2008年7月20日 星期日

自製紅豆雪芳

今天終於做了一個紅豆雪芳, 用自製的紅豆茸



聽說天津紅豆比日本紅豆香, 買了一包, 加大量的水煲了大半小時, 撈起半碗剛淋的紅豆, 再煲了大半個鐘, 才成了豆沙, 加了一磚黑片糖, 盛了一大碗給紅豆沙迷的太太, 其餘的過篩, 做了一碗低糖紅豆蓉..........香味? 麻麻啦.



大概依照日本網的cookpad食譜,


4黃4白, 糖30+30g, 油30g, 水30g(紅豆茸好乾要加水), 紅豆茸170g(太重手了, 下次100g好d), 低粉80g.


一. 4黃加30g糖打至乳白杰身, 加油打勻, 加水打勻, 加入紅豆茸......唔, 不妙, 已像糊仔, 好杰, 紅豆的澱粉會壓跨麵粉呀, 不理了, 加入麵包再拌勻.


二. 4白加30g糖打至幼滑企身, 分兩三次拌入一中, 入模180度焗30分鐘.


三.不敢倒置了, 紅豆澱粉很重, 怕會跌出來. 待涼時, 真的收縮得很利害



見到塌縮的痕跡嗎, 紅豆澱粉太重了, 所以下次應該少點紅豆茸.


明天帶給一位朋友, 希望她不會嫌棄像吃紅豆沙啦. 祝妳身體健康啦!


 


10 則留言:

  1. 我都好鍾意整雪芳,剛買了黑之麻醬啊!但吾知點解之前整都是濕濕的,請指教!
    [版主回覆07/20/2008 23:48:00]一起努力啦, 我都不是每次都理想的呢! 蛋糕濕濕, 多數是三個原因:
     
    1. 所用的材料較多纖維或澱粉質, 如紅豆, 蕃薯, 南瓜, 香蕉.......
     
    2. 蛋黃漿或蛋白霜打得不夠, 以至麵漿化水
     
    3. 焗得不夠熟, 糕的表面要微焦才好呢!

    回覆刪除
  2. 我以前做過一次,紅豆沙沒有認真隔水而全部浸底。而且自己煮的不覺得比罐頭的好。
    [版主回覆07/20/2008 23:53:00]係呀, 雪芳蛋糕的麵漿好鬆, 稍有水份便會沉底和爆泡呢!
     
    解決方法之一是將紅豆先放入蛋黃麵漿中拌一會, 讓水份被吸收.
     
    罐頭的當然好呀, 可以總想自己做做, 況且, 日本罐頭紅豆也太貴了一點, 不成比例.

    回覆刪除
  3. 好勁呀。連紅豆同紅豆沙都自己整埋。下次會試用日本紅豆自己煲嗎?
    [版主回覆07/21/2008 23:57:00]hehe, 試吓嘛, 可控制甜度, 不想用太甜的罐頭紅豆, 因為要減少用糖, 蛋黃漿打得不好呢!
     
    日本紅豆, 我都會試吓的, 玩吓嘛!

    回覆刪除
  4. 杯子裝的像紅豆souffle???  你吾將佢倒轉, 咪一路睇一路心up?????
    [版主回覆07/21/2008 23:58:00]杯杯雪芳, 好吃過大雪芳呀, 一匙一匙的吃, 好過癮, 怎會心up?

    回覆刪除
  5. 整紅豆溶又真係幾煩,但用壓力鍋又真係快好多,但我無,所以會買.哈....
    [版主回覆07/21/2008 23:59:00]係呀, 煲了成個半鐘........聽說十勝紅豆起沙快好多, 會否一試?

    回覆刪除
  6. 哈哈。。。從未試過用杯杯做蛋糕~你係得0既~
    紅豆沙又用來做什麼尼﹖
    [版主回覆07/22/2008 09:43:00]這方法好呀, 很方便吃, 也是我在日本偷師的.
     
    紅豆沙, 當然給太太吃光了呀!

    回覆刪除
  7. 昨晚跟原食譜做了, 我眼高手低,用了成罐(約190g)紅豆蓉,又忘了減點糖(因為紅豆蓉很甜),濕潤是夠,總是覺鬆軟度還欠了點點,同事說好吃,我卻嫌它升得不夠高
    [版主回覆07/22/2008 18:03:00]190g應該ok呀, 因為它用的是煮紅豆, 澱粉不及紅豆茸多......(我估咖咋, 未試過的 )
     
    原方的蛋糕勁重料, 所以相信是有點實, 我這個也好食, 不過不是雪芳口感.
     
    冇減糖.......那真的好甜呀!

    回覆刪除
  8. 請問係咪陶瓷杯, 碗, 都可以放入焗爐, 好似您咁樣, 攞黎焗蛋糕呢?
    我都想下次試下用杯黎焗.
    焗完係咪一樣要倒扣呀?
    [版主回覆07/23/2008 22:26:00]我個都係普通瓷杯呀, 都托賴冇事, 當然, 用微波爐器皿會好d.
     
    當然用些裂了也不可惜的粗陶瓷更好.
     
    我冇倒扣呀, 都可以倒叩的,

    回覆刪除
  9. 害我一直猜不透是豆沙雪芳,除了粒粒紅豆一看就知道之外,下次會做綠豆沙嗎?
    [版主回覆07/24/2008 23:16:00]乜妳冇食到滿口沙咩???

    回覆刪除
  10. 好好味呀!! 等我又試吓做先!!
    [版主回覆07/24/2008 23:17:00]幾好的, 好似食到紅豆沙的沙, 不過我下得太多沙, 個糕塌塌地.

    回覆刪除