很久很久沒有做白麵包了, 去年8月在北海道小樽築港的大mall買了一個四方模還未用個呢! 一於剪彩吧!
方形模做出來的包包cutie一點, 也可以做Full size大大片的山形白麵包.
用牛奶代替水, 是不利的, 因為牛奶中的蛋白質和乳脂令麵團較難起筋, 以前手搓, 麵團搓很久也是散散硬硬的. 用KM打打打打打, 終於由散散硬硬打到拉出薄膜.
也是用直接法, 簡單方便,
300g高粉(今次用T55) 速酵母4g 糖20g 鹽1g(可加至2g) 牛奶約200~210g 牛油20g
放入KM, 打打打打, 3速, 4速, 打到光滑拉出薄膜. 座暖水(天氣太冷了)初發酵約1小時. 取出排氣靜置15分鐘, 抹上手粉, 用麵棍碾長, 捲捲捲, 太長了, 放不進模中, 好狼狽, 取出摺一摺做成球形........吁~~~~
模內壁塗植物油, 手粉不要灑在模中, 而是薄薄均勻地撲在麵團底, 入模------這方法是最好的,脫模超易( 很多書教將模塗牛油, 灑粉, 結果很多時手粉和牛油結成一舊舊, no good!!)
座暖水發酵約30分鐘, 至麵團升至齊模邊. 入爐180度~200度焗約25~30分鐘至深啡色. 出爐, 脫模待涼, 切片( 吃一片切一片......可能的話)
質感很好呢, 味道也很不錯, 做蛋治又得, 搽奶醬又得, 搽jamjam又得.......得左!
方形模做出來的包包cutie一點, 也可以做Full size大大片的山形白麵包.
用牛奶代替水, 是不利的, 因為牛奶中的蛋白質和乳脂令麵團較難起筋, 以前手搓, 麵團搓很久也是散散硬硬的. 用KM打打打打打, 終於由散散硬硬打到拉出薄膜.
也是用直接法, 簡單方便,
300g高粉(今次用T55) 速酵母4g 糖20g 鹽1g(可加至2g) 牛奶約200~210g 牛油20g
放入KM, 打打打打, 3速, 4速, 打到光滑拉出薄膜. 座暖水(天氣太冷了)初發酵約1小時. 取出排氣靜置15分鐘, 抹上手粉, 用麵棍碾長, 捲捲捲, 太長了, 放不進模中, 好狼狽, 取出摺一摺做成球形........吁~~~~
模內壁塗植物油, 手粉不要灑在模中, 而是薄薄均勻地撲在麵團底, 入模------這方法是最好的,脫模超易( 很多書教將模塗牛油, 灑粉, 結果很多時手粉和牛油結成一舊舊, no good!!)
座暖水發酵約30分鐘, 至麵團升至齊模邊. 入爐180度~200度焗約25~30分鐘至深啡色. 出爐, 脫模待涼, 切片( 吃一片切一片......可能的話)
質感很好呢, 味道也很不錯, 做蛋治又得, 搽奶醬又得, 搽jamjam又得.......得左!
和別人不同, 我喜歡吃"油jam包"多過"油jam多".......除非麵包不新鮮, 始終吃包才吃得出真包味.
這日本買的mango & passionfruit jam, 真不錯.
白麵包的法文是pain de mie, 意思是"碎屑麵包", 在法國, le pain de mie地位是很低的, 因它只是工業革命下, 用模子大量生產的麵包, 皮太薄沒香味.
但它在英國就很受歡迎,叫pullman bread或sandwich bread. 做三文治或多士(土司, 吐司) , 美國人做的pullman bread則加入更多的油和糖.
到了日本, 稱為"食pain"(食パン）--- 日文中麵包不是bread而是pain --- 做法更仔細, 分"角型食pain"(pullman bread, 就是香港叫的方包), 也有"山型食pain"(round top), 從前香港人只吃方包, 近年也喜歡山型包了.......丫! 誰說沒有呢? "生命麵包"不是山形包嗎? 可惜我覺得它超難吃.
-----------------------------------------------------------
後記 : 今日去左翠華, 吃左件奶醬厚多, 好味到丫!!! 街上的方包, 真係好味過自家製的, 又鬆又軟又一絲絲.......當然, 我亦不再追求, 因為我亦相信他們下了不少改良劑, 乳化劑, 起酥油........他們的酵種也是我做不到的.........我真係好想去麵包公司做吓學徒, 見識吓.
麵包的形狀好靚, 看來好軟熟! 雖然吃飽晚飯, 但仍好想吃一片。
回覆刪除[版主回覆02/22/2012 22:29:21]最開心的, 是麵包皮的顏色, 6面都咁金啡:)
我同你一樣，我由細到老，都覺"生命麵包"超難吃。嘉頓好多野我都吾like吃
回覆刪除[版主回覆02/22/2012 20:42:40]係呀! 細個時冇得選擇, 食左好多, 但真係唔好食, 間中去麵包店買的方包好吃好多!!!
麵包整得好靚啊! 麵包我通常都係花生醬或者朱古力"津"子醬
回覆刪除[小友回覆02/24/2012 00:37:43]咁返去真係要試試啦，我好少食練奶，次次都叫花生多，求其一間茶餐廳都做得好好食，尤其藍田某一間~
[版主回覆02/23/2012 22:32:27]哎, 西洋人, 連花生醬都唔同味, 咁真係會思鄉了........告訴你, 我今日去左翠華, 吃左個奶醬厚多, 好味到丫, 街的方包好吃過自己整的好多.
