 妳更是long time no c啦, 雖然, 不是long time no hear
     
    下次探妳, 不如轉玩麵包了, 就epi啦, 好易的. bacon不要吃那麼多呀, 我用剩大半包放在雪櫃, 都未知點食

    回覆刪除