2009年6月30日 星期二

又來大project???

不是, 只是上老友新居, 來個開爐大典......



老友話她的同事十分回味"大project曲奇".



還有另一位老友的桂花酒釀丸子.......



見還有空檔, 做個雪芳, 做什麼味道呀? 可可!!!! 唔好喇啩!!! 死就死啦!!!


果然爆泡爆到得返一半........唉. 令到老友的老友大失所望.


聽講如果可可粉和麵粉混合了, 可以不爆泡.........又有blog友說加了baking soda有效..........還有blog友說做朱古力從未試過爆泡..........


難道我又要做實驗???



Read More, 繼續看 »

2009年6月27日 星期六

芥子煙肉卷

今日在用另一個方法試.......



今次用大卷綿胎的方法.......用的是基本鹹麵團:


高粉200g 糖12g 鹽5g 奶粉6g 水130g 植物油10g 牛油10g.......做法如舊


 


灑上碎煙肉, 塗滿芥子.....



兩次用了半瓶......


 


捲了大綿胎, 本來用線界是最齊整的, 可是懶, 用利刀切算了.


 


 


給太太試一口, 說怎麼又鹹又酸.....hehe, 芥子是這樣了, 下次要塗少點. 我倒覺得ok好吃, 我是酸精. 好彩我不太肆鹹, 否則死得快.


Read More, 繼續看 »

聰明笨伯卷

今個星期本來都算平安, 那知星期五又聽到令人灰心的消息.....


幸好打風令一個晚上的ot取消了, 不理了, 做個包減減壓, 想做個芥末煙肉卷, 去年本來買了一大瓶Pommery mustard, 一大陶瓶, 未吃到1/5, 已過期忍痛丟了......


 


途經百記, 竟發現小玻璃瓶的Poupon Old Style Mustard, 和龐馬利是同類, 鹹酸鮮香, 味道也不輸給Pommery


 好, 又做我的卷卷


雖然因夾了煙肉和芥末發酵時有點走樣, 應該好味的......那知.......唉......


 


........好一個聰明笨伯, 大家看得出有什麼致命的問題???


結果全部卷卷都吃不得!!! 丟掉了.....



不知怎的, 今次搓完包, 心情都是不太好......


Read More, 繼續看 »

2009年6月25日 星期四

三blog大比拼

那一天起, 我加入了寫blog的行列, 這裏是我個人的小小世界, 在這裏談故鄉, 說音樂, 談包論餅, 行山旅遊, 和海內外blog友傾吓計, 渾忘大世界三千煩惱........


當初選中Yahoo!blog, 也是因為好友在這裏安營立寨, 起初還怨為什麼要登入才可留言, 好啦! 開個account啦......


 
 

             Yahoo!                                    Sina                                         JaCSo

......結果這政策反而令這裏成為一個小社群. 一直也很喜歡Yahoo!blog, 然而不時要受零零碎碎的故障之苦, 這麼大的一個網站, 攪什麼呀??


近月, 聽到海外網友連線慢...慢....慢.....慢到一個不能忍受的地步, 這是更不能忍受的, 互聯網就是要連接全世界呀, 連線也攪不好, 那便是廢了一半武功了.


加上又聽到DIY界網友因小故被關閉網站.........我便的起我的懶人心肝, 走出去看看新樓盤..........sina, jasco, blogger, xanga, windows live space.........


這是我對幾個blog站的經驗


1. Yahoo!Blog - 介面易用, 自動功能多, 版面優美, 登出的照片質素最高, 社群龐大, blog友質素高, 設有私人留言, 方便blog友交流私人資料和心聲.........但........



  • 故障頻生,

  • 海外連線極慢

2. Sinablog - 連線速度ok, 版面可以用CSS(我這個星期剛玩得廢寢忘餐)較自由地設計, 可選擇匿名留言或登入留言(匿名留言雖方便, 但容易引來不促之客亂寫).......但.......



  • 預設自動功能少, 下下要用html和CSS去調整外觀和文章照片格式,

  • 有私人留言但名字是公開的(咁都算私人???).........

  • 照片經壓縮質素較差

  • 最要命的是今早嘗試登入, 竟然故障了好一段時間......不穩定是yahoo最大的敗筆, sina也是???

