2009年10月26日 星期一

哎呀, 我的間條雪芳.....

放假嘛, 再做個間條雪芳, 好耐冇做過了......


一直都好順利, 那知一脫模, 哎呀~~~~~~~



以為是底火太勁, 已經雙層焗盤, 再墊錫紙了........


 


看, 蛋糕皮黏得好好呀!.......



都冇用, 現在我都唔知怎樣解決這問題了........



38 則留言:

  1. 都好好呀,有乜唔妥呢?
    [版主回覆10/26/2009 21:18:00]凹左一大片呀, 呢個可以說係唔合格了.........

    回覆刪除
  2. 士啤o太雪芳呀, haha,
    睇個質地唔濕, 但係個底又下陷得咁勁既......真係難攪~~
    [版主回覆10/26/2009 21:32:00]個糕質地正常呢! 就係收縮到凹左.......而且唔係偶然
     
    各種試得的方法我都試勻了, 冇法子, 現在可以做的是兩樣.
    1. 換個火力勁D的爐......遲一步先
    2. 放棄我一直用開的配方, 改用少蛋白的配方了.
     

    回覆刪除
  3. 你不是已解決了這個問題了嗎?其實是不是爐的問題呢?我用過不同的食譜但都從來沒遇過這個問題,但自問我整雪芳的技術一定沒你的咁好!
    [版主回覆10/26/2009 21:38:00]我都以為係解決了, 以為係底火高.......我都已經雙層焗盤, 甚至試過再墊錫紙, 上次明明OK(唔係咖啡味), 今次又衰左, 我都冇晒表情LU.

    回覆刪除
  4. me too ah! i hv same problem sometimes...
    [版主回覆10/27/2009 07:33:00]到現在我都唔知為什麼了.

    回覆刪除
  5. 。。。。再來。。。。。
    [版主回覆10/27/2009 07:33:00]會呀, 可惜有要返工了, 跟住的假期又冇乜時間了.

    回覆刪除
  6. 我本來每次焗出來都有一個你我都好憎但又好熟悉既凹位,但係自從上次加多一只旦黃之後就焗咗兩次都冇事,等我再焗多幾次睇吓點再話你知。不過,雖然有凹位,但係好靚喎。
    [版主回覆10/27/2009 07:36:00]妳都有呢個問題??? 加多一隻蛋黃.........好想再試, 不過又返工了, 有排都冇得玩了.

    回覆刪除
  7. 呀,果只烏冬我見到灣仔月街大亞食品有得賣,40蚊咋。你得閑去睇吓。
    [版主回覆10/27/2009 07:37:00]謝謝妳呀, 等我留意下先.

    回覆刪除
  8. 其實脫模要留意啲乜呀?
    [版主回覆10/27/2009 07:37:00]只要溫柔的按和壓, 不要扯, 蛋糕就不會破了.

    回覆刪除
  9. 好驚呀~~又見到咁樣~
    [版主回覆10/27/2009 22:02:00]我都被吹到啤一聲了..........

    回覆刪除
  10. 嘩…真係無左一大段!
    底火開幾大?
    [版主回覆10/27/2009 22:03:00]底火.......哈, 冇晒火氣

    回覆刪除
  11. 你個爐底火照計已經擋晒火,唔似底火過勁 bor 老細
    [版主回覆10/27/2009 22:07:00]冇錯, 已經擋得就擋, 我估底火唔夠就似d, 因為脫模後, 圓邊的焦較厚, 反而模底的焦又白又薄, 我覺得因此黐唔實個蛋糕.........我估咖咋!.......完全冇idea.....
     
    你焗雪芳有冇用焗盤呢, 個焗盤什麼顏色, 是不是放在最低層........???