[小友回覆02/23/2012 00:59:58]我以前只食頂好牌粗粒裝，雖然只係普通牌子但可能食慣左，去到英國(搵唔到頂好粗粒裝)買左３樽花生醬都覺得唔岩口味，而家放係一邊封曬塵感覺好浪費
[版主回覆02/22/2012 20:45:08]花生醬好味呀!!!!!!! 可惜怕肥好耐冇吃了, 不過現在想想, 唔怕得咁多, 買番樽先.
朱古力榛子醬都好吃呀, 甜左dd, 又係好久沒吃了.
見到你的 "生命麵包"...另到一排冇焗包包嘅我即刻想焗番轉^o^
回覆刪除[版主回覆02/22/2012 20:45:52]好呢好呢, 快快動手, 請我眼睛吃 :)
t55 出黎既白包口感, 係咪都同日本麵包粉一樣?
回覆刪除[版主回覆02/22/2012 20:47:10]我未比較過呀, 下次比吓先. t55應該係煙韌d, 但加左牛奶, 又覺得冇乜特別的.
"生命麵包"是甚麼味道的？
回覆刪除[版主回覆02/22/2012 20:51:38]唉, crumb鬆散, crust好似未焗透又唔香, 最不喜歡是有一種臊臊的好像是奶粉又不像奶粉的味.......不過, 自從長大後, 已好多好多年冇吃過了.
又一成功作品. "手粉不要灑在模中, 而是薄薄均勻地撲在麵團底, 入模", 太好了, 把您的經驗與我們分享. 謝謝您.
回覆刪除[版主回覆02/22/2012 20:52:20]不用客氣, 少少心得, 不過真係幾好用.
生命麵包有豬油, 邊有你d咁健康
回覆刪除[版主回覆02/22/2012 21:05:19]豬油未止, 仲有起碼6種化學添加劑(高蛋白生命好似有超過10種)..........豬油其實不算有害, 好過牛油, 而最可怕的, 係shortening或者植物牛油.......好多反式脂肪, 可惜絕大部份的麵包店都採用.......下次留意吓生命麵包用什麼油脂.
新鮮麵包就咁食都好味
回覆刪除[版主回覆02/22/2012 21:06:21]係呀, 好好味呀, 甘甘地又香又軟......可惜, 只可維持兩天.
真係好cute, 我都買咗個, 可惜貪心買了個大長方型..咁睇我諗要用600g麵粉先填到個模啦.
回覆刪除[版主回覆02/23/2012 22:29:41]1.5KG.......3磅咁大??? 不過, 好多時呢d xKG其實沒有什麼意義, 都係要自己試份量........如果係1.5kg, 看來要試500~600g麵粉了.
[rity - yc回覆02/22/2012 22:36:07]佢話係1.5KG模囉, 我照麵包機嘅分量整(250G粉), 點知焗出嚟唔頂角呀. 好在佢個蓋都啱我另一個細D嘅模.
[版主回覆02/22/2012 21:08:41]wow, 買左大長模, 是兩磅裝嗎(600g粉, 做900g的麵包), 幾時剪綵, 做個大枕頭包!
我買咗把麵包刀，十分正!
回覆刪除[版主回覆02/22/2012 21:09:24]我都有呀, 3把, 最好那把是加拿大朋友送的呢
嘩~~好正，色水上得好正用機真係快靚正
回覆刪除[版主回覆02/24/2012 22:58:55]我都好滿意呀, 不枉我重金禮聘呢個爐, hehe!
請問你提到阅KM 是指什麼?
回覆刪除[版主回覆02/24/2012 23:00:26]請看.......
http://blog.yahoo.com/amoon-littleworld/articles/96279
點解整嚫多士都係用直接法呢？用中種不行嗎？
回覆刪除[版主回覆02/26/2012 22:12:59]問得好, 這個問題, 下個post我有談到的.
日李jam真係寧捨好食。
回覆刪除[版主回覆02/28/2012 19:33:32]日本有好多本地食材做jam呀, 我食過日向夏柑jam, 廚櫃仲蜜柑jam, 柚子jam, oishii!!
你好呀, 我昨天跟你個食譜做左個方包，將其中50G高粉換了50G老麵，用日清強力粉，焗好之後外型跟你相中差不多(我係用日本cakeland一斤模)，切開之後雖然都夠軟熟，但發覺D組織好粗糙，有好多小氣孔，想請教是咩原因
回覆刪除[版主回覆10/05/2012 19:41:46]手搓不宜太久，最好15 分鐘內完成。
[胭脂迷回覆10/05/2012 14:08:59]謝謝你的回覆，我個老麵方包真係同你講既有D似，外面有D網紋，其實搓粉時都覺得有少系怪(手搓，我冇坐大MIXER)，個"薄膜"有點粗，有一粒粒狀，不過我搓左成大半個鐘，搓到個麵團發酵了(有氣泡)，就唔搓喇進行第一次發酵同之後你講既程序，我見我o個個發酵得好仲諗住冇死添
真係要TRY TRY直接法
[版主回覆10/05/2012 13:26:55]根據我個人的經驗, 加左固體麵種例如中種或老麵種的麵包, 組織都係粗粗的, 這和很多人的經驗不同, 人人都說中種可改善麵包的保濕力, 但經過多次的經驗, 始終係直接法的麵包質地對軟.
http://blog.yahoo.com/amoon-littleworld/articles/646984/index
尤其是老麵, 只係增加麵包的發酵香味, 我從來也不覺得它會改善麵包質感......都係試下直接法, 較適合柔軟細緻的方包.