昨天做warabi mochi剩下了半包kinako(炒黃豆粉), 今天用來做一個kinako chiffon.
拿起手邊的曾美子, kinako50g, 低粉30g........哇, 這麼少麵粉, 就憑kinako怎支撐蛋糕的組織???
隨手倒出kinako一量, 咦? 55g.......真邪, 用吧! 不過麵粉不敢太少.
A . 3黃 砂糖20g 油40g 水50g kinako50g 麵粉約50g --- 逐一打勻拌勻成杰漿, 好杰!!
B . 4白 砂糖40g --- 打發成幼滑雪霜.
B拌入A, 哇, 好杰, 水太少了, 不過不敢下太多水, 怕蛋糕塌陷.
入爐180度焗30分鐘, 哈哈, 升到像疏乎利, 這是高脂粉類材料的特徵, 也是水份少的現像.........不理LU, 反正有時升得很靚, 一脫模才發覺是廢品.
哈哈, 好成功呀, 蛋糕又香又軟, 滑中又帶點黃豆粉的顆粒, 好吃, 比去年做的好吃, 相信水少是原因之一, kinako chiffon不宜太濕潤.
本來今天有想過跟一班山友行山, 見一見那位小友, 不過最後冇去了, 在此祝願妳順順利利, 平平安安, 第日一起行山.
好似好鬆軟wor，我估味道應該唔錯
回覆刪除[版主回覆07/08/2008 11:21:00]今次好成功呀, 好好吃!
嘩好成功
回覆刪除焗時升起個樣真係好似疏乎利!
[版主回覆07/08/2008 11:28:00]謝謝, 我都驚呀, 因為升到疏乎利般不是好現象呀! 幸好今次又好成功. 我做雪芳蛋糕這麼久, 沒有一次出爐前是100%肯定成本的........90%啦.
Moon兄！點解有啲Chiffon食譜是用低粉，有啲係用麵粉整？有咩分別呀？我有些興趣想知下，可以解俾我聽嗎？唔該
回覆刪除[版主回覆07/08/2008 12:01:00]我做的雪芳蛋糕, 全都是用低筋粉的, 這樣做出來, 才會輕和軟,
用中筋粉(普通麵粉)我也試過, 是比較實的, 視乎個人的口味(外國人喜歡做的雪芳蛋糕是死死實實的一塊), 甚至有書介紹用高筋粉做的, 不試了.
你真係好有研究, 睇見咁熟軟, 好有成功感呢...
回覆刪除[版主回覆07/08/2008 12:06:00]hehe, 我冇乜花款呀 , 獨沽一味, 因為這糕不肥, 花款多, 可天天吃, 做得多, 自然知多點的了.
真係好似疏乎利喎~~
回覆刪除有人試過 30g 粉話我聽得﹗不過我自己試過唔得﹗
真係升到好似梳乎厘咁呀~~
回覆刪除[版主回覆07/08/2008 12:09:00]係呀, 都有d擔心的, 幸好又幾成功. 很難說, 波係圓o既, 雪芳蛋糕也是圓o嘅.
每次看見你的戚風蛋糕及脫模很的漂亮外形，總唸唸碎。。。
回覆刪除駛唔駛0甘靚！
[版主回覆07/08/2008 12:10:00]hehe, 當妳做了十個, 廿個, 卅個, 妳也會做得好, 不過妳要先解決一個問題......
moon
回覆刪除真是好羡慕你， 次次做的蛋糕都0甘靓。
[版主回覆07/08/2008 12:11:00]唔係呀, 我的成功率都係90%, 上次的紅豆雪芳就麻麻地.
想請教 ... 倒漿後係咪要將糊在模邊塗高小小等佢發起時個邊唔會扯得咁行既呢 ???
回覆刪除[版主回覆07/08/2008 12:12:00]係呀, 有d書是這麼教, 我有試下無妨, 不過講真效果不大的.
係呀﹗有時升得唔高返而軟棉棉呀﹗用黃豆粉整的會好香豆味的
回覆刪除[版主回覆07/08/2008 12:15:00]係呀, 升得太糕反而會塌的低, 面層會實一d,
不過很微妙的, 不同的配料會影響不同的膨脹度, 有d升得高也冇問題, 有d升得高就塌德勁, 我也未摸透呢!
好鬼正丫~
回覆刪除[版主回覆07/08/2008 13:15:00]妳又玩丫, 好玩咖!!
嘩！50g Kinako都好重手喲！！黃豆味一定好香好香啫。
回覆刪除早前做過紅豆粒黃豆粉Chiffon時，黃豆粉份量只用十來廿g的 (17cm 模)。發現你的recipes好像在fine-tone著所有ingredients的limits，令我知道仲有幾多‘水位’可以走。一於下次跟你一樣放多點Kinako先。
[版主回覆07/08/2008 13:22:00]hehe, 係呀, 搏一博啦, 都睇住黎的落的.
