大鄉里出城了......! 自己很少很少吃自助餐了, 咁出名的JW Mariott, 都係老友約我, 我才有機會試試.........
先來一個芝士小碟, 好少咁放的吃芝士, 有Cheddar, Blue Cheese, Camembert 和 Emmental......我係識咁多咋.........最愛吃都係淡口鮮美的Emmental........記起兩年前在Victoria 的Abkhazi Garden的下午茶
The Lounge, 三層高的樓底, 落地玻璃, 舒適的沙化, 輕鬆的消閒書藉, 吃......只是其中一個環節, 令我們一坐4小時, 只是吃吃, 談談, hea hea, 什麼也不做和想.
來個甜蛋冷蕎麥麵......
Canton Tea Company
因為近期好多公事飯, 肚腩又大了點, 所以吃得不多, 四片靚三文魚 : 原味, 香茅, 綠茶......加幾粒鹹脆水瓜子......yummy!!!!
中式點心加墨西哥雞肉薄餅, fushion來吃, 點茄醬, 乳酪, 豆醬.....
麵包怎可不吃, 唔, 我們都認為.....是行貨而已, 不過我愛吃白汁碎蛋, my飛佛!
主菜來了.......即係甜品啦!!! 聽老友說從前這裏的甜品好精緻, 現在已跌了很多watt.
紅桑子吉士撻, 好味丫, raspberry好靚好大粒, 外面吃不到的. 有點Ispahan的縮影吧.
士多啤利吉士千層酥(我不喜歡叫拿破崙), 綠茶蛋糕, 不錯不錯......朱古力慕司配橘子果凍, 朱味不夠濃, 即製水果crepe, 有趣.
一於食個朱到死亡的朱古力蛋糕!
雖然我係甜精, 話就話冇有怕! 哎, 真係爆燈呢! 下次瘦了點再吃過啦!
… … … 你地…你地…
回覆刪除哼！我怕肥
[版主回覆06/14/2009 23:07:00]冇法啦, 妳另有任務嘛........找次我們再去吃過!!!
似乎JWM 的下午茶不錯~~~
回覆刪除[版主回覆06/15/2009 08:43:00]他他條條, 優優閒閒.
我也跟好友嘗過她的下午茶... 邊吃邊聊, 又有豎琴演奏, 最後嘆吓她的花茶, 很不錯!!
回覆刪除[版主回覆06/15/2009 08:46:00]我地冇豎琴.........好似都冇花茶.........可能係要另外order........環境和食物基本上都唔錯, 不過朋友都說跌了watt, 但最重要是可以和老友慢慢hea呢!
咁悠閒的下午, 肥小少唔怕喇. 享受下寫寫意意的, 食物糕點唔錯喎.
回覆刪除[版主回覆06/15/2009 08:48:00]又係好悠閒的, 食物冇想像咁精緻, 不過地方就一流, 值番晒!
肥呢, 一次肥少少, 兩次又肥少少, 都肥左好多了.......
0甘食法哪止爆燈......至情爆胎啦！
回覆刪除閑時嘆下午茶，心情都靚地呀~吾止只享受食物，係享受輕輕鬆鬆、悠悠閑閑，那種心情、那種感覺, 靚！正！
[版主回覆06/15/2009 08:55:00]哎, 妳唔好嚇我, 我個車"車太"真係有膨脹趨勢呀.......
在香港, 好少機會咁悠閒的, 多數去到食肆都係食食食, 食完就走的, 我地仲講笑話, 吃完我地各自返上去酒店房, 睡個午覺, 到入夜再去wet過.........幻想自己係遊客........大家一致認同, 住酒店真係樂趣.
JWM, 我只吃過buffet dinner. 上年去過一次, d甜品真係不進反退..
回覆刪除[版主回覆06/15/2009 08:57:00]dinner相信更豐富喎. 甜品真係跌watt了, 可能係縮皮了, 降低成本了.
哗！！0甘多芝士....好放纵bor
回覆刪除[版主回覆06/15/2009 19:15:00]keke, 係呀, 冇幾何呀! 每樣吃一片啦!
士多啤利吉士千層酥同紅桑子吉士撻買相最靚呢. 如果佢至到7點 , 我可以食埋.
回覆刪除[版主回覆06/15/2009 19:17:00]冇錯冇錯, 這兩款真係幾精緻, 下次再吃過, 一於7點埋單
JW Mariott又真係幾出名， 聽講要14天前訂枱架喎! 睇嚟啲食物都幾精緻喎---你砌得 。
回覆刪除[版主回覆06/16/2009 08:54:00]今次只係friend三日前book位, 不過都幾full了, 差點要坐bar檯, 食物種類是普通, 但質素係幾好........梗要砌吓啦, 玩埋做型和攝影, 抵到爛呀!
好似好正??請問幾錢位??
回覆刪除[版主回覆06/15/2009 19:23:00]未加一應該係大約$250咁上下啦.........我冇計清楚.
甜品多數都係成為主角....哈....
回覆刪除[版主回覆06/17/2009 07:52:00]我係甜精嘛, 不過食食吓我都開始頂唔順, 太飽了.
爆燈都唔緊要啦，博命搓番多 啲包 咪得囉，夠哂運動量啦！
回覆刪除[版主回覆06/17/2009 07:55:00]嘩, 咩唔緊要, 我仲想keep住個中年車呔不要太大咖. 哎, 搓包, 一個星期至擠到一次時間咋, 有時一次都冇........
咁返工人就梗係咁 o架啦，唔好話你，就算只係打理頭家都唔少 嘢做 o架！我就兩方面都要兼顧，所以覺得一日 24小時真係唔係好夠用。
回覆刪除Ho ho, that chocolate cake looks very 'sinful'!
回覆刪除