2008年7月15日 星期二

紅豆雪芳

上次的沖不起的紅豆雪芳, 做得不好, blog友靚表姨介紹了一個日本recipe, 哇, 再看清楚, 這個網站好勁, 分享幾萬個各類食譜, 雪芳蛋糕也有202個! ......想起有些人喜歡指責blog友公開食譜, 說什麼產權之類, 或許要看看日本人的胸襟.


不是用ang(餡 , 紅豆茸), 而是用 yude azuki(茹小豆, 煮紅豆), 好, 忙去日式超市買一罐.........其實自己煮更好, 太懶!!



210g煮紅紅豆, 怕怕, 把食譜更改如下!


3黃,  糖煮紅豆100g, , 油35g, 鹽少許, 低粉約70g, 無糖煮紅豆粒適量


4白,  糖40g


(原食譜 : 4黄  砂糖30g 植物油30cc  罐頭糖煮紅豆210g  低粉80g 


                4白  砂糖30g                                                                           )


做法依舊~~~


   


今次成功了很多, 只是仍是稍嫌糕濕和承托力不足,


最香還是紅豆粒粒, 都好好吃呢!



下次真的要自己煮紅豆, 軟硬甜度可以自己控制呢!


21 則留言:

  1. 紅豆雪芳好想試整, 但手上有既食譜都係 210g, 覺得多得過份, 之前已買紅豆餡但都一路唔敢整 ! 睇黎可以試試你呢個份量 !
    [版主回覆07/16/2008 14:58:00]好的好的, 我也是亂試......其實我是希望尼試...210g紅豆那個食譜......haha
    附上原食譜供參考

    回覆刪除
  2. 為何下兩種紅豆?怕買回來的糖煮紅豆太甜嗎?
    [版主回覆07/16/2008 15:01:00]煮紅豆, 是半蓉狀態, 和麵漿融合一起, 不過我嫌紅豆味還未夠, 所以加入粒粒紅豆, 有咬口和更香, 好吃好多呢!
     
    自己煮淡紅豆粒和紅豆蓉, 自己加糖我相信更好呀, 妳會試吓嗎?

    回覆刪除
  3. Thank you 靚表姨  & A Moon for sharing this wonderful link with us.
    [版主回覆07/16/2008 15:07:00]多d試做, 和一起分享啦!

    回覆刪除
  4. 210g真係唔敢試喎, 但見佢web site嗰個真係升得好高喎
    下次試吓你呢款粒粒紅荳先, 原粒有啲咬口
    [版主回覆07/16/2008 15:10:00]係呀, 他的食譜和我的, 分別是:
     
    他是4黃4白, 我的是3黃4白
    他用60g砂糖, 我只用40g
    他用80g粉, 我只用70~75g
     
    可能因此他的蛋糕較有承托力, 可加210g煮紅豆.

    回覆刪除
  5. Moon兄對雪芳真是百吃不厭咁bor
    [版主回覆07/16/2008 15:17:00]其實我好有興趣玩複雜點的裝飾蛋糕或mousse蛋糕, 不過一來沒伴兒切磋, 我又沒怎麼學藝, 二來我漸漸傾向, 是低脂!! 所以起初做過的牛油蛋糕, 忌廉蛋糕, 芝士蛋糕, 曲奇, muffin......都一一停工, 玩過就算了. 最後只留下雪芳蛋糕和較低脂的麵包.......就是這樣了.

    回覆刪除
  6. 雪芳那入輕柔和口即溶的感覺實有太正啦!
    值得努力鑽研呢!
    [版主回覆07/16/2008 15:18:00]最重要的是 :  低脂(和用的是有益的植物油)
     
    和較多口味.
     
    多吃也不膩.

    回覆刪除
  7. o意~ 100克個 look ok 喎~~
    咁我挑戰 150克先~~
    有關產權,我覺得係食譜上係好難定義...
    一定會係差唔多. 不過如果跟足 8-9成, 我都會加 reference.
    就好似做大學功課咁.
    [版主回覆07/16/2008 15:30:00]好的好的, 不如妳試吓原食譜丫.
     
    原全贊成!! 世界上真的有食譜是原創的嗎? 相信有也是很少, 例如雪芳蛋糕.
     
    各種食譜, 也不是互相承傳改良的嗎? 很難証明是某人的獨創, 唯一可說的是除非拿了公認的專利權吧. (不過很多時也很荒謬的, 例如揚州市申請揚州炒飯專利, 南韓申請端午節是他們的文化財)
     
    大學論文那麼嚴格, 也只是註明出處就行了, 只要不是一大段copy, 也ok了.

    回覆刪除
  8. 謝謝你們分享了那麼好的網哦!
    [版主回覆07/16/2008 15:32:00]大家多多試玩呀! 有些看不明的, 估估吓和交給翻譯網站也行呢!

    回覆刪除
  9. 正!等我都試下先
    [版主回覆07/16/2008 15:40:00]好的好的, 也可試原方!!

