渡假後, 公私兩忙, 很久沒有動手烘焙了, 今天太手痕了, 連夜做一個最愛吃的鮮橙雪芳.
哈哈, 靚靚!!!
材料:
3黃 糖20g 油35g 橙皮茸1個 橙汁50g 橙花水5g 低粉75g
蛋白130g 糖45g
黃加糖打至淡色, 按次序分別加入油, 皮茸, 橙汁, 水打勻.
蛋白和糖打發至拉起成挺直的尖尖, 然後將1/3蛋白, 1/2粉, 1/3白, 1/2粉, 1/3白分別拌入蛋黃漿中, 入模200度(模身實得140度)焗35~40分鐘, 倒置, 待涼, 脫模.
今次是用交替拌粉的方法, 烘焙時提高恆溫器的溫度至200度, 並在焗盤上加墊一個小鋼盤, 蛋糕仍是爆到很高, 幸好成品很好.
雖高溫和焗得很透, 糕肉, 八個字 : 嬌柔無力, 吹彈得破, 橙雪永遠都咁好吃!!!
睇個質地真係好軟棉棉喎！橙雪真係咁吸引？我一响都不愛吃橙，除了橙皮 jam。用橙花水是不是好味一點呢？那麼用橙酒呢？兩者比較哪一個好味？
回覆刪除[版主回覆04/27/2009 16:57:00]橙花水味濃好多, 有點像用橙花蜜做的香水呢!, 橙酒冇咁香但有少少酒味, 各有各好啦.
橙雪的味道不同吃橙呀, 試吓啦
啊... 23:42仲寫blog... ... 下星期X... 仲忙呢... ... 我都有d緊張...
回覆刪除[版主回覆04/27/2009 17:41:00]哎, 唔想訓, 一訓又返工.
ok的, easy!
橙雪响爐入面真係爆得好高. 我的大爐好像都不曾試過. 我個人都是喜歡橙雪芳, 不過我未試過用橙花水什麼的.
回覆刪除[版主回覆04/27/2009 17:43:00]可能是因為妳用的麵粉是plain flour(robinhood???)呢.
橙花水像橙花蜜的味的香水, 做madeleine等用的呢'
成功!!! 好輕盈柔軟, 亞橙芳好野!! 我做的都未試過如此爆裂, 吾知点解???所以非常羨慕!!!
回覆刪除[版主回覆04/27/2009 17:45:00]快找低粉啦cake flour, 唔同效果, 好次綿花呀!!!!!
今次開心喇！
回覆刪除發覺有fruit acid 成份的亞芳，效果永遠比其他的好~
[版主回覆04/27/2009 17:45:00]正呀!, 少少酸, 做到好靚的效果, 訓得安樂.
我鍾意~~~ 咁靚, 信心返晒黎啦~~~~
回覆刪除[版主回覆04/27/2009 17:46:00]hehe, 係橙雪最聽話, 其他唔咁講呀!
鮮橙雪芳好靓喎！！
回覆刪除[版主回覆04/27/2009 17:46:00]好好好好口感和好香!!!!!!
我又要跟 ~ 不過咩係橙花水呀
回覆刪除[版主回覆04/27/2009 17:47:00]在citysuper有賣, 藍色膠樽, 好鬼香, 唔講仲以為是香精, 但它是法國的天然東西
係囉, 我都想知咩係橙花水喎, 高人.
回覆刪除[版主回覆04/27/2009 17:48:00]哎呀, 我都係阿堅的食譜中見過, 好似是做madeleine的, 好香呀!
加了橙花水係未特別香?
回覆刪除[版主回覆04/27/2009 17:49:00]多了一陣橙花蜜的氣味.
呢個好得呀！月兄～ 色又靚，型地又好！ 墊多個盤，個蛋糕底冇咁上火，都幾好喎！
回覆刪除[版主回覆04/27/2009 17:50:00]係呀, 我都唔記得邊個blog友教我了.......是不是妳呀???:p
好鬼靚啊 ! 請問如果冇橙水改用橙油(orange extract)得唔得?
回覆刪除halo!睇左你個blog好耐 知道你好中意整雪芳~同埋整得好靚!! 我近排都好似上癒咁整 不過我整既點解冇你升得咁勁呢? 如埋係咪升到就熟既時候, 係咪會收縮番呢?? 可以指點下嗎?
回覆刪除我平時加橙酒,
回覆刪除等我下次試吓加橙花水,
還掂上次整過madeleine之後就冷落咗佢
啊 ! 睇見都想咬一口 !
回覆刪除[版主回覆04/28/2009 15:16:00]真係好好味呢!
嘩....超級香........超級鬆軟.
回覆刪除[版主回覆04/28/2009 15:17:00]係呀, 好香好軟呀!!!!!
橙花水又多個用途喇~
回覆刪除我仲諗緊咁大枝，淨係整 madeleine有排都用唔哂
我果支仲有幾個月便到期添~>_<
[版主回覆04/28/2009 15:19:00]唉, 我又係, 冇乜用.......我枝都過了點期, 不過香未冇變, 算啦.
試整咗啦！真係好香呀！謝謝你的好介紹
回覆刪除[版主回覆04/30/2009 07:40:00]係咪好介紹呢, 祝早日出生天.
今次真係好成功, 唔使一次整幾個啦!
回覆刪除橙雪簡簡單單的味道好好呀! 因為我細個時好鍾意食嘉X的香橙雪芳蛋糕, 當然自己識整後就好少再買黎食
[版主回覆04/30/2009 07:42:00]係呀!
嘉x的雪芳蛋糕, 根本不是雪芳蛋糕.......給他騙了幾十年呢, 雪芳蛋糕, 是街上買不到的, 最近他推出的"天使蛋糕", 就是雪芳蛋糕了, 不過我想, 都是新奇一會啦.
