近日太太很愛吃煙肉麥穗包, 好, 等我試吓先!
隱約記得, 第一次做epi, 是初初做包, 初生之犢, 在朋友家玩玩吓的.....
老友也很有興趣, 告訴我加了龐瑪利芥醬會好未d, 好, 買來一試.......哇, 原來是一個漆封的矮胖大陶瓶......
又試我的低溫慢發酵分段法......哎, 今次出了點問題(見"我的低溫慢發天書")......幸好最後也攪惦......
高粉250g 中粉50g 水210g 鹽6g 速酵母1.5g
大致搓滑, 不用很滑(也沒可能), 放雪櫃約10小時, 取出,, 哎呀怎麼只發了1倍......不行呀, 躊躇了很久, 才想起暖水座.......座了1小時, ok了.......噓~~~
做了三條麵團, 靜置20分鐘, 手壓成長方扁塊, 放上bacon, 抹上pommery mustard, 捲起來收口, 發酵45分鐘, 斜剪幾下, 做成麥穗形, 入爐220度, 噴兩三次水, 焗7-8分. 180度, 焗15分鐘至包面金黃......
已轉移slide photo
epi出爐了, 好香呀, 皮脆, 肉竟是煙煙韌韌, 煙肉芥醬鹹鹹香香, 不錯呀!
幾時玩番次呀, 朋友?
哎呀﹗我都遇到呢個問題，雪完十小時，只大了一倍﹗﹗
回覆刪除斜剪幾下，剪得好好呀﹗又平均又好睇。
[版主回覆04/27/2008 21:14:00]我知點解了! 請看解決辦法
http://hk.myblog.yahoo.com/amoon-littleworld/article?mid=9090&prev=-1&next=9085
當然和我的"可睡午覺和去街"的簡便原則差一點, 算啦, 仍能保持那塊中種般的靚麵團呢!
再想懶方法.
尼果我已想做好耐啦~奈何遲遲都沒郁手﹐冬天來了~我睇。。。我的老毛病又來了~
回覆刪除Moon﹐你做三條咁多﹐我要一條epi。。。。。 嗯。。。。似好香口渦﹐估moon夫人肯定吃不停口定了~佢真係有福氣﹗
[版主回覆04/28/2008 11:28:00]試吓啦, 不難的, 我只是用一般法包麵團, 加我用開的低溫發酵法.
太太只吃了一點呀, 都可以的, 很難得吃我做的包呀.
妳的毛病...........做包當物理治療可以嗎?
你太太真係有口福喇。
回覆刪除[版主回覆04/28/2008 11:29:00]hehe, 其實都係自己喜歡玩多d, 太太都是喜歡吃街買的包. 多好多選擇呢!
嘩! A moon 呢個包包真係好好味呀!! 吸引到我都想試試做.
回覆刪除[版主回覆04/28/2008 11:29:00]試吓啦, 不太難的, 我也一剪成功了.
我未曾吃過這個麥穗法包呢！我諗一定很香口
回覆刪除[版主回覆04/28/2008 11:31:00]幾香呀, 不過冧得好快, 我不敢焗太硬, 外面買的, 是焗到連煙肉都焦了.
我的包出爐很脆, 隔日吃時要焗一焗
我被這個包包吸引咗好耐喇, 同包包攪這些造型我最差, 一直冇信心自己會做到, 都係睇你嘅好了. 你做Moon嫂愛吃嘅包, Moon嫂實行 你啦!! 嘩, 成條煙肉D油"索"晒落個包到, 咪好味兼好肥?????
回覆刪除[版主回覆04/28/2008 11:35:00]這個做形不太難, 我雞手鴨腳也做好, 妳又試吓.
個包真的好肥呀, 不過很香, 不能常做呀, 或者改用瘦點的火腿......
個造形好靚！
回覆刪除但對我黎講，好似好難咁！
期待你法明再懶一點的做法！
[版主回覆04/28/2008 21:21:00]不是太難呀, 我笨手笨腳, 也試一兩次便似模似樣了---(是似, 不是好 ) 最難的, 是做靚的法包底呢!
我會繼續懶下去的, 做包, 原是昔日歐洲人每天的家常便飯呢.
個包造得好靚，好似好香脆咁，一定好好味，口水都流埋。
回覆刪除[版主回覆04/28/2008 21:22:00]都幾好味呀, 吃時175度 翻焗10分鐘, 仍外脆內軟的
moon哥,我想問龐瑪利芥醬可以係邊度買度阿
回覆刪除[版主回覆04/28/2008 21:25:00]我在citysuper買的, 可是一罐500ml, 我都不知怎算, 如果吃扒類, 可用來做醬.
還有其他吃法嗎? 教我丫
我剛剛食完lunch, 但見到你的包包我仍然好想食呀！
回覆刪除[版主回覆04/29/2008 20:43:00]都幾好味的.不過都幾肥的, 下次試吓焗齋epi.
好耐冇來, 一來就見到d咁正既野!! 引屎我了!!
回覆刪除個麥穗好靚啊!
[版主回覆04/30/2008 23:15:00]係呀, long time no c 呀, 妳又試下玩吓丫, 不難的呢!, 真的.
Hi! 好耐無到訪， 一到便看見這令我流口水的包， 真係好想食， B仔一定好鍾意， 因他很喜歡吃bacon.
回覆刪除[版主回覆05/03/2008 18:50:00]哈哈, 妳更是long time no c啦, 雖然, 不是long time no hear
下次探妳, 不如轉玩麵包了, 就epi啦, 好易的. bacon不要吃那麼多呀, 我用剩大半包放在雪櫃, 都未知點食