好勤力, 好勤力, 玩嘛.
唔該晒同學仔托來朱古力小爐, 我也炒定杏仁, 開壇去.
這是太太最愛的果仁朱古力........
上星期用剩的熱情果餡, 變得好杰好杰呀, 怎算? 回溫稍加熱至80度, 再加入上次剩下的熱情果茸, 我看有50-60g, 惦喎, 乳化得很好, 果味更香, 出人意表的更好吃!
可惜的是一到脫模, 一半的朱古力裂了, 還有幾粒黏模.........唉, 幾失望呀
撈撈杏仁朱古力, 很好食呀, 下次試吓用另一種方法coating.....是用上次剩下的朱頭朱尾叮至45度, 加callet seeding的, temper得幾好.
125g焗香杏仁, 50-60g糖, 2 tbsp水, 炒至起沙, 再炒至糖熔, 好香呀!
剛待涼, 真是晶瑩剔透, 乾乾爽爽, 點知再過半小時, 糖衣全濕了, 春天真討厭呀!!!!
蘸上可可粉, 更加好吃. 記得以前去日本旅行, 導遊一定在車上推銷一種叫tiramisu的朱古力, 就是類似了, 當然是它好吃點啦.
這玩具不是我的
調溫, 還是用微波爐.
最重要的, 也是最神奇的, 還是這個鏡頭, tempering 今次做得不錯呢!
第一 ，Ｄ朱古力點可以令成咁架 好吸引呀！唔洗食齋睇都霖死囉~ 恭喜你終於出手買咗件新玩具 咁就唔好嘥咗佢喇！快Ｄ努力整多Ｄ啦......wakakaka
回覆刪除[版主回覆03/03/2009 15:58:00]哈哈, 妳真係快呀!
朱古力令, 是因為temper得好, 和個模夠光滑. 今次我的tempering都做得好好呀!
件玩具是借同學仔的呢, 我未買呢, 未咁入迷
迷上朱古力的后果。。。哈哈！！
回覆刪除[版主回覆03/03/2009 21:27:00]哎 , 自作自受...........
上次都話你會買靚模同調溫器啦! 調溫器好唔好用呀?
回覆刪除[版主回覆03/03/2009 21:28:00]調溫器呢, 都幾好用呀, 不過唔係我的呀!
呢個玩具我都買左呀...
回覆刪除倒模都實習左一次...
但...
有朋友話好硬, 硬到食唔到...
.
我有D係有餡. 有D冇餡. 冇餡果D, 就倒完模後, 乾左, 再FILL番朱古力漿...
/_\"
[版主回覆03/03/2009 21:38:00]好硬........黑朱加了可可油, 是很脆口的, 實心就會較硬, 不過, 入口即熔呀! 又唔會食唔到的.....
乾左......fill番朱古力漿.......唔係好明....
moon 哥做乜都咁投入
回覆刪除[版主回覆03/03/2009 21:39:00]玩我最投入
朱古力朱古力朱古力呀~~!!! 新玩具....玩完一次唔知幾時先會有第2次呢~
回覆刪除[版主回覆03/03/2009 21:40:00]等新模來了, 再試!!
一次比一次好, 今次粒粒都好靚!
回覆刪除我都想試糖炒杏仁呀.
[版主回覆03/03/2009 21:41:00]都好多甩甩漏漏的呀!
糖抄杏仁, 不難的, 只是千萬不要在春天做, 出水的.
朱古力warmer呀!大唔大部架?一次可以溶幾多朱古力呀!我都好有興趣買.
回覆刪除[版主回覆03/03/2009 21:53:00]又唔算好大部, 長呎半, 高一呎左右啦, 每邊好像是400ml(or 400g)
我淨係知orange有得買咋, 唔知同學仔的在那裏買?
http://www.orangebakingstore.com/tool_chest/tools.htm
古古力... 未成功過...唉~~
回覆刪除[版主回覆03/03/2009 21:56:00]點解呀, 有什麼問題? 研究研究.
你好勤力啊!
回覆刪除中間果D係咪 nut嚟架?
[版主回覆03/03/2009 21:58:00]係呀, moon嫂最愛的是果仁朱古力, 這是糖炒杏仁, 不過朱古力太厚, 有點硬, 如果朱古力細一點便好了.
你吾淨只豬迷，亦朱迷添~朱朱好掂呀！
回覆刪除[版主回覆03/03/2009 21:58:00]朱豬銖珠姝, 我都喜歡
愈來愈多野玩噃. 睇見都流口水.
回覆刪除[版主回覆03/03/2009 22:06:00]第日甩多d身, 先做個糕先啦.
做乜唔送d過黎啊
回覆刪除[版主回覆03/03/2009 22:06:00]因為星期日做完, 第二日又返工了, 一有機會, 實害吓妳的
係呀, 去日本時, 個隻tiramisu chocolate係必買架 (綠色袋獨立包裝), 正!!
回覆刪除我都有呢個玩具, 不過買咗未用過, 你覺得好用嗎?
[版主回覆03/04/2009 09:47:00]係呀!! 幾好食呀!
新玩具都唔快d玩吓? 我地淨係用來keep warm, 都好用的, 唔駛成日睇住, 溫度就唔好信個鈕掣, 溫度計check住好d.
我在上海街都見到類似的調溫機，賣緊百幾蚊，自己都有d心思思，但唔知好唔好用又怕無位擺，仲諗緊......
回覆刪除[版主回覆03/04/2009 09:48:00]如果做少量呢, 就唔駛都得, 時時做就可以考慮啦, 又未至於必買的.
