2009年4月2日 星期四

香蕉雪芳, 好香呀(附簡譜)

今個星期不用想了, 一定是香雪.......



 原因是這麼靚的豹紋梅花點, 可遇不可求呀!(日文說得好: スイトスポット, 即是英文sweet spot.) 還要是兩條


先用一個故人的食譜 : 蛋黃3 砂糖20g 熟蕉120g 葵花子油50ml 水20ml 低粉80g 蛋白5 砂糖50g 鹽少許


蛋黃加糖打杰, 加入油, 香蕉茸, 水, 打勻, 拌入低粉, 蛋白加糖打至企身光滑, 分兩三次拌入麵漿中. 入模排氣, 入爐180度焗35分鐘, 待冷脫模.



哈, 你們看! 這食譜可以一大一小兩個糕, 材料一樣, 小的竟然凹陷了, 幸好大的成功了, 否則我又要連做5個.........


為什麼會這樣? 小弟弟是放近爐門, 大哥哥放近爐內, 是原因嗎? 不過這個食譜始終較為濕軟,



第二條香蕉, 用我修改的食譜:


蛋黃3 砂糖20g 熟蕉80g 葵花子油35ml 奶20ml 低粉75g 蛋白130g 砂糖45g 鹽少許


 


好成功呀! 蛋糕潤而不濕, 柔軟有彈性, 好嘢, 不用做5個了!!!


27 則留言:

  1. 但都做左 3 個喎 ... 身邊既朋友有福 lu ! =)
    [版主回覆04/03/2009 16:47:00]係呀, 趁蕉多, 太太捧場拿些回去請同事吃, 評語是 : 好似街買嗰d .......haha

    回覆刪除
  2. 嘩 ~~~~你隨時一出手就閒閒哋做5、6、7個雪芳,hehe.......究竟你住喺邊jet?等我一家搬去你隔籬咪成日有蛋糕食囉 ........
    [版主回覆04/03/2009 16:52:00]冇呀, 上次我做實驗嘛, 所以出手好重. 平時我會正常d........可能一天妳見到一個4眼佬拿著一個二記透明蛋糕盒, 那人便是我

    回覆刪除
  3. 我之前做雪芳,蛋白都比蛋黃多一個! 但淨下來的蛋黃不知用來做什麼(你的怎樣?)... 所以近期做的雪芳,都用4隻蛋白4隻蛋黃,不想浪費,而成品都ok,都軟熟的! 以你的經驗,蛋白多時,較果差幾遠呢?!
    [版主回覆04/03/2009 16:55:00]我?........起初都會好神心, 封好放雪櫃, 等做吉士, creme brulee.......每次都係放到過時丟掉, 所以現在多數都是即掉了.
     
    多一隻蛋黃, 成品會結實點吧........係喎, 話時話我都未試過4黃4白做雪芳蛋糕.........又想做實驗 :p:p:p

    回覆刪除
  4. Moon哥,你對烘焙的認真及熱誠,實在令人感動啊!
    我們作為“看”的,真係獲益良多呀!謝謝你啊!……但我認為你身邊作為“吃”的他/她們,獲益更多呢!
    [版主回覆04/03/2009 16:57:00]hehe, 熱衷於玩耍吧.........沒什麼呢. 我的糕包呢, 太太都會食少少的, 妳都快d加入啦, 包妳上癮.

    回覆刪除
  5. yeah!!! 你終於整香蕉雪芳~~~ 好成功
    我要試你修改左個食譜! 不過130克蛋白, 會唔會差不多3隻蛋!! 如果係咪好, 3蛋白, 3蛋黃~~
    [版主回覆04/03/2009 17:07:00]我覺得我的食譜較適合我個爐, 爽口d........
     
    好遺憾130g是3.5隻蛋, 其實下4白也ok的, 3白就太少了.