    回覆刪除
  12. 我試過一次太多水又係凹, 仲中空添…
    爐溫高又好似唔會咁
    你依家既食譜係點架?
    [版主回覆10/27/2009 22:12:00]我個食譜係最正常的
    啡味 : 蛋黃1.5(約30g) 油20g 咖啡粉2.5g 水22g 低粉35g 蛋白2(約70g) 砂糖30g
    原味 : 蛋黃1.5(約30g) 油20g 水20g 低粉37g 蛋白2(約70g) 砂糖30g
    做法也是最正常的. 我都冇晒表情

    回覆刪除
  13. 亞芳間色好靚呀!! 点解又凹底呢???????????????????
    [版主回覆10/27/2009 22:16:00]本來是好有信心的呀, 告訴妳, 我做了第二個, 焗久10分鐘, 希望它結硬d, 一脫模, 情況一模一樣..........不是偶然呀!

    回覆刪除
  14. 我睇書話蛋白的泡泡唔夠穩定都會令到蛋糕下陷ga
    [版主回覆10/27/2009 22:18:00]但係我好有信心我的蛋白霜好穩定呢............

    回覆刪除
  15. 我建議你用兩種測試方法~~
    1.用原配方去小六or 小三家的做多一次
    2 用原配方.叫小六or 小三到你家做多一次
    不過方法 2.的機會不大
    [版主回覆10/27/2009 22:19:00]兩個方法都得, 幾時???

    回覆刪除
  16. 又有新 pattern 啦!我好鐘意脫模後內模個樣,好靚。
    [版主回覆10/27/2009 22:19:00]係個模靚, 但係個蛋糕唔靚..........

    回覆刪除
  17. 哗!!好靓的雪芳,只是美中不足...是不是会再来多个啊!?
    [版主回覆10/27/2009 22:20:00]我一定會再來再來, 再再來!

    回覆刪除
  18. 間條間得好靚 。  點解會凹底呢 ? 
    [版主回覆10/27/2009 22:21:00]呢個問題, 我都好想好想知道, 有冇人做過這方面的試驗?

    回覆刪除
  19. 哈哈....亞芳總係鍾意如此折磨你.......讓你難捨難離......
    [版主回覆10/27/2009 22:23:00]我一定會再試, 如果雪芳這麼難攪, 根本冇人會再做啦, 而我的手勢係冇乜問題, 現在剩番個爐, 但係我個爐又似乎冇乜問題..........

    回覆刪除
  20. http://hk.myblog.yahoo.com/herbert127/article?mid=10177
    清楚吧
    [版主回覆10/28/2009 07:42:00]有焗盤(看不到是什麼顏色........), 不過見到你的蛋糕由底至面都上色好充分, 我估我係糕底未夠火, 太脆弱就真, 不過都未得閒試.......

    回覆刪除
  21. 請問各味麵糊是一次過放入模嗎?我也想試做哦!很吸引!!
    [版主回覆10/28/2009 07:43:00]倒麵漿分4次, 焗係1次過焗.

    回覆刪除
  22. 個雪芳好乾身喎, 是否水少, 爐火太大或時間太久呢 ?
    [版主回覆10/28/2009 07:45:00]不是呀, 是很濕潤才對, 我有少少嫌它太濕了一點, 可能是水份蒸發得不夠, 導致下陷.........我都唔敢講了.

    回覆刪除
  23. 呀 ! 又黎啦佢 !!! 神秘人偷食呀 !!!
    [版主回覆10/28/2009 07:46:00]唉, 唔知邊個來偷吃了, haha!!

    回覆刪除
  24. 我第一次整時都出現過這情況...
    但我好欣賞你做到一層層.
    [版主回覆10/29/2009 14:29:00]我時不時都做成咁, 我都唔明白點解了, 真係乜都試過晒.
    一層層係幾靚呀!

    回覆刪除
  25. 呢個莫名其妙雪芳, 係鍾意久唔久就現吓形嘅...
    我都好耐無整雪芳啦...怕生疏晒lu.
    [版主回覆10/29/2009 19:08:00]係, 真係莫名其妙...............令我有d氣餒........
    不過我都係會再試的.

    回覆刪除
  26.         乜原來你真係好多時都會有呢個 "熟悉的凹陷位" o架!我上次跟一個食譜整,話要加粟粉可減低失敗機會,果然我第一次用大模整都無事喎!
    [版主回覆10/29/2009 19:09:00]我估我係中左咒詛........我用的是最靚的日本低粉, 靚蛋, 手勢純熟, 但係仲衰過我初學年代.........

