2008年7月17日 星期四

花 . 月 . 星

這是我們在新城市的第二個飯堂, 第三間呢? 沒有第三間可稱飯堂了.


太太說很掛念的是在泰國Erawan吃的那碗豬肉河粉, 哎, 想起那碗絕品, 流口水添.


越南鮮牛肉河, 鮮甜的湯底, 爽甜的牛肉, 滑滑的河粉, 灑上炸蒜粒, 蔥花, yummy, 在香港, 已算很好吃了, 接近溫哥華的水準



花月星是一間新派的法越餐廳, 用料靚, 空間闊, 招呼好, 食物, 正不正宗是其次, 好吃和吃得舒服就好了......



第一次吃這法式焗豬扒飯, 太太不好豬, 我倒是豬迷, 慢慢的夾起豬扒, 好靚的厚切豬, 炒飯底, 和煎得半生熟的蛋, 慢慢拼好拍照, 邊談邊吃......



好味呀!!.......法國菜有的嗎?.......管它.



香茅雞扒紅飯, 雞扒煎得很香, 只是不夠香茅......要多多多呀!



當隔壁的餐廳門口排滿人, 還要擠進狹小的卡位幾乎和鄰座共享一桌菜時 , 這裏份外可愛.


                                           


人擠才是好餐廳的定律, 不是必然的, 我從不相信


8 則留言:

  1. 有機西瓜可以同大家見面啦~~
    老徐農莊歡迎您!!!~~~^_^
    [版主回覆07/17/2008 23:17:00]恭喜恭喜!
     
    等了一段時間, 我剛想農莊事業進行成點. 就收到好消息了!!

    回覆刪除
  2. 這個好啱我胃口啊!! ! 今次你又有冇慢慢享受呢?????
    [版主回覆07/17/2008 23:28:00]我都覺得好好味, 我的口味很闊的, 乜都覺得好食, 但最後也要吃亞洲嘢-香港, 日本, 東南亞.......

    回覆刪除
  3. 哇~好正0既越南河丫~引死人咩~
    [版主回覆07/17/2008 23:32:00]幾正呀, 用的不是行貨肥牛(很怕), 而是有瘦又嫩的牛肉.
    我未去過越南呀, 不知是否正宗, 不過好吃就得啦.

    回覆刪除
  4. 你呢輪 , 周圍搵食喎........搵到可稱之為食堂既 , 真係唔去唔安樂家......
    [版主回覆07/17/2008 23:39:00]我很少去搵食呢, 這間是常去的飯堂, 本來也常多吃幾間, 但吃吓吃吓, 很自然的只會吃一兩間, 其他的.......

    回覆刪除
  5. 經過揀剩既 , 為之精選囉 , 其他既 , 梗係篩左佢啦.........
    [版主回覆07/18/2008 23:51:00]可常吃的餐廳, 和可交心的老友, 不多的, 但每次去, 都很舒服和親切.

    回覆刪除
  6. "鮮甜的湯底, 爽甜的牛肉, 滑滑的河粉, 灑上炸蒜粒, 蔥花, yummy"
    你d形容.......流晒口水!
    [版主回覆07/18/2008 23:53:00]真的幾好食呀, 清清地, 鮮鮮地, 夏天吃幾好呀!

    回覆刪除
  7. 我今晚都試左花月星啊 推介得好好!個湯河正啊
    [版主回覆07/22/2008 00:07:00]多多捧場, 多多幫趁.......
     
    我不是老闆, 只是我不想它執笠

    回覆刪除
  8. 我都去嘗試下先得,新都成邊度呀!!!
    [版主回覆07/22/2008 00:08:00]新城市翡翠隔離.

    回覆刪除