看這雪芳, 有什麼不同? 很醜是嗎(當然囉, 還未冷卻已急不及待用刀脫模),
今次用了什麼實驗? 什麼也沒有試了, 最慣用的
材料 :
3黃 糖20g 油30g 日向夏皮茸一個, 汁+水共55g......座暖水徹底打勻
白120g 糖40g........襯冷打發至光澤柔軟企身
低粉75g.......和蛋白霜交替拌入蛋黃漿中
唯一不同是.........
換了爐喇!!! 是Roller Grill的FC 340TQ, affordable的體積, 大約30公升啦.
這個爐真好火力, 上火是高溫的石英管, 預熱到170度, 5-6分鐘已行, 焗盤溫度竟達210度, 蛋糕模160度(舊爐同一setting, 低30度呢)
糟了, 蛋糕爆到好像花椰菜, 從前要40分鐘, 現在.......20分鐘!!!已成了.......
.......脹得勁, 縮得勁......會不會又........哎, 等不及冷卻了, 半熱不冷就用抆刀監硬脫......好緊張呀, 好快脫到糕底.......
太好了, 黏得緊緊的, 一點也不凹, 是平的!!!!!! 糕皮很金啡, 糕肉卻潤而嫩滑.......好香
到此方知, 什麼爆得勁縮得勁, 什麼底火太高會易凹, 什麼加梳打粉中和酸性, 原來都是沒關係......
......這樣看, 凹陷的原因, 不是溫度太高, 而是爐火不足, 糕肉太弱吧........希望這次對啦!
-----------------------------------------------------------
這個爐的說明書很簡陋, 看不太明白, 各位爐友可教我嗎?
position 1 : stop
position 2 : fan heater
postion 3 : ventillatied pastry oven
positon 4 : turbo quartz
position 5 : ventillated grill
不明白, 是什麼意思?
-----------------------------------------------------------
很多blog友給我寶貴的意見和親手幫助, 多謝大家, 我才這麼快買到新爐呢!
恭喜！恭喜！
回覆刪除恭喜moon哥一年抱三( s90, 500d, Roller Grill當然是新歡)
日後包餅齊飛，我擔定櫈仔等吃啦！
[版主回覆04/17/2010 00:04:00]謝謝呀, 希望多多好東西!
恭喜 ! 恭喜 !
回覆刪除新爐上場三把火, 祝你做糕做包又發又旺。
[版主回覆04/17/2010 15:02:00]謝謝, 希望我可以平平安安常做糕.........可惜今天又ot了
我也來恭喜! 恭喜!
回覆刪除嘩! 雪芳高到頭都模頂. 好味好味.
[版主回覆04/17/2010 15:04:00]謝謝呀! 我都好想多做糕包呢, 真希望常常都平平安安, 可多烘焙.
哇... 好吸引啊!! moon哥你終於離棄你個舊爐了, 你個舊爐同我用既係同一個model來架!! 咁快就焗完, 真係好勁啊!!
回覆刪除[版主回覆04/17/2010 15:06:00]我都有d唔捨得呀, 不過冇法啦, 它連糕也焗不到........不過爐係一個個的, 除了這, 這爐是很好的呢.
新爐入伙,恭喜晒!!已後阿芳一定生生性性啦!!係20分鐘已經出到爐嗎???
回覆刪除[版主回覆04/17/2010 15:07:00]真係快到嚇死我呀, 以為又會凹........
下次可以用160度, 唔駛快得咁驚人......
恭喜！恭喜！
回覆刪除[版主回覆04/17/2010 15:08:00]謝謝呀, 祝妳順順利利.
哈哈, 一早應該要買新爐啦! 喂, 近排大熱的孟老師卷蛋書(包CD)你有無打算買呀? 我買咗吖, 夲書幾好喎.
回覆刪除[版主回覆04/17/2010 15:11:00]日本近這兩年也是卷蛋大熱呀, 我先做好d雪芳蛋糕, 卷蛋呢, 有一個問題......家人對cream好恐懼, 所以對卷蛋有保留.
但我都想向卷蛋進法呀!
wa!!! 新爐.... 令我想起我家小爐...>.<"... 還是等我有機會去打擾你才學整"說謊彈高"吧~ 哈哈~
回覆刪除[版主回覆04/17/2010 15:13:00]好的好的, 有機會來試吓.......我的新爐有不是很大, 比舊的大一個碼了吧..........
唉！提到換爐，相信我短時間內都不能實踐。加陣用緊嗰個喺微波爐與焗爐嘅混合體，根本想不到何處容下一個獨立焗爐，希望幾年後，屋企小裝修後，可以騰出空間啦！ 恭喜你，脫離凹陷一族呀！
回覆刪除[版主回覆04/17/2010 15:14:00]呀, 混合爐, 係先進產品呀! 照計都幾好用呀!
哎, 希望啦, 如果再凹, 我真係暈低了.
嘩..到左! 就係依個~~ $$$ ?
回覆刪除見到咁成功, 換爐係明智啦!!!
