2009年4月4日 星期六

初探鬼村鎖羅盤(1)

新界平原地區數百年前已是原居民的居處, 後來的客家人只能在更偏僻的地方建村. 我媽媽是本土客家人, 可惜她的原鄉客家村已廢棄消失了.......我連客家話也不懂了, 只會少少單詞......食飯 sit faan, 阿仔 a moi, 你唔死我死 i ng si ai si........



船灣淡水湖的北面是一個半島, 那裡有幾個香港境內現保持最完整的客家村落系統.........慶春約7村(應該是三椏村, 蛤塘, 梅子林, 牛屎湖, 小灘, 荔枝窩, 鎖羅盤), 另加烏蛟騰, 九擔租, 犁頭石, 上下苗田, 榕樹凹, 谷埔, 鳳坑等等.....


可惜現在只剩下烏蛟騰, 三椏村, 荔枝窩, 谷埔, 鳳坑有人居住, 其他的村莊都相繼在70至80年代廢棄了, 只剩下一幢幢的吉屋, 一塊塊廢田, 湮滅在荊棘草莽之中........


 <- 九擔租廢村


.......最神秘的, 是最偏遠的鎖羅盤村, 有很多傳聞, 言之鑿鑿, 令鬼村之名不逕而走. 我和同事都很想去闖一闖, 可惜每次行到荔枝窩村, 都因時間不夠, 失諸交臂.


今次下定決心, 提早出發, 行程是這樣的:


烏蛟騰 ->九擔租->犁頭石->三椏村->荔枝窩->鎖羅盤->榕樹凹->谷埔->鳳坑->鹿頸. 全程慢慢走慢慢影, 約6.5小時.



由烏蛟騰起步, 她是一條有車路到達的村莊, 整齊興旺, 一簌紫花伸出大宅的圍牆外, 向我們說聲早.



10多分鐘後, 經過九擔租廢村(第一幅照片), 看到我們做緊瞥伯嗎? 哈哈.


有些屋子的大門已被破開, 裏面有些石油氣館和臨時的爐具, 可能有非法入境者或者其他人闖入作臨時居所......



再行約一小試, 經犁頭石廢村, 到了三椏村, 這條村很特別, 傍海而建, 像在水中央, 只有三數間屋子.



大部份都空置了, 只有一間, 一位年輕人在那裡開了一間小食店, 本來我們都未餓, 但對此紅樹林天然景緻, 怎不能坐下吃點東西, 也表示對那位有心年青人的認同!


"引壺觴以自酌,眄庭柯以怡顏".......哈哈, 那杯啤酒只是扮嘢, 是同事的.


 


一株淺海中的水筆仔, 簡單漂亮, 悠然生長在天海之間........但別忘記他們很多同伴, 已在污染和過度發展下, 萎縮消失......



進入荔枝窩村前, 經過小灘村魚塘, 小灘連一間屋子也無存了, 留下一片由堤堰圍出來的魚塘.


 


今次我們發現, 較大規模的近海客家村, 如荔枝窩, 鎖羅盤, 榕樹凹, 谷埔, 鳳坑等, 都有相同的格局, 他們都在村谷河口處用這種堤堰攔住海水, 相信既可以利用海水養殖魚塘裏的生物, 又可保護田地不受海浪潮汐的威脅, 真是既"發展"又環保呀!


大堤也是賞海的好地方, 你想像在日落西山, 和心上人漫步堤上, 喁喁細語......可惜今天只係兩個傻佬.....哈哈!



進入荔枝窩村, 十分喜愛這條寧靜友善的村莊, 村的人口雖然已日漸減少, 但餘下的村民仍把村落打理得井井有條, 最敬佩的是他們十分珍惜村內的傳統, 好好保護, 沒有亂七八糟的拆建砍伐.


這是村口的土地公, 祭壇前一盞古老的石油燈, 很有古風呀, 好像代表了這村子的尊嚴.



政府也做了一些好事, 將附近的海域劃為海岸公園, 也為村外的樹林建築木步道, 讓我們在不傷害環境的情況下欣賞各種罕見的植物, 下面的是白花魚藤, 想不到藤可以長到這麼粗大, 樹過樹的盤據, 好像巨龍........介紹牌上說 : "........白花魚藤藥性較低, 避過被人砍伐殆盡的命運......."


 


村外的協天宮和相連的鶴山寺, 是慶春約七村籌建的, 他們供奉的是關帝和觀音, 土地, 由他們供奉的神祇, 可以追溯此地的民風吧........呀, 村民是有鶴山遷徙來的嗎?


旁邊的小瀛小學, 早已荒廢了. 但可見早年這裏人丁興旺.



今次不再入村探訪了, 小休後直接向我們的目標地進發.


未完, 待續......


10 則留言:

  1. 又話香港寸金尺土, 點解咁多村莊荒廢的? 你好嘆呵, 重有啤酒(?)飲
    [版主回覆04/05/2009 10:46:00]這些地方位處偏遠, 70年代, 英國政府需要大量低技術移民, 吸人了不少村民移居英國(我也有幾位親戚舉家移民了), 加上香港工業發展, 農業式微, 政府亦沒有好的農村政策照顧村莊, 由他們自生自滅, 未能改善生活環境, 因此村民都流散了.
     
