又可以做包包了, 好久沒做田園包了.....
拿出高橋雅子的慢發酵田園包, 當中千變萬化.......好, 就做一個紅茶base
麵團 : 準高粉250g, 鹽3g, 水155g, 蜜糖6g, 速酵母2g+水5g, 紅茶葉碎6g,
餡料 : 法國糖漬橙皮30g, 無漂白杏乾50g, 烘香紹香園合桃50g
麵團搓滑, 24-5度室溫初發酵5-6小時, 中途翻麵一次, 發好酵的麵團壓平包入餡料, 滾圓靜置15分鐘, 排氣, 做長圓形, 末發酵30度發酵45分-1小時, 灑麵粉, 畫格仔, 入爐210度焗26分(真怪, 我冇看時間, 只看麵包顏色)
已轉移slide photo
似樣嗎? 可惜這包包沒油份, 加上高溫酵焗, 初出爐是皮脆肉軟, 但兩天後便乾硬化了........下次加些葵花籽油, 好嗎?
----------------------------------------------------------
好想請教各位高手, 為什麼這類慢發酵田園包(冇裸麥粉/全麥粉, 只是高筋粉), 雖然都發酵得很充分, 但都不能做到好輕身的, 始終是較細密..........好想知怎樣令包包的肉好鬆好鬆呢?
-----------------------------------------------------------
昨日yahoo!blog又死到反白, 哎, 點解呀, 我家的server都唔會咁boh!!!
11111..... .....
回覆刪除[版主回覆03/30/2009 22:47:00](Empty)
很多料喎 .
回覆刪除[版主回覆03/31/2009 13:02:00]係呀, 個食譜足足有百幾克料, 後遺症是個麵包升不高, 這是多料的後果, 一般250g麵粉呢, 50g料以下就不影響它高升的.
發成 5-6 個鐘, 唔怕變老麵咩 ? 係咪因為小酵母, 所以唔怕 ??
回覆刪除[版主回覆03/31/2009 13:05:00]不會的呢, 因為較少酵母和低溫, 最好是在雪櫃發12小時, 聽說慢發酵可增加芳香味呢!
仲沒試用茶包做包和蛋糕﹐不知味道如何~ 搵日真係要認真試嚇先﹗
回覆刪除你喜好它的味道嗎﹖
[版主回覆03/31/2009 13:09:00]好香的呀, 無論做糕做包, 都很芳香, 不錯呀, 試吓啦.
依..你個包咪好勁百爵茶味~~~
回覆刪除[版主回覆03/31/2009 13:13:00]好香呀!呢隻百爵紅茶好特別, 香得來不攻鼻呢!
無睇時間，只看顏色，你所指的是入爐？係唔係？食譜的時間只是作參考啫！睇顏色真係好好嫁！一夠就出爐，包唔會焗燶。
回覆刪除[版主回覆03/31/2009 13:18:00]係. 每個爐的特性都不同的呢!
不過我都不知我這個包是否焗過頭, 只是看到和書的顏色差不多, 但結果是皮夠脆, 但心太乾.
個包睇落又吾似係會變硬咁快喎. 所以你吾好留喇, 一於快趣食晒佢!!!
回覆刪除[版主回覆03/31/2009 13:22:00]食晒了, 不過要噴水番焗.
究竟怎可以皮夠深色和脆, 但肉濕潤呢? 每次高溫烘(210度), 總是皮脆, 但肉很快乾的. 低溫就可以保持很多日但皮不脆.
係米好重茶香味~
回覆刪除[版主回覆03/31/2009 13:24:00]淡淡的茶香, 好正呀!
如果加油，可以加幾多呢？Thanks in advance.
回覆刪除[版主回覆03/31/2009 13:32:00]250粉, 加少少啦, 15-20g olive oil, sunflower oil. 牛油仲香d, 不過田園包嘛, 加植物油.
不過正宗田園包是不加油的, 好快老化
回覆刪除哈哈！！看到这包装，好熟口面， 老公一见到就话...eee ~ 呢个咪是我在某某广告公司的设计 ，已有十年多了.....
[版主回覆03/31/2009 13:33:00]咦!!!!! 哈哈, 咁巧!!!!! 好靚的設計呀, 高貴又鮮艷, 配合tangerine. 正呀!
個包樣好靚仔啊 ! 少油健康啲麻， very nice!
回覆刪除[版主回覆03/31/2009 13:34:00]幾靚仔呀, 不過好快變了老人精, 我下次要做個青春常駐的
我未試過用茶味嚟整蛋糕、麵包，除咗綠茶。會唔會整咗出嚟嘅味道好怪呢 ~~~不過我都啱啱買咗伯爵紅茶，諗住試吓整雪芳蛋糕 ......
回覆刪除好鬆軟喎!睇見都好想食 ,包包始終都是你的強項!
回覆刪除[版主回覆03/31/2009 13:37:00]焗好嗰下都鬆軟的, 可是很快........:(
很奇怪, 這類固體中種包, 始終是不能發得很鬆的, 小小的洞洞.
我不是很強呀, 還有很多實驗要做......即是我有排吃田園包了. :p
睇黎一連串的包包實駛又開始了。
回覆刪除[版主回覆04/01/2009 20:40:00]hehe, 看到妳悶為止啦, 包涵包涵!
moon哥, 我同天使既感覺一樣, 都深信你會再次做實驗, 做到成功為止! 加油啊!
回覆刪除[版主回覆04/01/2009 20:49:00]謝謝呀! 其實我都好想做柔軟的港式包, 不過港式包可以買.
現在都係最有興趣做田園包, 因為當我把一大塊牛油搓入麵團時, 總是很罪疚, 田園包呢, 就冇呢個顧慮了, 但我要做得柔軟些
做完實驗交一份報告呀…唔該！
回覆刪除[版主回覆04/01/2009 22:34:00]yes sir! kashikomarimasu!
快向大 仙姐 求救啦！
回覆刪除[版主回覆04/02/2009 20:59:00]SOS......... , 這是全球定位超短波衛星訊號, 仙姐知了.......除非yahoo! blog又死了!
見到'簡譜'二字, 我就會想起是音樂... 不如整個Singing Bread啦!
回覆刪除[版主回覆04/02/2009 22:28:00]哈哈, 等我下次做個"降b小調田園裸麥協奏包"先....................但, 我要找找五線總譜