今年的清明, 真是又清又明, 晴空萬里, 曬得我丫, 幸好氣溫不是太高, 好一派初夏景象.
今年回來拜山的家人不多呀, 我也是遲到了:p
碩果僅存的老松, 仍然健在, 欣慰!
今年太太因事"放假"一次, 我可以四處遊蕩, 沿著舊日的足跡......
-----------------------------------------------------------
賽馬會大澳診所(我們都叫"醫院")......關係最密切呢! 小時候最怕來這裏, 一定是打針吃藥, 看很惡死的黎文娥醫生 - "阿婆"(大家都在她背後叫她的花名), "阿婆"在任內得了重病, 去世了, 後來到任的梁醫生, 慈詳了一點.......他們都在大澳服務和終老, 十分可敬.
我家有幾位長輩曾在這裏打工, 有時我也會跟她們來玩的.
這張舊照, 應該是四妹出世時, 我們來探媽媽是攝的吧.
張相有冇你向到嫁???? 小時候什麼都好, 你有冇試過揾小時候食過的糖, 餅再嚐嚐, 係咪都係果句, "小時候覺得佢係好好食嫁播?" (當然有D 食物會例外啦).
回覆刪除[版主回覆04/09/2008 23:15:00]當然有啦, 妳猜猜誰是我?
係呀, 所以有一些事, 只適合存入記憶中, 不宜尋根究底了.
例如媽媽第一次做的蒸蛋糕......
原來你係大澳人............
回覆刪除小時你還細,你見的世界好似好大...
而家大了,你咪覺得到到都細咗囉......
[版主回覆04/09/2008 23:18:00]係呀, 我家幾代都是住在那裏的岸上人, 由珠江三角洲遷入的吧.
係呀, 細個看世界, 的確是比現在看到的美麗很多......就算同一個地方, 那份感覺, 隨年紀漸長而消失了.
大澳。噢，藍天出現了。 心癢癢想去拍照呢
回覆刪除[版主回覆04/09/2008 23:26:00]那裏很多素材呀! 不過好些地方, 只有在那裡長大才會有feel呢,
我愛藍天白雲的大澳, 也愛寒冬12月的大澳.
好懷念大澳的風士人情，尤甚是這裡的朋友和美食。
回覆刪除[版主回覆04/09/2008 23:28:00]是的, 可是風景依舊, 人面全非, 那些舊日的足跡, 有點憑弔的感覺, 幸好我的祖屋和長輩仍在, 或許, 她們才是我和大澳的連繫
噢~~~~~原來你是大澳人！
回覆刪除早幾年，兒子還小，經常帶他們去大澳。愛那兒的風士人情，愛在“三個肥佬”那兒買茶果.........蘿蔔餡（消防局再入D）愛看著那三個肥伯伯，一邊整茶果，一邊說笑.........
講起消防局，上次消防員叔叔仲開門讓我們入內參觀！
[版主回覆04/09/2008 23:32:00]咁好呀!!! 我都未入過去幾多次呢! 未執笠嗎?
我也在阿伯處買茶果呀! 只有眉豆餡和花生餡是正宗的, 其他像紅豆, 南瓜.....的都是新發明呢!......蘿蔔餡?????
從前是對面海穩姑的茶果好吃, 自從她交給媳婦做, 不行了.
呀！還有鄉公所門外那兩棵紅棉樹，超巨型、超多花！
回覆刪除[版主回覆04/09/2008 23:33:00]係呀, 夏天好靚呀, 關帝廟我小時常經過, 和入去逛呢! 還有長輩的捐款名冊呢!
香港就是變得太快...許多的舊建築都拆了, 可喜是大澳還留有點點的昔日風情, 在我等外人看來還是很如一, 不過你看就可能不同了, 變遷很多吧.
回覆刪除[版主回覆04/10/2008 15:36:00]我都好安慰, 故鄉沒有大變遷, 不過平靜的表面, 也是很不少暗湧的, 例如政府會大力活化大澳, 唉, 這個政府的保護文化往績, 真是未許樂觀呀!
佢地D蘿蔔絲茶果好好味嫁！係咸食既裡邊有花生.............不過佢地話蘿蔔絲餡唔係做好多喎！
回覆刪除[版主回覆04/10/2008 15:50:00]唔, 等我下次都試吓先.
我猜左手邊那個高高瘦瘦的型男係你 , 因我記得你話你有個弟弟, 我係選擇性好記性
回覆刪除[版主回覆04/10/2008 15:51:00]係左邊果個, 不過不是型男, 我小時候一舊薯仔咁咖........而家都係.
嚇得我呀﹗唸住果推車背影係。。。。。。你 四處游蕩。。。。。
回覆刪除我同phlee一樣估你都係﹐哪個小帥哥﹗
[版主回覆04/10/2008 15:53:00]哈哈, 我係"跟住"d足跡啫......
小帥哥??? 四兄妹我最不帥了, 大頭仔一名呢!
早2星期入過大澳, 我仲係度講, 呢度有間診所幾好喎, 唔洗搭長途車出返市區先有得睇醫生, 方便d老人家呢...
回覆刪除原來你係大澳人....早知問下你果度有咩好食啦~~~~
[版主回覆04/10/2008 15:59:00]係呀, 有醫院真好呀! 我估現在都冇私家醫生會在裏面掛牌了.
大澳只是有一些街坊菜. 蓮香酒家, 永生冰室, 石仔埗消防局隔離的阿伯茶果, 都好吃的. 海韻齋菜館以前吃過都ok, 很久沒吃了.