外買呀！
回覆刪除[版主回覆03/04/2009 09:54:00]moon嫂拿了去外賣了, 剩下的都零零碎呢. 下次一起整啦!
我有買，未開工呢!!! tiramisu<--- 我男友成日都話要食!!!!!!!!!! 不過好貴!!
回覆刪除[版主回覆03/04/2009 09:54:00]試吓啦.
tiramisu 朱古力喎, 香港好少見有得買.
玩朱古力成本很高呢！
回覆刪除[版主回覆03/04/2009 09:56:00]係呀, 朱古力係貴價食品. 間中玩一兩次啦, 都係做糕包可常玩呢!
嘩你又來攪古力???預算趁未夏天快趣玩多幾轉??? 点解吾送D過黎比我地食呢????
回覆刪除[版主回覆03/04/2009 09:58:00]係呀, 其實依家都算遲, 我開晒冷氣和抽濕機, 都係好濕, 遲d好難了.
差不多送晒貨了, 下回啦 ...........
終於都成功, yeah!
回覆刪除[版主回覆03/04/2009 09:58:00]只係合格啦, 好些失敗冇影低了吧.
你地呢班同學真勤力, 我地果班成日走堂.
回覆刪除[版主回覆03/04/2009 14:39:00]我地剛巧夾到時間嘛........一有機會夾到就要練習了.
第一張相果幾粒真係好靚, 不過我鐘意撈撈杏仁朱古力多啲.
回覆刪除香港天氣回暖, 睇情形朱古力要休息了
[版主回覆03/04/2009 14:40:00]我想整d杏仁粒粒做得靚dd, 係好好食的呢!
係啦, 好潮濕呀!
Moon 哥，好熟手喎！除佐飽，雪芳，朱力就成為你的第三產業喎....
回覆刪除[版主回覆03/04/2009 17:25:00]哈哈, 周身都, 冇張利!!!
'車上推銷一種叫tiramisu的朱古力'... 我都有買過呀, 幾滑... 但是好似用白古力ga bor, 同'漉'cocoa powder...
回覆刪除[版主回覆03/04/2009 17:39:00]丫, 好似係白力, 咁至似tiramisu!! 最好吃是那糖衣杏仁, 我今次做的, 濕晒!!!
呀, 人手可不可以做鵝蛋形朱古力的???
嘩 ! 你可以開鋪頭喇 !
回覆刪除[版主回覆03/04/2009 22:43:00]我呢d只係小朋友玩耍咋, 連入門都未夠資格呢, 包點朱古力學問博大精深, 簡直是一門藝術, 一世都學不完, 不過.......我都係至在玩吓.
以前都整過原粒杏仁心, 我焗左d杏仁先, 擺耐左都唔濕呀.
回覆刪除[版主回覆03/04/2009 22:40:00]我都焗了呀, 焗到好深色, 炒糖也是炒都反沙, 再炒熔, 結果待涼完, 再放半小時, 個糖衣已濕了.
我試過拿去番焗, 結果出來就乾, 再放就濕了.
當是 , 我是開了抽濕機, 兼冷氣, 誇張嗎?
呢排真係好多野玩，雪芳都係岩岩回魂。十七小時包包攪佐好耐都未攪定，個頭又追朱古力功課。嘩﹗氣都咳﹗
回覆刪除[版主回覆03/05/2009 07:48:00]係啦, 我都荒廢了包包好耐, 整番至得.
我星期六,日至玩一兩次, 進度很慢, 算啦, 慢慢玩吓ok的. 不過以整朱古力最勞碌, 因多嘢洗:p
moon 哥,
回覆刪除杏仁粒 + rum酒軟芯朱古力餡 + 薄殼......咁會好吃d喎
個warmer 使唔使注水keep溫度呢？唔知冬天用夠唔夠力
[版主回覆03/05/2009 07:45:00]個warmer, 不是座水的, 我估是電磁的吧. 照計夠力的, 要蓋好o羅.
我都好想學軟芯朱古力呀, 未整過.
'鵝蛋形朱古力'係用dragee machine做架, 人手應該整唔到果種效果...
回覆刪除[版主回覆03/06/2009 19:11:00]ICIC, 原來如此, 咁我冇得玩呢樣了.
Hello A moon,
回覆刪除嘩!! 睇見都...
你整的朱古力好靚呀! 表面夠光滑又多款式!!
我次次整都失敗 T_T, 只係整到turffle. 做硬的次次都唔凝固 (試過放成晚都唔得), 真係激死!!
是不是香港的天氣不宜做朱古力呢?
可以指教一下嗎?
[版主回覆05/29/2009 12:38:00]做朱古力, 最好係20多度的氣溫啦, 我家在夏天, 開行冷氣都唔得, 所以夏天要收工了.
我都係好新新新手咋, 去學過兩堂, 朱古力要學會調溫, 才能凝固的, 沒經過一定的程序, 是怎也不凝固, 凝固了也不漂亮的.
建議你去學返一兩堂啦, 我是在這裏學的
http://www.bakingarts.com.hk/
A moon謝謝你的提議. ^^ (不過我負擔唔起)
回覆刪除一些網上教學會將倒模後的朱古力放入雪櫃大約20分鐘. 我試過跟住做, 但雪完攞出來會出現水珠, 過一會就回軟返.
真係一頭霧水!!
[版主回覆05/29/2009 18:46:00]那是完全不對的呢, 除非是用假力.
朱古力調溫是有一定程序的. 幾嚴謹的, 絕對不是雪硬的, 朱古力雪過龍, 是會變質的........
........我自己都好生手, 不是很熟, 所以只知這些. 我是朱古力初哥中的初哥呀, 失敗了不少次呢.