2012年2月29日 星期三

中種山形包

很久很久沒做中種包了, 多做直接法或慢發酵包包......中種包和直接法的包包, 食感是不同的.


一來手搓中種是很難的, 試想想把一大團橡膠泥似的中種搓爛, 混入新的麵粉和水, 再搓成一團, 真的很辛苦, 況且中種麵團搓來搓去也不很平滑(不知誰說很好搓), 直接法的麵團好搓得多.

有了KM, 早前仍在試用階段, 所以多用直接法, 現在是時候試中種了.



有了KM, 搓已不是問題了, 中種用手搓, 主麵團才用KM 搓, 一個包, 滿足兩個願望, 正! 開工!

參考了仙姐的"天然麵包香".

中種 :

高粉200g  速酵母2g 鹽2g 脫脂奶約130g  手搓至光滑, 話都冇咁易

保鮮紙包好, 即放雪櫃過夜, 我放左14小時左右啦, 天氣太冷了, 麵團幾乎發都冇發........不是問題!

主麵團 :

中種全部(剪碎) 高粉100g 速酵母1g 鹽2g 糖20g 脫脂奶約65g 牛油20g(稍稍後下)

放入KM 打打打打, 小心感覺一下麵團的軟硬, 自己判斷, 加少少奶或麵粉........
.........打左好耐, 都是黏黏的, 以前手搓死硬 :p

3速打了超過15分鐘, 終於打好了, 表面上麵團和直接發分別不大, 但比較軟軟黏黏的, 幸好加少少手粉都易操作. 座暖水初發1小時.

靜置15分鐘, 排氣, 用麵棍擀長, 左右摺疊(上次冇做呢步, 成個麵團好闊, 幾乎放不入模式!), 捲綿胎, 撲少少手粉, 入模(預先掃少少植物油, 呢個方法脫模冇失拖).

再座熱水末發酵, 但很奇怪, 發得很慢很慢, 原本預算發30分種, 結果不行, 再發30分鐘, check過溫度28度, 不冷呀!




麵團表面灑少少ementhal cheese絲, 入爐, 今次190度焗, 開加強底火mode, 約30分鐘

有點失望, 麵包升得不高, 比直接發矮.



脫模超順........看一看麵包表面, 很有趣, 出現了明顯的網狀組織, 這就是中種的遺跡嗎? 雖然中種剪碎了還放入stand mixer打打打打, 原來它的網狀的麵筋組織仍在.

是不是這些網狀組織, 令麵包發得不大, 升得不高呢.......很好奇.



待涼切開了, 包肉真的很軟, 有點軟軟糯糯的, 組織有點不太規則, 撕不出一條條.........網狀嘛, 怎會一條條?

不像直接法的, 鬆鬆爽爽, 很易撕成一條條(雖然上次麵團捲得超爛:p)




食味和直接法分別不大, 食感就軟好多, 但不太爽口.......

不過保濕力是強了, 同樣放入膠袋密封, 直接法的麵包, 第二天已開始乾身, 中種法的, 第三天才乾散.



看下面的比較, 直接法的麵包較靚仔, 中種是很多網紋的.






這只是做了一次的結果, 不能作準, 不是結論. 下次再試,





Read More, 繼續看 »

2012年2月26日 星期日

認得呢隻雀?

雕了一隻很卡通的雀.........比個IQ題你丫, 你認得呢隻雀嗎?



比個貼士你, 呢隻表情好鬼誇張的雀, 不是卡通雀, 而是有一千歲的........信嗎?

真係咖, 所以牠有資格出現在10000yen的鈔票上!!




估不到呢隻做型咁前衛的鐵甲機械雀, 係幾乎1000年前的作品了.

牠就是站在京都市附近的宇治市平等院鳳凰堂屋頂上的鳳凰銅像. 不過呢隻係複製品, 真身在院子內的鳳翔館博物館保存.



點解我留意到?.......就是早排看了阿蘇的京都電視節目lor. 才知道呢隻雀.....呀, 係鳳.....咁巴閉(了不起)






所以上次就去了參觀, 仲發現現宇治好有趣好多好東西吃呢, 遲d分享啦!

Read More, 繼續看 »

2012年2月25日 星期六

關西行2012(17) - 鳥羽石鏡町的新八屋 - 好幸福呀!!!

玩到入黑了, 汽車沿著黑漆漆, 彎彎曲曲沒有路燈的鄉村公路飛馳, 全靠GPS 領航系統帶領......

今晚的住宿, 是在離開鳥羽市好一段距離的石鏡町新八屋.......咁偏遠嘅??? 究竟係點呢? 不過在日本, 我未擔心過---加上是弟弟的選舉, 一定得!!!

安全到步了, 一進大堂, 女將奉上一杯昆布茶 --- 鹹鹹地嘅? ....... 呀, 這裏是漁港, 又幾合趁喎!



 
然後親自送我們入房間, 我們都讚歎 : 成件事真係好精緻, 好周到呀! 是的, 整間酒店, 只有11間房, 正是我所喜愛的.

窗外一片漆黑, 只見數點燈光, 好寧靜, 明天, 應該可以看到靚海景吧!



 
晚飯時間到了, 由於我們一行6人, 酒店竟專門開了另一間房間給我們一起用膳, 好感動呀!!!!!!