我成日都覺得雪芳只能落10-30g配料, 真的冇乜味道, 可惜雪芳蛋糕弱質纖纖, 不能像牛油蛋糕或muffin承受太多, 不過下意識也想盡量落多d材料的呢, 死左至算啦.
升得勁靚！
回覆刪除用黃豆粉做雪芳，創新！
[版主回覆07/08/2008 13:25:00]thxxxxx, 黃豆粉雪芳其實不算新了, 有些書教味噌雪芳, 我始終不敢試呀!
我在日本也吃過鹽漬櫻花雪芳...........
奇怪，沒回應，你要OT或是電腦發生故障。。。
回覆刪除[版主回覆07/08/2008 13:26:00]哎, 是我間機構故障呀, 這兩天沸沸揚揚, 攪到我也tum tum轉.
哎, 多事之秋.
要 complain 呢，好耐無包包睇啦！
回覆刪除[版主回覆07/08/2008 13:28:00]男兄, 謝謝你的complain
這排時時ot, 不用ot的日子要趕快睡一睡, charge定d電......希望今個星期六可以開爐.........
發得好靚啊~睇落去已經好軟綿綿喇﹗堅ssssssssss
回覆刪除[版主回覆07/09/2008 13:36:00]係呀, 今朝o岩o岩食完, 雪凍了都好好味.
I admire how you can always adjust the ingredients in a recipe to make it even better. It takes lots of knowledge and research!
回覆刪除[版主回覆07/09/2008 16:57:00]THX呀, 做得多, 自然就會想自己試試了, 好玩呀!
黃豆味的雪芳, 好吸引呢! 睇落又真係幾梳符理樣喎, 脫模後會否下榻很多呀?
回覆刪除[版主回覆07/09/2008 16:59:00]黃豆粉, 有炒香豆的味道, 好吃.
初時我都怕會塌得很利害, 不過又冇喎, 好挺,
黃豆.........升得好高,好靚女呀!!
回覆刪除[版主回覆07/09/2008 17:02:00]他.........她..........我也不知是靚仔/靚女
今日經過康怡吉之島見到好似warabi mochi這名字的舖頭, 重可以見到他們製造的過程, 一盒約45$有8粒掛. 還見到個想信是老闆的日本人係度指指點點.
回覆刪除[版主回覆07/11/2008 07:42:00]咦, 原來在康怡吉記是即場製造, 那一定好吃好多了, warabi mochi本身可以預製, 但蘸粉一定要即場, 還要多多多, 那才好吃呀, 妳吃了嗎? 幾貴呀, 日本冇咁貴.
我跟你整左黄豆chiffon. 好好味呀~~~
回覆刪除[版主回覆07/12/2008 00:45:00]hehe, 咁就好了
係喇, 你的韓文名是什麼意思??
我今日又經過這間舖頭, 原來佢叫...XXX...唔記得咩野名. 只不過係賣warabi mochi.佢有得試食呀, 好多人試食, 不過冇人買囉.
回覆刪除[版主回覆07/12/2008 10:59:00]是不是"亞月家" azukiya, 日文中, a(亞)zuki(月)ya(家), 和azuki(紅豆)ya(家)是同音的.
我也想再試真他的出品, 還有炸番薯條呀!
咦, 我的日文名號豈不就是.......Azuki
個名唔多似, 佢冇炸蕃薯賣的.
回覆刪除個名唔多似, 佢冇炸蕃薯賣的.
回覆刪除他們是用個竹筲箕蒸熟D粉糰的.
[版主回覆07/13/2008 09:18:00]咦, 那是另一家了, 連粉團都是新鮮蒸的, 那是好正宗的了, 找天去試試, 康怡吉之島!
我屋企有包きな粉是否即是你指的炒黃豆粉?我好種意黄豆粉好想試整這雪芳蛋糕~
回覆刪除[版主回覆07/18/2008 21:20:00]對了
sorry我剛睇到你的日文標題,きな粉是黄豆粉了,Thank!
回覆刪除[版主回覆07/18/2008 21:20:00]就是這東西了, 試試啦!
我在ciysuper找不到炒黃豆粉,買了一包mantou soy bean powder.你有沒有用過這食材?
回覆刪除[版主回覆07/20/2008 11:56:00]citysuper一定有kinakoきな粉呢, 在日本食品的架子, 和紅豆蓉, 白玉粉........等放在一起呢!
mantou soy bean powder, 未見過呢!
我那包黃豆粉也是在日本食品架上取的....可能我看漏眼....
回覆刪除[版主回覆07/20/2008 16:30:00]再找找吧, 包裝樣子在這裏.
http://hk.myblog.yahoo.com/amoon-littleworld/article?mid=10662&prev=10679&next=10592
或許妳買的soy bean powder可做出新味道呢!
我那包正是相片右面那包,紅色底,白字那款!
回覆刪除[版主回覆07/20/2008 20:03:00]哈哈, 對了
咁我沒有買錯,可以做這雪芳了!
回覆刪除