發得咁高嘅，好靚呀，我做的總是嫌發得唔夠高，又有D大洞洞
回覆刪除[版主回覆05/04/2009 19:15:00]橙雪係發得好高咖, 南瓜相信是冇咁高的
高唔係好咖, 因為會縮得好勁的呀!
發得好高啊~好靚仔~橙雪幾時都咁好味~! 橙花水我都未用過, 係米用左會橙味重d呢?
回覆刪除[版主回覆05/10/2009 22:02:00]謝謝呀!
橙花水呢, 不是橙味的, 是橙花的香味........怎麼說呢, 有點像橙花蜜的香味啦!
chiffon 問題…點解要用 chiffon 模呢？呢個問題我問左好耐…係咪因為 cake 高厚，方便 air 對流焗透呢
回覆刪除[版主回覆05/10/2009 22:08:00]原因有很多的, 我相信最實際的原因, 是雪芳蛋糕的質地特別鬆軟, 焗時膨脹得很利害, 冷卻時也收縮得很利害, 如果沒有中筒黏著支撐, 它的中間部份是會塌陷的呢. 就算做muffin紙杯那麼小, 中間也會塌陷呀.
所以雪芳模的中筒, 是必要的呢.
一於試試啦, 包你一試難忘.
Chiffon 你用邊本參考書？我買左本 "超 Q 潤戚風"
回覆刪除[版主回覆05/11/2009 22:38:00]我的入門書, 是一本台灣版日本書"基本之西洋甜品" , 不過那本只係入門書, 只有兩款雪芳, 之後自己買的, 朋友送的, 我都涉獵個過........整理出適合自己的食譜, 最合理而又比較合我心水的, 是"曾美子"的"雪芳蛋糕"
"超Q潤戚風"都係一本好書, 不少餅友都做得很好, 不過她和我不太夾, 做了不少塌的雪芳, 你買了可以試吓!
請問邊樹有 橙花水賣呢？同埋除左整 chiffon，仲可以點用呢？
回覆刪除[版主回覆05/11/2009 22:41:00]在 沙田citysuper的買烘焙品的架子, 藍色膠瓶子.
橙花水, 可用於做法式貝殼蛋糕madeleine, 我覺得它和牛油的味也夾的, 不知可否做牛油蛋糕(這只是我的想法, 未做過呀!!)
個人意見，曾美子 出過好幾部書呢，無一本合我眼緣！總係覺得佢麻麻地，寫得唔到位…
回覆刪除[版主回覆05/13/2009 10:08:00]IC, 她的其他書我冇睇過, 這本雪芳蛋糕書是平實而食譜是可靠的, 講真, 我有5, 6本雪芳蛋糕的書, 冇一本可以令我安心照跟, 不是做出來有問題, 就是太花巧或材料好難找, 所以整整吓, 我的成份都係綜合得出來的. 每個人的情況都不同, 所以要整好多次至摸到適合自己的, 這才是吸引之處呀!
…買戚風模買一件過果 d 定係買托底果 d？托底果 d 好似易脫模少少！
回覆刪除有咩意見？
[版主回覆05/17/2009 10:50:00]戚風模, 一定係可甩中筒的, 有一定的比例, 其他的都不是的. 買, 就買KAI, 17/21cm, 另外有fun fun do, 更貴, apita或citysup可找找. 一定是純鋁的.
為甚麼其他的都不是呢？
回覆刪除[版主回覆05/18/2009 07:33:00]戚風蛋糕的比例是約定俗成的, 其他中空模如angle cake mold, Kouglof等, 都做不成的呢.
你的香橙雪芳做得很靚啊....
回覆刪除[版主回覆07/20/2009 11:00:00]橙雪係好好食咖, 做出來的蛋糕又特別軟的.
A moon,
回覆刪除你話橙雪是超易成功，我真的有些保留，但單從表證就點都係中級課題的了..........我已決定明日去買橙回家挑戰，整好再call你！
[版主回覆07/20/2009 10:59:00]真係咖, 信我啦, 橙汁和橙皮茸會令麵漿特別綿和不易消泡, 所以係好靚的, 唯一係怕它升得太高, 而做出來的蛋糕亦特別柔軟的, 快試啦!
moon, 我想問你係咪用新鮮橙汁做ga....我試過有d淡 ...仲有咩係橙花水呢? 如果用橙果醬得唔得呢.....
回覆刪除[版主回覆07/20/2009 19:19:00]係鮮搾橙汁呀, 而雪芳的香味, 主要不是來自橙汁, 而係橙皮茸, 落一個已幾香, 兩個就好香(不過開始有點澀).......其實橙醬, 橙花水都係陪襯, 橙花水在citysuper有售, 它不是橙味的, 而係像橙花蜜的香味.
多謝你...袋左好多錢落我袋....我想問你有無"超Q潤戚風蛋糕"那本書呀...我好想買, 但好多書店都已經斷貨lu
回覆刪除[版主回覆07/20/2009 21:00:00]我有一次在sogo高層(好似係10樓....)的sogo club書店買的, 不過都幾耐了.....我邊有錢比妳呢, 我好窮的呀!
我整咗啦......真係好好味，多謝你推我行這一步 ，但未買到橙花水，所以覺得啲橙香味還未太出到，這個將會係我一個always do的戚風了。
回覆刪除誠邀你前來過目，不要忘記俾分我吖！ http://hk.myblog.yahoo.com/kpb4000/article?new=1&mid=1677
[版主回覆07/21/2009 15:19:00]不敢不敢, 我來看看大家交流吓啫. 冇介紹錯呢!! 橙花水冇都不緊要, 它不是橙香的, 加多一個半個橙皮茸啦!