弟弟說, 今晚是三晚溫泉旅館中最平的!!! wow, 看枱面上的料理, 不敢相信呀!





真的吃到伊勢海老呀! 仲係sashimi!!!



好爽, 好鮮甜啊, 好幸福的感覺又來了......

 


啊??? 咁大個鐵釜嘅??? 唔通........咁大煲釜飯........?
 



打開了!! 原來是蒸海鮮呀!!!!  有魚, 有蠔, 有帶子.......哎呀, 我們都不禁歡呼........是丫哇些呢!!!

奧巴生, 親手為我們開蠔殼, 服侍我們吃......好受寵呀!  只有日本有這樣的感覺!



大魚生船, 奧巴生又逐個替我們分吃......感動到差點流淚........


 
wow!



 
wowwow!!!



 
wowowow!!!!!



 
好雅~~~~~~!!!



 
好好味的敷和糯米團子.......



 
美味不斷送上.......

 

 
哇, 仲有牛肉sukiyaki.......仲有仲有海鮮釜飯.......不行了, 飽到丫!

今晚好幸福呀!



 
晚上去浸溫泉, 旅館人少少, 絕對不會有迫爆人的場面, 可以享受寧靜一刻.

一宿無話, 第二天醒來, 拉開窗簾, wow, 看海的日子.......好寧靜好舒服呀, 又去浸一浸溫泉





走到窗前, 呀! 好美麗寧靜的石鏡魚港......



在窗前看了好久......



好舒服, 好寧靜........



吃早餐時間到了........在房間吃的和式早餐.





通常會覺得和式早餐是鹹菜送粥, 吃不飽, 其實是可以好豐富, 好精緻呀, 妹妹也改觀了, 很多西式早餐也比不上呢!

記得第一次吃歐陸早餐, 以為好好吃, 點知得啖笑.




還有龍蝦味噌湯, 哇, 好鮮甜呀!!!






 早餐吃到咁樣, 怎不覺得受寵........那種受寵的咁覺, 不是西式酒店任何豪華早餐可以比較的.


這是我心目中的日本, 我所喜悅的.




吃飽飽, 抖一會, 就要離開新八屋, 踏上行程......

昨晚沒機會細心欣賞酒店大廳, wow, 原來咁好風景........再見了, 希望有機會再來.



Read More, 繼續看 »

2012年2月24日 星期五

關西行2012(16) - 下一站, 三重縣的海邊




離開那智勝浦, 我們沿熊野街前進, 由和歌山縣進入三重縣......天色真好呀!!!!!

說起三重縣, 可以不太孰適吧! 如果說日本的至聖之地---伊勢, 可能有點印象吧, 伊勢海老---日本龍蝦, 不知今次有冇機會吃到呢?



途經熊野市附近的獅子岩, 觀光一下先.......這種小景點, 如果是火車遊, 是不會到的, 自駕遊又不同, 車行, 不用人行, 又不拘啊!




獅子岩.......都幾似獅子頭丫, 仲有一執鬃毛.




那知走下沙灘回頭一看, 角度的關係, 獅子頭變了癲狗頭......wow wow wow wow!!!




七里御濱沙灘的遠處, 一班年青人正跟著導師操練. ganbatte!!



然後到達鬼之城.......




這個海岸, 巨石嶙峋, 奇形怪狀, 如果是月黑風高, 或者陰風怒號的日子, 都頗鬼影幢幢的.




可惜因去年八月超級颱風來襲, 海岸的步道被破壞, 封左一大段, 不能盡覽, 唔知前面有冇牛頭石, 馬面岩......




 




再出發, 途經一條山村, 有d面善........丫!! 好似"千與千尋"中千尋和家人搬去新家那條村莊喎.......

......總覺得山上有一條神秘的隧道, 通往Haku(白龍)和 Yubaba(湯婆婆)的奇幻世界.......



又途經中途站了, 好嘢!!! 撳機和吃東西時間到了.........




先撳售賣機, 竟有炸薯條和鯛魚燒喎, 試吓先!!!

薯條有點淋淋的, 不過夠晒肥大肉厚, 都ok, 鯛魚燒就熱辣辣幾好味.

我估其實是用自動化的內置微波爐叮熱的.




再吃牛肉烏冬, 別看是中途站, 也一樣好好味.






弟弟發現有牛奶買, 原來是附近的大內山牧場的本地出品.

問我 : "飲奶嗎?"  我答 : "飲呀飲呀! 大少飲奶咯!!"

好甘香呀!!!




下一站, 是二見浦夫婦岩.......




看人家的小村, 多麼"乾淨""骨子""企理"..........我都唔知點形容了, 總之日本的小村鎮, 才是我心目中的小村鎮.

夫婦岩倒沒什麼, 可能已在照片見過多次, 兩塊石頭用注連繩連在一起吧, 比想像中細少.......當然一定要和太太合影啦!




原來全日最興奮的節目, 是找到一間本地超市, 好多又平又靚的日本食物呀!!!



shop shop shop shop.......零吃, 意粉意粉醬, 小手信, 都比外面便宜, 買定d先.

日本的意粉, 比起意大利產的意粉更好吃, 很易煮到彈牙al dente的呢!



入黑了, 是時間到今晚的溫泉旅館, 鳥羽市, 石鏡町的新八屋旅館.......想不到更精彩的在後頭......

Read More, 繼續看 »