你話爐溫不足? 唔明!!
[版主回覆04/17/2010 15:19:00]我個舊爐呢, 爐溫不可以說不準, set 170度, 焗盤都有170多度, 但放入蛋糕後, 模身只有140度, 而且爐身單薄, 溫度很難keep恆定..........結果........
哇！平頂儀式終于完成了，恭喜恭喜！ 自從上次請教了暖漿法之後我一直都用這方法，但是也跟你一樣，一時好一時壞，搞到心灰意冷，最近一個月都沒有碰雪芳。。。 其實我也好想趕快換掉這個平價Kenwood，尤其見到你換爐後如虎添翼，更是“口水漣漣“ 但是我也想買Kmix。。。
回覆刪除[版主回覆04/17/2010 15:24:00]哈哈, 平頂儀式, 係呀.....!
現在證明了, 不是什麼暖麵漿, 酸鹼度, 蛋白濕性乾性, 而是爐的熱力不足呢, 我check過, 我焗這糕是, 焗盤足足210度, 糕模160度.......咁, 妳試吓, 將 Kenwood的爐溫set到210度看看, 當然也不可靠, 試吓啦.
哈哈﹗終於換爐喇﹗今次呢個真係爆得勁左d，冇所謂啦，最緊要糕底夠靚仔嘛﹗right!
回覆刪除個爐係咪有幾個MODE焗野架﹖如果攪唔掂，去番店鋪問問好喎﹗
恭喜晒啊
[版主回覆04/17/2010 15:47:00]終於都換了, 原來爆得勁係冇事的.
個爐真係冇乜說明, 連網上都冇, 店舖的阿伯.......睇來都係自己試吓好了, 我都估都d嘅.
有機會來試爐.
嘩, 真係爆得好勁呀!
回覆刪除呢個爐焗嘢真係快好多架!
個說明書真係超簡單, 我o個張好似連 positions 都無寫!
都係估架咋!
你焗呢個蛋糕, 係咪用關底火呀?
[版主回覆04/17/2010 15:52:00]我呢個的position, 係第三個 : 上面狗牙炆, 下面直線的, 所以係有下火的.
第4個mode係turbo quartz, 勁火, 我估用來焗法包啩, 我只係唔明mode 2 fan heater.......把風扇係個個mode都開住的呢.
你這個爐我師傅都話超正，叫我如果要換就這個好了.........等我再勤啲過嚟吸收下你對此爐的評價先！
回覆刪除[版主回覆04/18/2010 22:26:00]呢個我估係家用爐之中數一數二了, 希望物有所值啦!
恭喜曬~試多幾次做實驗la~
回覆刪除[版主回覆04/18/2010 22:26:00]hehe, 一有時間我就做的了.
我已經第3次驗証喇，點都post唔到，激死我喇 ...
回覆刪除恭喜Moon哥終於換新爐喇 ！我嘟覺得lee個爐真係幾好用，不過張說明書就超唔掂，所以我嘟有再去番買嗰度問，但係佢都係知D唔知D咁啦！粗略所知的如下：-
position 1 : stop ---內罝風扇前的兩條發熱線唔開
position 2 : fan heater ---內罝風扇前的兩條發熱線開動
postion 3 : ventillatied pastry oven ---上下火都有，但下火較強，老板話大約3：7的比例喎，適合焗Cookies、pies....etc
positon 4 : turbo quartz ---上下火
position 5 : ventillated grill ---上火
另外，老板仲話用完記得打開個爐嘅門散熱，咁個爐會耐用好多架！我嘟係知咁多咋，希望幫到你啦，如果你有乜發現記得話比我知呀！！！
[版主回覆04/18/2010 22:59:00]謝謝呀!!! 好詳細呀!
我最唔明係fan heater, 上石英管和下發熱線都冇熱, 是不是風扇後面另有一組發熱線呢? 不過fan heater mode我check過, 溫度係唔夠呢.
我用新爐焗包之後再分享.
恭喜哂, 幾錢呀Moon 哥, 那裡有售?
回覆刪除[版主回覆04/18/2010 23:00:00]我私人留言答妳.
(Empty)
回覆刪除[版主回覆04/18/2010 23:07:00]希望從此平平安安.
終於不做 lup 哥了, 可喜可賀
回覆刪除[版主回覆04/19/2010 15:10:00]承妳貴言呀!
太好啦...終於都買左新爐,咁以後都唔會整到凹陷雪芳啦
回覆刪除[版主回覆04/20/2010 20:50:00]承妳貴言呀!!
嘩!雖然爆得咁犀利, 但係內裡一d都唔乾, 睇都睇到好軟綿綿咁, 新爐好野
回覆刪除[版主回覆04/20/2010 20:51:00]係呀, 證明爆得勁, 縮得勁的"道理"是錯的呢!
裏面真的好嫩呀!
經常睇你個blog,好佩服你對戚風蛋糕製法不斷硏究,令我可從中偷師!
