2009年10月11日 星期日

東歐行 - 第九站-克羅地亞-比域治十六湖

克羅地亞的中部, 有一個世外桃源---Plitvice Lake Country Park(Plitvicka Jezera), 香港人稱它做十六湖.....



青山碧水, 湖光山色, d水好青呀, 個個湖都見底, 好多魚仔遊來遊去.


我問當地導遊, 水中的紅色小球是什麼東西.........你們估呢?



這裏是石灰沖磧的喀斯特地形, 所以有很多湖泊瀑布, 水也特別綠, 有點像九寨溝.


九寨溝我沒去過, 倒覺得有點像日本的青森縣奧入瀨的感覺, 真懷念去年的日本東北之旅........



看, 像翡翠的湖水........



這裏比奧入瀨更漂亮, 但太太說, 感覺上更喜歡奧入瀨, 我也是, 為什麼? feeling是很難解釋的.


可能那天人山人海吧........你不會信吧, 照片那麼幽靜, 是我的取景功夫呢! 那天真的像百萬行!!!!



那天行了將近4小時, 不過一點也不覺累, 喜歡山水多過看古蹟.



1979年, 這裡已經列為聯合國世界自然文化遺產了.



和導遊女士閒談, 她對太多遊客有點不是味兒, 說人們太不珍惜大自然, 這裏不可採植物, 石頭, 不準打獵, 生火, 露營.......不可釣魚, 連湖水也不可碰......這是對的, 可是總有人違反, 之前一天, 巡警才祝到有人在公園裏非法露營......


我不好跟她說, 香港的郊野公園到處都是垃圾, 一次, 我登上蚺蛇尖山頂, 竟然見到到處垃圾, 蒼蠅亂飛.



就我所見, 沿途都很清潔, 但不時見到遊客吸煙, 破壞了大好清新空氣.



除此之外, 大致上都很清潔, 不過有了遊客, 野生動物已逐年減少了........



船在上, 魚在下, 真有趣呀!



鴨和魚和平共共處.



那天的午餐是烤羊肉, 都好好吃呀!!



14 則留言:

  1. 好有九寨溝feel喎!
    不過, 聽講九寨溝多人到好似個墟咁!
    [版主回覆10/11/2009 21:37:00]我未去過九寨溝呀, 應該都幾似的.
    比域治湖都好多人呀, 只不過我就鏡頭就得好咋!

    回覆刪除
  2. D 空氣一定好到不得了, 有無帶 D 返香港 !
    [版主回覆10/12/2009 20:47:00]去到有用力索呀, 洗肺, 不過都見有一兩個遊客吸煙 >_<

    回覆刪除
  3. 真係一個世外桃源, 呢度嘅魚好幸福呢!
    你d相影得好靚呀!
    那碟烤羊肉是一人份量嗎?好大碟啊!.
    [版主回覆10/12/2009 20:49:00]係呀, 冇人會騷擾牠們, 天生天養.
     
    個碟羊肉係四個人份量咁上下啦, 一個人.........啃唔晒呢! :p

    回覆刪除
  4. 紅色嘅波仔係要嚟比 d 船...............泊位嘅.
    [版主回覆10/12/2009 20:50:00]導遊女士說, 是當地大學做水質研究, 每年都在同一個地點取水, 所以用個紅波認住個位呢.

    回覆刪除
  5. 搵次要黎呢度見識吓。。
    [版主回覆10/12/2009 20:51:00]由你那裡去, 不算遠呢, 可以去渡假.

    回覆刪除
  6. 這裡真係好靚....
    [版主回覆10/12/2009 20:52:00]我地去之前都好期待呀, 不個那天是熱了少少和好多人, 其他都好perfect!!

    回覆刪除
  7. 真係好靚!!見到個湖真係好想跳入去.......
    [版主回覆10/12/2009 20:52:00]哈哈, 唔可以o架, 惦吓d水都唔得呢.

    回覆刪除
  8. 好清潔的湖水,淨睇相都感受到環境沒有污染、空氣清新、有冰涼的感覺,好舒服~ 難怪以前的古人都長命百嵗。
    [版主回覆10/12/2009 20:56:00]係呀, 嗰度好重視保護環境, 不過始終太多遊人, 有時都控制不了呢!
     
    如果秋天去, 漫山紅葉, 仲靚呀! 如果講天然, 原野風光, 我就喜歡紐西蘭南島Te Anau和West Country一帶, West Country我都未去過呢.

    回覆刪除
  9.         北歐同東歐真係仲未污染,希望可以繼續 keep 落去!
    [版主回覆10/12/2009 20:58:00]他們幾十年前已醒覺要環保了, 不過遊人多, 點都影響到自然生態.

    回覆刪除
  10. Plitvice Lake Country Park真是一個世外桃源, 啲相影得好靚好吸引啊 !  其實貴州嘅黃果樹風景區同張家界都有咁幾靚架, 而且幾乎全部國家級公園是不准吸煙的 。
    [版主回覆10/12/2009 21:08:00]謝呀, 可以影得更靚呢..........對呀! 天然資源真係要好嚴格保護呀.
     
    導遊女士說一個星加坡小孩一到步, 就嚷著要拾石仔........一個人拾一片石仔, 可能不算什麼, 但一年幾十萬人, 每人拾一片石仔, 就是災難, 大自然被破壞了, 可能要花上千百年也不能回復.
     
    反觀香港人, 早前看一些特輯, 有些新界人有意無意讓人在農地傾倒泥頭, 雖然農地不是100%大自然, 但也不應為了私利去破壞, 真是.......擰擰頭

    回覆刪除
  11.         " 不過遊人多, 點都影響到自然生態 "         咁都好難避免,唔同完全唔攪旅遊事業咩!
    [版主回覆10/13/2009 15:19:00]平衡啦
     

    回覆刪除
  12. 湖光【水】色, 美麗呀. 你講得啱, 那些遊客在那麼清新的大自然邊行邊抽煙的人是大殺風景
    [版主回覆10/13/2009 21:21:00]歐洲人都不是人人那麼守規矩的呀, 我都唔明白點解要吸d毒氣入個肺, 仲要迫人索.

    回覆刪除
  13. 我前幾年農曆新年去過  又冇人喎  不過好鬼凍 D 相拍得好出色
    [版主回覆10/14/2009 16:33:00]夏季係勁旺季呀, 可惜秋天我冇假期.

    回覆刪除
  14. Da 班長 Is a Man2009年11月5日 上午9:59

    我都相當喜歡十六湖!
    [版主回覆11/11/2009 14:43:00]十分幽美呀! 仲可以慢慢行.

    回覆刪除