    這些地區大部份沒有馬路到達, 未引起發展商垂涎, 也因政府的發展政策未到啦. 也因村民不將土地出售和改變用途有關啦.
     
    否則妳看新界北部一帶, 村民把地賣得就賣, 賣不得的租給廢車場, 貨櫃場, 良田林地變得亂七八糟, 為的就是圖利, 真的對鄉下一點感情也沒有嗎?
     
    不過也不能全怪他們, 我們一家, 也不曾守在大澳, 為了升學生活, 也遷出了, 但要我買掉祖屋作地產發展和廢車場之類, 我是怎也不捨得.........不過幸好我什麼業權也沒有, 不用我煩. 哈哈.
     
    說來慚愧, 我很少幫手維修祖屋, 很感謝長輩仍守護著.
     
    那杯啤不是我的, 扮吓嘢啫, 我飲好立克, hehe

    回覆刪除
  2. 蛇仔生活雜記2009年4月5日 上午9:15

    你呢條路線我都行過呀,唔錯,幾舒服﹗
    [版主回覆04/05/2009 10:34:00]妳也去過鎖羅盤? 有冇去廢屋探險呀?........
     
    都要翻山過嶺走6個幾小時呀, 我都有d腳仔軟呀, 妳咁勁!?

    回覆刪除
  3. 唔知點解, 一開始當這篇遊記是亞 MOON 講鬼古, 奇怪!! 明明啤緊, 又話飲好立克,奇怪!! 
     hehe
     hehe
     hehe
    [版主回覆04/06/2009 10:40:00]冇呀, 冇咁多鬼比人見的呢!
     
    哈哈, 那杯啤是同事的, 我叫了好立克未來.         我都會飲咖, 不過那天不想飲, 天氣陰冷, 唔o岩mood.

    回覆刪除
  4. 蛇仔生活雜記2009年4月6日 上午8:23

    我同路人甲放假既活動好多時都係行山架,六個鐘ok架,唔辛苦架﹗我地通常會響d廢屋、廢村外打個圈,因為得兩條友,驚有ii嘛﹗
    [版主回覆04/06/2009 10:43:00]好呀, 妳是行友, 哇, 6個鐘都唔算短, 妳都好行得呀!
     
    我地都驚ii多過驚鬼呀.hehe.  不過那天睇過, 應該冇人,所以到處裝. 那天都有幾組行友經過的. 只係在鎖羅盆見到有工人幾愕然.

    回覆刪除
  5. 真係以為你又講鬼故呀!  (好立克配亞芳吾錯播 ) 我即時反應都係咁四正一間屋点解冇人住????  心想緊係位置交通吾方便喇.
    [版主回覆04/06/2009 10:51:00]又係肥師奶, haha, 好立克雪芳.....呀, 阿華田雪芳都可以喎, 講真咖......... 告訴妳, 我的咖啡雪芳蛋糕都出左事, 唉.
     
    那裡是很不方便呀, 加上務農搵唔到食, 所以村民就得就走. 70/80年代, 我估是加上大陸開放, d農產品大量輸入, 本地的農業生存不到啦.
     

    回覆刪除
  6. 清明節探鬼村, 都幾應節喎。  通常呢啲村喺清明節同重陽節都比較熱鬧嘅, 之前喺重陽行山見有啲移咗民嘅村民都會回鄉祭祖。  其實行山都唔怕撞xx最怕撞到啲非法入境者啫。 

    回覆刪除
  7. 水筆仔張相好靚呀!
    我都好鍾意行烏蛟騰, 非常有大自然feel,
    但我諗有6年無行過啦!
    不過, 我下星期一又會去行啦!
    另外, 我好想試下o個度d蠔呀!
     
     
    [版主回覆04/07/2009 20:53:00]係呀, 今次去的時候剛剛是大潮, 紅樹都浸在水中, 好靚呀!
     
    那裏有蠔嗎? 我只是見到海底好多蠔殼呀.

    回覆刪除
  8. moon哥, 你是客家人嗎? 我也是呀, 自家人啊! 其實我都唔係好識講客家話, 只識簡單個d, 落雨 : lok shui, 阿仔 : 阿妹!
    [版主回覆04/07/2009 20:57:00]妹 ju(阿女), ii 係"自假 in"呀!
    我只係半個客家人, 不過自少媽媽都沒有和我們說客家話, 我只是在她和親友傾計中聽到的呢.
     

    回覆刪除
  9. 我以前都係見到好多蠔殼, 唔知o個度有蠔食,
    最近睇人地嘅 blog至知, $70有20隻啊! 說是完隻連殼清蒸, 非常鮮味啊!
    可參巧以下的blog:
    http://hk.myblog.yahoo.com/skpoon-footprint/article?mid=5579
    Moon哥, 你下次可以搞個飲食團啊!
     
    [版主回覆04/09/2009 22:42:00]好介紹好介紹, 等我下次去去先, 每次經過都冇入去, 三過其門而不入呢!.

    回覆刪除
  10. 嘩你用4x5影架?
    [版主回覆04/17/2009 23:50:00]你太睇得起在下了, 我都好想擁有一部mamiya 645Zdb 或者 canon EOS 1D markIII 呀, 可惜.........
     
    照片未放放大呀, 一放大, 就現型的了........

    回覆刪除