    回覆刪除
  10. 我又要學整雪芳蛋糕,搵日放假,我一定要整。
    [版主回覆07/17/2008 00:06:00]快快加入雪芳一族啦!

    回覆刪除
  11. Moon哥, 我好耐都無嚟你呢到探訪了, 嘩! 你仍然都是那麼喜愛雪芳呢
    [版主回覆07/17/2008 00:01:00]我都有上妳blog探妳的:)
    雪芳蛋糕的原因, 是較低脂, 又多味道, 可常常吃

    回覆刪除
  12. 下一個會唔會試下.............納豆呀...........
    [版主回覆07/17/2008 00:04:00]咦!!!好提議!!
     
    我去日本是都會盡可能吃nato, 吃吓吃吓, 竟開始覺得好吃, 有資格住在日本了.
     
    妳令我想起......馬豆, 綠豆.......

    回覆刪除
  13. 我試過照呢個原食譜整過一次(係 呢到 ), 印象中都ok r, 用黎清就黎到期既紅豆餡真係好perfect呢  你講起cookpad, 其實呢個紅豆蓉雪紡既 食譜 我都好想試下(不過懶),唔知用左紅豆沙餡會唔會不見粒粒之餘有紅豆香 p.s. 第一次留言請多多指教
    [版主回覆07/17/2008 08:37:00]太好了, 原來妳已做了原食譜! 看來真的很好喎, 好過我減了量的. 大家都可以試了.
     
    妳介紹的新食譜好有趣呀, 我勁重份量, 還加了高粉, 我也知道有用高粉的雪芳, 一直未試過, 不知口感有什麼分別??? 雪芳真的太多變化了.
    17cm模
    蛋Msize      5個  日本低粉     60g  日本高粉     60g  幼砂糖       70g  幼滑紅豆蓉   120g  植物油       90cc  豆乳(或牛乳)  70cc
    用幼滑豆蓉是不見紅豆的, 可加煮紅豆, 有粒粒口感.

    回覆刪除
  14. 用北海道紅豆啦, 我整紅豆糕都用佢. 以前在超市買大陸紅豆, 有時真係煮個幾鐘都唔'林', 徙哂D煤氣呀! 我試過在 大昌食品專門店 買的北海道紅豆, 15分鐘就可以煮到軟, 開始'開花'! D紅豆最好之前一晚浸定,一定成功! 
    [版主回覆07/17/2008 19:15:00]哎, 今天剛買了天津紅豆, 因為日本紅豆是很靚很綿, 但不夠豆香, 聽說中國紅豆香d, 不知呢, 要試一試.
    好的好的, 今晚即浸.

    回覆刪除
  15. 紅豆雪芳如果做出來個雪芳都係紅色就好浪漫啊!
    [版主回覆07/17/2008 19:18:00]d麵漿係淡紅色的, 不過焗了之後, 就變了黃色了.

    回覆刪除
  16. 幾百個雪芳食譜真係有排試,有排玩。
    [版主回覆07/17/2008 19:29:00]係呀, 我都去拿些經驗.

    回覆刪除
  17. 可惜幾萬個食譜﹐無個0岩用~因我一字都不懂~
    [版主回覆07/17/2008 19:28:00]都算有些照片看的, 如果有看中的, 叫我翻一翻譯.
    也有網頁翻譯, 雖然翻得不好, 也可以的
    http://tw.info.search.yahoo.com/language/
     

    回覆刪除
  18. moon, 有你时不时提供d新鲜特别食谱给我们就最好啦!
    呢排马来西亚榴莲季节, 好像试下榴莲雪芳 。
    [版主回覆07/18/2008 16:21:00]馬來西亞的榴槤聽說特別好吃的呀, 香港只得泰國的, 榴槤雪芳, 何以一試呀!

    回覆刪除
  19. 謝謝你的分享.
    我最近也常常做雪芳....希望快些掌握技巧.
    [版主回覆07/20/2008 16:26:00]好呀好呀, 多多交流.

    回覆刪除
  20. 今日試用4黄4白個配方做咗一個, 但係升得冇你隻咁高, 亦冇咁鬆.  唔知乜嘢原因.  我用190C焗30分鈡, 係唔係温度太高?請指教.
    [版主回覆07/23/2008 22:28:00]唔高溫丫, ok喎.
    這個糕是升不高的, 升高也會收縮, 尤其你用原食譜210g紅豆, 升太高不是好時.
     
    呢個蛋糕係實實地軟軟地的.

    回覆刪除
  21. 我呢隻紅豆雪芳其實都幾鬆軟好食,只係好奇,點解你嘅升得咁高又咁鬆啫。我煲半斤紅豆落2.5塊片糖連埋後落嘅60克砂糖唔覺好甜。我只用咗210克約1/3,剩低嘅放凍櫃預備照你改良嘅配方再試多一次。
    [版主回覆07/24/2008 22:14:00]我的紅豆雪芳並不鬆, 幾實的的, 不過就好軟, 要鬆, 就是要減紅豆呢!

    回覆刪除