    回覆刪除
  6. 即刻整第二個?服佐你啦!
    我突然想知道,你個team試食大隊有幾多人?兩大壹細,如果只得你一人食,就幾耐?
    我自己就食壹份,其他就敬贈我隊【勇者無敵嗜甜無懼驃驥試食】大軍!
    [版主回覆04/03/2009 17:11:00]手頭有蕉嘛, 不做會爛掉呢.
     
    其實不多呀, 一個17cm切6件, 小的切兩件, 共14件, 我每次可吃2件, 7個人次吃完, 我/太太/太太的同事, 3天攪點, 天氣涼雪藏都不用

    回覆刪除
  7. 香蕉雪芳我未整過也未食過, 香蕉味濃嗎? 見蛋糕很有蛋黃色(特別第二個), 是香蕉的緣故嗎? 你一定是欺小怕大分配不勻所以小的下埳了
    [版主回覆04/03/2009 17:13:00]不錯呀, 好香的, 和蛋味可夾, 是雪芳蛋糕的名物呢!
     
    第一個和第二個, 是一樣的呀, 只是光線不同吧......攪燈光特技
     
    唉, 下次我應說, 弟弟乖, 你最可愛呀..........可能輪到大的那個呷醋, 玩凹陷

    回覆刪除
  8.  一来就两大一小....果然超挂住芳妹....
    [版主回覆04/03/2009 17:14:00]哈哈, 雪芳妹好丫, 包太太放心!!!

    回覆刪除
  9. 咁好似又唔關d份量事, 好似要睇佢地嘅心情咁喎.
    [版主回覆04/03/2009 17:16:00]哎, 我都唔知點解, 現在又證明, 爐的火力好重要, 火力夠的, 放那裡也不會凹陷呢!
     
    呀, 或者我要鞠躬說 : 拜託了, 我呢加姨是媽時!!!

    回覆刪除
  10. 你做雪芳做到傻啦......
    [版主回覆04/03/2009 21:13:00]由我第一日做雪芳蛋糕, 我都傻左咖啦.......
     
    無他的, 我的興趣是做一些常常可吃家庭糕包, 雪芳o岩晒啦!

    回覆刪除
  11. 如果食唔晒,可以比 D 我.......我唔介意!HAHAHA
    [版主回覆04/03/2009 21:14:00]hehe, 請隨便啦. 呀, 不如你都玩埋一份啦.....(我又渡人升仙 )

    回覆刪除
  12. 做得很成功呀!
    香蕉蛋糕, 我鐘意呢...請我食一件啦 ^_^
    [版主回覆04/03/2009 21:24:00]好呀好呀, 妳的香雪也很吸引呀!!!

    回覆刪除
  13. 咩野傻呀!至情係痴添啦!  都好彩有收穫!
    [版主回覆04/04/2009 13:38:00]總之係痴痴傻傻啦..........唔好咩?

    回覆刪除
  14. 好彩你今次冇滑鐵盧, 吾係Moon 嫂冇眼睇呀!!  亞芳今次都好聽話, 冇攪到你一頭煙.  可能小的一個真係靠爐邊站吾夠熱啊!! 你今次真係大細超呀
    [版主回覆04/04/2009 13:40:00]係, 脫小模時我心都實晒, 好彩大的冇事..........我又知了, 我的爐近門處溫度已失了........下次放入d先! 大芳細芳, good 呀!

    回覆刪除
  15. 又會咁得意既 ~ 同一個爐出黎都有唔同反應﹗
    您打個蛋白比我打得仲要傑。
    無聊題外話:您有冇發覺以前d香蕉如果起梅花點 ~ 模落去都係平﹐依家起梅花點d點會係凹入去架?點解呢
    [版主回覆04/04/2009 21:46:00]原來擺的位置不同也有影響, 這就是我們爐仔的悲哀了, 始終近爐門是差d. 我近來做了實驗呀, 打得軟的蛋白不合我, 會塌的, 而香蕉等濕軟的材料更危險, 所以打得杰d, 不過蛋糕好軟潤呀, 我較喜歡彈性的口感.
     