3. JaCSo - 見仙姐新blog也開在那裡, 新blog站喎, 又試吓.......連線速度快, 版面也可以用CSS較自由地設計, 她和Sinablog好相似, 好可能係用同一系列軟件做的.....



  • 照片質素壓縮得最利害, 加入照片時要逐張逐張加, 每次加一張, 很麻煩

  • 預設自動功能少, 下下要用html和CSS去調整外觀和文章照片格式

  • 只設公開留言(太沒保障了), 不設登入留言(最近已加入了)和私人留言

其他如blogger, 太簡陋; .........xanga, 照片太細, 社群大都是teenager;........windows live space, 又簡陋又複雜, 連我自己個account都睇唔明........


其實我都係最喜歡不變的, Yahoo!, 不要激走我.


Read More, 繼續看 »

2009年6月22日 星期一

朱古力卷-兩款(附食譜)

雖然今個星期六又是OT日, 好累呀! 不過我都係做了我的卷卷..........


今次係, 朱古力卷卷.



原本想做一個三角卷綿胎, 一個牛屎卷, 點知牛屎卷發酵時, 它不向橫發展, 竟然越標越高........站不住了, 唯有訓低啦!



高筋粉 250g;可可粉 15g;奶粉 7g; instant yeast 4g; 糖 30g; 鹽 4g;  蛋 1隻; 水 163g-蛋份量 (蛋+水=163g); 牛油 20g; 熔朱古力 40g


1. 除牛油外,所有材料搓至混合,略帶筋性
2. 加入牛油和熔朱古力,把麵團搓撻至不黏手,和拉開見薄膜
3. 發酵50分鐘,篤手指測試為準
4. 均分割8份
5. 排氣,滾坐成長圓,靜至10分鐘,搓成長條, 再靜置5分
6. 棍輾手拉成長三角,薄薄掃油,捲成合意卷狀,末發酵45-50分鐘至兩倍大
7. 掃蛋液,洒杏片,180度焗約15分鐘


 


32度的氣溫, 開猛了冷氣, 也有28-29度, 朱古力在這溫度, 基本上是不會set的......冒險一試, 40度下seeding, 拌拌拌.........終極測試.........真的不set呀.........再加熱加seeding........將冷氣風定了方向吹........行了, set得ok, 冇紋, 不過就不太脆了.......廿幾卅度, 點會脆丫


即刻蘸上麵包卷.........靚靚



麵包不夠甜, 加了可可粉質感有少少粗, 不過老化不快, ok! 如下次試, 可加糖加油.



 


Read More, 繼續看 »

2009年6月19日 星期五

澳門遊 - 拾遺

澳門遊 2009-4


哈哈, ルナ說起, 我又找些澳門照片來回味一下..........


去澳門多次, 從未試過在這角度拍攝這麼完整的噴水池廣場.......你猜我站在那裡拍攝?



 陳光記......


馳名黑椒燒鵝, 可惜去得不著時, 燒鵝賣完, 吃燒鴨吧, 都好好味.......香港, 絕大多數叫燒鵝, 但吃的只是鴨, 混沌不清



很喜歡路環小村, 可惜今次沒時間在長堤看日落了, 最喜歡在安德魯花園咖啡店吃個茶, ルナ, 去完竹灣, 可以順道來這裏一遊呀!


 



Read More, 繼續看 »

2009年6月18日 星期四

怪包實驗

想左好耐, 想試一樣嘢..........終於做了, 就是這個怪包,


各位看得出有什麼怪嗎?........




這個圓咕嚕的是一次發酵包  : 搓好甜麵團 -> 一次發酵50分鐘 -> 入爐.


做腸仔卷那天, 意外(因大頭蝦)多做了一個甜麵團, 左想右想不想浪費, 就做這個實驗吧! 究竟發到脹卜卜未經排氣的麵團, 爐爆勁唔勁? 麵包的質感如何? 老化快唔快?




  


結果是 :


爐爆普普通通 - 原來不是發酵得多氣體, 爐爆就勁, 最重要是有冇漏氣.


麵包質感 - 是鬆軟但散散的半糕半包, 同一類麵團, 經過排氣再發酵的, 煙韌和組織靚好多. 明白了!!! 做長時間發酵包, 翻麵的重要性.


