2009年10月16日 星期五

東歐行-第十站-斯洛文尼亞-小小首都盧比安娜

離開了克羅地亞, 到了巴爾幹半島最富裕的國家 - Slovenia. 這個小國和奧地利, 意大利接壤, 也是今次唯一使用歐元的東歐國家.


這個小國的首都Ljubljana也是小巧寧靜的, 人口只有28萬, 喜歡城市生活的人, 就會覺得太冷清了, 我就喜歡少人的社群.



市中心廣場, 遊客悠閒地閒逛......



一條小河流過, 河邊漫步, 真是優遊自在......



 

 好想玩埋一份呀!


乘短短的纜車, 到盧比安娜城堡......



 

 也是閒閒的到處逛, 喜歡人少少, 無拘無束, 我喜歡在團體遊中隱形.


"龍橋"的龍是當地的守護神.



 看, 這幢洋房很70年代feel呀!


今晚來到市內一間歷史很悠久的著名餐廳, 在樹陰下吃晚餐, 好有情調呀, 千萬不要把香港大排檔的"熱鬧"帶來呀!


豬扒飯!........想不到來到斯洛文尼呀, 竟會吃豬扒飯!!! 不一樣的是豬扒極有咬口和極瘦, 飯也是很歐洲的乾散.



調味的有橄欖油, 普通的葡萄醋, 和一瓶綠色的油, 一吃, 好濃香呀, 有一種果仁的香味, 連忙倒一點蘸麵包吃, 團友見到說 : 你都幾有新意喎........哈哈, 他不知意大利人就是習慣這樣吃的.


我問侍應 : 這是什麼油 ? 他說了一串家鄉話, 最後我也不知道.



甜品是tiramisu, 芝士漿中加了很多榛子碎, 雖然口感不是幼滑的, 但也有另一種風味, 好吃, 起碼沒有魚膠粉.



這晚住的酒店不錯, 早餐很豐富, 尤其是包包, 哇, 真係開心呀!



很欣賞他的田園包呀!!! 脆硬的包殼, 乾鬆的包肉,



還有這個表面黏滿芝麻和葵花子, 吃完念念不忘, 外面黏果仁的效果真好. 回到香港還自己試做呢!



8 則留言:

  1. 你今次東歐行去了很多地方呀. 人們都很開放, 有未換泳衣就跳落水的......
    豬扒啱哂你噃, 食物還可以嗎?
    [版主回覆10/17/2009 23:43:00]係呀, 小國都好吸引. 豬扒呢......唉, 唔知點解, 我都係覺得香港的洋蔥煎豬扒(唔加鬆肉粉的)好食d........
     
    我覺得歐洲人玩得好癲.........香港呢, 一定又在河邊豎個牌 : 此河水深, 有暴漲危險, 切勿下水.........香港政府係乜都唔準, 乜都怕揹鑊的.
     
    行山時我最喜歡在"前面山路崎嶇, 切勿前行"的牌子前拍照, 然後繼續前行......咁大個人, 自己會判斷情況嘛. hehe.

    回覆刪除
  2. 一個悠閒嘅地方呢, 又會有一座新派嘅建築物..
    件豬扒好似比較乾啊! 咁多種包,一定試唔晒嘞.
    [版主回覆10/17/2009 23:46:00]那座樓係我們行路吃晚餐途中見到, 好有新復古風味.
     
    豬扒......係呀, 好瘦又好有咬口........哎, 總之歐洲的豬牛羊雞都係咁啦. 好彩我鍾意吃包.
     

    回覆刪除
  3. 不覺間又第十站了, 你們這個團節目和食物真豐富呢 !
    [版主回覆10/17/2009 23:47:00]係呀, 當時真係玩到喪晒, 不過現在d feel都消退晒了.

    回覆刪除
  4.         始終都係包包最吸引!
    [版主回覆10/17/2009 23:51:00]我就喜歡食包, 好d, 我太太和d團友就見到包都擰晒頭, 又係嘅, 見到d又乾又冇味的包, 係我至當寶.

    回覆刪除
  5.         咁又唔係 嘅 ,起碼我同埋我身邊好多朋友都識欣賞呢類歐陸麵包 嘅!
    [版主回覆10/19/2009 07:44:00]同道中人呀!

    回覆刪除
  6. 東歐旅程好豐富多彩,睇極都睇吾玩,你應該好滿意這次外遊~
    我亦好怕食乾乾散散的白飯,真令人提不起食欲。白飯應該係一粒粒的;不溼不散不粢。分別的係,外囯人係煮飯;中國人係煲飯。
    [版主回覆10/20/2009 07:56:00]都好回味呀, 不過依家日日返工, 那種感覺都漸漸淡了.
    外國人的飯是完全不同的, 麻麻地合我地口味.

    回覆刪除
  7. 看似很好食哦!!
    境.... 亦是很靚!! 師父的相機是什么型號?
    [版主回覆10/20/2009 20:10:00]個麵包都幾好食呀!! 地方真係好舒服........我?  哈哈, 只係canon的IXUS機仔, 好豆泥的呢.

    回覆刪除
  8. 可以悠閒漫步克羅地亞街頭, 欣賞當地嘅生活真係幾舒暢喎 !

    回覆刪除