    哈, 有d咁嘅分別? 冇留意呀, 況且忍到口不吃等它變梅花的機會很少呢! 冇機會摸多幾摸.

    回覆刪除
  16. 我都有條豹紋蕉呀﹗但已經有四個蕃茄包,再黎一個香蕉雪芳 ,唔用又好可惜喎﹗
    [版主回覆04/04/2009 21:48:00]整啦, 最多請妳honey和同事幫吓口, 好快吃完呢!
     
    梅花蕉可遇不可求呀, 通常未變便被我或太太吃掉了呢!

    回覆刪除
  17. 香蕉雪芳……好味喲﹗
    [版主回覆04/04/2009 21:49:00]妳的香蕉蛋, 幾時重出江湖呀........ 過多排啦是嗎?

    回覆刪除
  18. 你整嘅雪芳好成功咁 wor,搞到我都想試下,不過整一個成功嘅雪芳好似好難架 wor...
    [版主回覆04/06/2009 10:20:00]雪芳蛋糕, 話難不難, 我早期做的多數都成功, 但近來卻時不時做出凹陷的蛋糕.........哎.

    回覆刪除
  19. 好利害呀你! 一定要試吓呢!
    [版主回覆04/06/2009 10:20:00]不是呢, 我成日都衰左的呢!.........不過成功的多d.

    回覆刪除
  20. 蕉蕉雪芳香到暈了!
    [版主回覆04/06/2009 10:21:00]好梅花的蕉, 就會好香的了

    回覆刪除
  21. 我都好鐘意香蕉戚風, 近來仲加D 黑櫻米入去, 口感好得意哩!
    [版主回覆04/06/2009 10:22:00]黑櫻米........咦, 是什麼? 是不是poppy seeds呀?

    回覆刪除
  22. http://hk.myblog.yahoo.com/scorpio_3210/article?new=1&mid=38564 呢個O唔OK呀?
    [版主回覆04/06/2009 21:41:00]直頭ok啦, 羨慕死我了.

    回覆刪除
  23. 今天會照你的食譜焗一個, 多謝你
    [版主回覆05/17/2009 10:36:00]一於試吓啦, 要分享呀!

    回覆刪除
  24. 香蕉我鐘意呀,等我又試下你個食譜先!!
    [版主回覆05/17/2009 10:37:00]記得分享一下呢!

    回覆刪除
  25. 很多謝你分享了兩個食譜,我先用了你"故人"的食譜做了一次,用8吋不用分開,份量和味道也很好,等我再等啲蕉出花就試埋你個修改版先...........
    [版主回覆07/17/2009 10:31:00]妳做得好靚呀, 我還怕它凹陷呢!
     
    我個冇咁多蕉, 妳可試下加多d, 100g也可以呀! 香d. 試完叫我來看.

    回覆刪除
  26. 你好呀...  A MOON.
    我第一個成功及最好食的雪芳蛋糕都是參照你的寶貴意見而成功的!
    多謝! 我會密切留意你的BLOG.....
    [版主回覆08/06/2009 18:46:00]好呀, 多d交流啦! 整左蛋糕叫我看啦!

    回覆刪除
  27. 我朋友跟你整呢個蛋糕, 仲加左合核, 好似好正咁, 今日我又試下整先, 合桃香蕉, 唔知仲算唔算係雪芳呢...
    [版主回覆03/14/2013 16:12:37]太好了,我反而好耐冇整了 ......
    [rity - yc回覆03/14/2013 13:57:08]我用低粉75g的食譜.
    [rity - yc回覆03/14/2013 13:55:39]真係好味道呀,husband拎返工比同事食都話好味, 潤而不濕, 我今日又再整呀.
    [版主回覆03/13/2013 23:01:22]做好分享吓。 我覺得香蕉合桃做MUFFIN 類的蛋糕更好味。

    回覆刪除