回覆刪除[版主回覆04/20/2010 20:53:00]別客氣, 看來我的"研究"可以暫告一段落, 專心用新爐做好糕包呢, 交流吓啦!
我的防綫終於失守了，忍不住買了KM。。。 焗爐可能還要等幾個月才能出手。。。 怎樣都好，我也會嘗試調到210度看看成果怎樣！
回覆刪除[版主回覆04/21/2010 22:33:00]實在太羨慕喇!!!!!
一不做, 二不休啦!!!
210度, 死馬當作活馬醫
hi hi there~ I've been reading your blog for a while, you make nice chiffon cakes! I often follow your recipe & mostly success! JUst wonder where to get this amazing oven? is it expensive??
回覆刪除[版主回覆04/23/2010 09:20:00]Thanks ar.
在你的留言版告訴你.
卒之買 咗新爐 嗱，希望你唔駛再做易凹一族啦！
回覆刪除[版主回覆04/22/2010 09:33:00]希望希望, 可惜成日ot, 還未有時間整第二次.........
你做邊行 o架，乜得你咁多 OT 嘅！不過如果 OT 有補水又唔驅呀！！好多人唔願升識都係因為無得開 OT，變相收入少 咗呢！
回覆刪除[版主回覆04/24/2010 00:23:00]當然係冇錢啦, 仲有時貼埋錢............
Moon哥你終於換爐了！效果好好喎！
回覆刪除[版主回覆04/25/2010 22:12:00]試左雪芳, 下日次一定要焗我喜歡的.......田園包!
" 仲有時貼埋錢............ " 唔係呀嘩！！？？你對公司真係忠心！
回覆刪除[版主回覆04/25/2010 22:13:00]只可選擇.......做, 定不做.......冇法啦!
恭喜有新爐用!!!! 個雪芳真係爆得好利害喎 有時開 fan 唔係焗樣樣野都好，我試過焗蛋撻唔得，蛋漿下陷皺皮
回覆刪除[版主回覆04/25/2010 22:15:00]這個爐和我以前的特性完全不同......要適應一段時間.
哎, 我個爐冇得選, 一定有fan :p
靚仔-新焗爐
回覆刪除[版主回覆04/25/2010 22:15:00]好似好pro咁.......係好似.
" 只可選擇.......做, 定不做.......冇法啦! " So poor！！唔怪得之你一得閒就整包包舒壓啦！
回覆刪除[版主回覆04/26/2010 20:00:00]整包包, 也是興趣, 也是減壓, 一舉兩得
Hi 我想買焗爐學整蛋糕請教下你現在換爐係幾錢呀?牌子？那裡有售?
回覆刪除[版主回覆04/28/2010 09:16:00]私人留言回覆你啦!
真巧合。。那天你在找爐j時想介紹你这个法國爐給你，認識这Roller Grill是三家姐兩個爐中的其中一個爐就是這牌子。。烤面包賣相好好。。
回覆刪除而前幾天剛好有事出埠。。在一間高級購物中心裏看到擺住兩架Roller Grill。。看看價錢。。。當時還開爐門往裏邊望望。。。幾乎全部Roller Grill都是用紅外線菅做上邊火。。也許這就是烘出靚靚面包表面的原因吧。。
MOON老師。。可以介紹下買了多少銀兩嗎？？
[版主回覆04/28/2010 09:22:00]謝謝妳呀, 香港能選擇的半專業家用爐不多, 而且地方狹窄, roller grill是少有的選擇了.........他們的新model多用石英管上火, 每枝管已有750W, 好大火氣, 好易焗濃, 我也要一段時間才摸熟.
價錢呢, 我私人回應告訴你.
多謝你已收到
回覆刪除[版主回覆04/28/2010 12:02:00](Empty)
我都 換爐 , where to buy roller grill ? $$
回覆刪除謝謝
[版主回覆01/13/2011 07:35:00]在上海街東亞買, 約$5000.
我剛買了這款焗爐，請問妳第一個同第四個撃是爐什麼用的?
回覆刪除[版主回覆09/23/2011 20:51:00]如果按照我的爐子
1. 停止發熱
2. 熱風 - 只靠風扇後面的發熱元件, 溫度均勻但不夠熱力的
3. 抽氣糕點焗爐 - 除熱風外, 再加上面的石英發熱管和下面的傳統發熱管, 下發熱線一直開著, 不受恆溫器控制
4. 加速石英發熱 - 除熱風外, 再加上面的石英發熱管和下面的傳統發熱管, 兩個發熱元件都受恆溫器控制.
5. 抽氣烤箱 - 除熱風外, 加上面的石英管發熱, 下發熱線不發熱, 利用高溫的上火, 烤肉類為主
hi, 謝謝你的回覆。
回覆刪除[版主回覆11/19/2011 14:31:18]You are welcome.
icic. 唔該哂你既長細解釋，原來係石英管之分別。
回覆刪除FC340容納唔倒我個mini kitchen! :-(
[版主回覆11/19/2011 14:33:08]You are welcome. 咁F260都ok的, 仲可以考慮DeLonghi 28L.