老化 - 出乎意料的, 是老化也很慢, 三天之後, 雖乾散了少少, 但竟然仍有一定的軟度, 由於一早切了件, 要包錫紙才返焗, 竟然還是鬆軟的呢!



Read More, 繼續看 »

2009年6月16日 星期二

三種腸仔卷 - 又係第一次(附簡簡譜)

有冇留意我很少很少做有餡包. 一來我幾喜歡麵包本身的, 二來餡通常都較高脂, 時時食好大鑊, 三來做了麵包我都自作自受三日, 有餡的不耐放.


不過冇理由連腸仔包也未玩過, 好, 一於玩盡佢, 腦子裏已想好兩三種卷法.........好手痕呀!!



後面的是三角捲棉胎, 左前是捲豬腸, 右前是我想到的三角捲.......牛屎包! 上圖是隔了一天的, 狀態仍ok :



這種捲法, 我想了成個星期了, 看它的底部我都好喜歡.


第一個失敗了, 條腸站不穩, 倒下來壓歪了個牛屎堆, 後來把腸的底端切平才行. 它倒下時, 太太剛走進廚房 , 她見到牛屎堆哈哈笑說 : 我喜歡這個呀, 留一個給我!! ,  我正在氣急敗壞的想救它, 大聲了點說 : 不行呀, 這個失敗了!!! 等我成功再算啦........:p 真對不起呢!



特別買了日本制的Schau Essen豬肉腸, 絕大部份日本腸有一個特式, 都是一咬下去腸衣脆得卜一聲, 裏面的肉是有點咬口和有汁(即係脂肪啦), 不像大部份的外國腸淋淋韌韌的, even我在法蘭克福街頭吃的.



一般甜包麵團, 200g高粉 3g酵母 30g糖 1g鹽 6g奶粉 30g蛋 100g水 25g牛油; 直接法, 搓滑至可拉薄膜, 初發1小時, 分割靜置15分, 做型, 末發50分鐘, 塗蛋液, 180度焗約30分.



爐爆好犀利, 迫脹到d螺旋紋都到淡晒添.



麵包已進入第三日, 只係輕微老化, 不用焗仍是軟的, 今天番焗, 哇, 又香又軟, 好吃呀!!


                          


條腸真係好好食, 又脆又結實又有d煙燻味......不過它的脂肪量是......27.8%, 係好得人驚!!!


下期又有一個創舉, 得閒再post出來.


Read More, 繼續看 »

2009年6月14日 星期日

一個悠閒的JWM下午

大鄉里出城了......! 自己很少很少吃自助餐了, 咁出名的JW Mariott, 都係老友約我, 我才有機會試試.........


先來一個芝士小碟, 好少咁放的吃芝士, 有Cheddar, Blue Cheese, Camembert 和 Emmental......我係識咁多咋.........最愛吃都係淡口鮮美的Emmental........記起兩年前在VictoriaAbkhazi Garden的下午茶



The Lounge, 三層高的樓底, 落地玻璃, 舒適的沙化, 輕鬆的消閒書藉, 吃......只是其中一個環節, 令我們一坐4小時, 只是吃吃, 談談, hea hea, 什麼也不做和想.



來個甜蛋冷蕎麥麵......



Canton Tea Company



因為近期好多公事飯, 肚腩又大了點, 所以吃得不多, 四片靚三文魚 : 原味, 香茅, 綠茶......加幾粒鹹脆水瓜子......yummy!!!!



中式點心加墨西哥雞肉薄餅, fushion來吃, 點茄醬, 乳酪, 豆醬.....



麵包怎可不吃, 唔, 我們都認為.....是行貨而已, 不過我愛吃白汁碎蛋, my飛佛!



主菜來了.......即係甜品啦!!! 聽老友說從前這裏的甜品好精緻, 現在已跌了很多watt.


紅桑子吉士撻, 好味丫,  raspberry好靚好大粒, 外面吃不到的. 有點Ispahan的縮影吧.



士多啤利吉士千層酥(我不喜歡叫拿破崙), 綠茶蛋糕, 不錯不錯......朱古力慕司配橘子果凍, 朱味不夠濃, 即製水果crepe, 有趣.



 一於食個朱到死亡的朱古力蛋糕!


我係甜精, 冇有怕! 哎, 又爆燈呢! 下次瘦了點再吃過啦!



 


Read More, 繼續看 »