    回覆刪除
  27. 不過見間條雪芳好軟綿呀, 好吃嘛.
    [版主回覆10/30/2009 07:34:00]冇縮那部份就很好, 縮了那部份就實左d了.......

    回覆刪除
  28.         何謂最靚日本低粉?         其實我都有 諗過,會唔會係因為個麵糊太輕身,佢唔係完全落到底貼住個模,一加熱就向上澎脹,所以攪到咁!
    [版主回覆10/31/2009 07:58:00]我用的係日清violet系列的薄力粉, 有時買bakingware house的高級低粉, 他們的麵粉比日清更靚.
    唔係完全落到底貼住個模........冇可能呢, 我的問題係蛋糕焗好後勁收縮, 扯到凹陷..........我已勁係170焗了30分, 再用190度焗10分鐘, 完全熟透, 但係一出爐就縮, 本來都正常, 但係縮到甩底.......
     
    係我換左呢個爐, 就不時出現.........是時候計劃換爐了.........不過他焗麵包又ok呢!

    回覆刪除
  29. 我的第一個戚風就是這樣, 因為中途關了底火. 以後做的個個底都平滑滿意. 所以, 您下次試下減少一個底盤, 應該會好啲.
     
    [版主回覆11/01/2009 10:41:00]謝謝, 因為凹陷的原因, 多數說是底火太猛, 所以我近幾次都做足預防措施, 不過試過好多次, 似乎呢個不是原因了, 我都要再練習吓了.

    回覆刪除
  30. 你又玩新野~~我的戚風又係越做越退步,第一次好地地,而家係升唔起,又唔爆,唔知點解
    [版主回覆11/02/2009 07:46:00]係呀, 玩吓新款有趣d. 點知...........
     
    升唔起........妳係咪做朱古力或者芝麻之類呢?

    回覆刪除
  31.         但我呢次用個 friend 個 KAI 模整就出事啦!
    [版主回覆11/02/2009 07:48:00]係!?!?, 係點情況呀???
    KAI的不粘或是鋁模呢? 呢樣對於我好切身呀!

    回覆刪除
  32. 原味嘅戚風都升唔起又唔爆呀~~
    [版主回覆11/02/2009 15:23:00]如果係原味, 就唔明白了, 多數係蛋白未打成..........要睇吓相至知道了.

    回覆刪除
  33.         當然係鋁模啦!
    [版主回覆11/03/2009 07:34:00]又係凹左? 抑或係點?

    回覆刪除
  34. Fatgarfield 肥加菲2009年11月3日 上午9:10

    This "marble" effect is so cute! But... really don't know why you're getting that problem again?...
    [版主回覆11/03/2009 21:54:00]真係幾靚呀, 可惜.........唔得, 我要解決它.

    回覆刪除
  35.         咪好似你個蛋糕咁凹 咗 囉!不過我個 班蘭雪芳 無你果個咁嚴重。
    [版主回覆11/04/2009 16:47:00]哎, 咁真係大件事, 請再試, 密切留意, 我都好想知, 究竟個模是不是原因............

    回覆刪除
  36.         但我個 friend 最近再整多一次 班蘭雪芳 又好成功喎,你都有回應佢 o架,記唔記得?我果個模就係佢借俾我囉!佢之前整 嚫都有凹 o架!
    [版主回覆11/05/2009 09:32:00]icic, 原來係sa姐, 整親都凹, 真係好冇癮喎.........唔係個模的問題吧, 係就暈得一陣陣.

    回覆刪除
  37. 你呢個問題都真係好頻密發生呢,我今日都整左戚風呢,不過如果用返普通模係唔係會塌返晒呢,因為上次我用普通模中間凹晒落去!!
    [版主回覆11/05/2009 09:37:00]如果做咖啡/ 檸檬......等等就多d發生囉.........普通模我好少做雪芳蛋糕, 因為中間會凹的, 不過廚房男做過就好平喎......

    回覆刪除
  38.         " 唔係個模的問題吧, 係就暈得一陣陣. "         如果確診 咗的話,咁就慘囉,個模咁鬼貴!

    回覆刪除