2009年9月24日 星期四

中秋誰與共月光

應該是第三年參與做月餅了, 還是在學的階段, 因為一年玩一兩次, 第二年就生疏了.


幸好老友董得找好料, 做出來的月餅真的很好吃......


要食譜, 看小三.



今年老友託人找到一個大廚房, 所以今年的月餅會空前盛大, 七八個人像個小形工廠般, 大量生產


 中秋月餅


可是陌生的爐用起來不就手, 焗出來的月餅有深有淺色........後來上Yves Kitchen買月餅餡才知, 她的爐也是同一類, 是用來烤菜烤肉的, 焗餅就不行了.


菊花


幸好大家"執生", 出來的成品都不錯, 係有d燶左d.


蓮蓉


 


 


雖然是膠模, 圖案漸漸都進步了, 希望越來越好啦, 木模我已棄用了, 雖然是很靚, 但不想敲到鋼檯都凹, 樓下又受罪.





做月餅, 怎可不嚐嚐外面的月餅, 找個藉口多吃, haha......近年多留意味道, 榮記, 老字號蓮記, 大集團美記, 都已不用人吃了. 連我一向不拘什麼味道的同事都說, 給了蓮記兩年機會, 今年不用了.


前-奇記 ; 中-自家 ; 後-恆記



一向只吃奇記, 算是最香的了, 但今年的迷你月餅連太太都說木木獨獨(沒味道沒香味), 恆記是一向不喜歡的, 白蓮蓉本身已不及黃蓮蓉香, 蓮記的更是又淋又不香,再吃一次, 果然, 餅未上夠色, 連黃也不行........自家製的真的香滑, 不是閉門造車.


朋友仔媽媽極力推介客家好棧的金腿月.......我鍾意呀, 可惜沒有一間方便去, 算了, 回娘家吃了個榮記......哇, 好難吃, 又淋又不香. 遲d買個奇記頂癮.........



秋天總令我想起一些舊事.


今年, 我表姐兩夫婦在中秋前移民, 她在大澳由童年看著我長大的, 長大後來往少了, 祝他們找到理想的新家園.


世事一場大夢        人生幾度秋涼       夜來楓葉已鳴廊      細看眉頭鬢上


酒賤常愁客少        月明多被雲妨       中秋誰與共月光...........


有太太, 家人, 老友..........還有月餅, yeah!


18 則留言:

  1. 嘩!個蛋黃好油閠呀.
    [版主回覆09/25/2009 08:53:00]眾姐妹經驗豐富呀! 睇吓有冇機會請個妳吃.

    回覆刪除
  2. 嘩! 嘩! 嘩!
    皮薄餡靚.
    香港的鹹蛋好油水啊.
    [版主回覆09/25/2009 08:55:00]哈哈, 算係啦........香港鹹蛋(都係祖國的)........好飄忽呀, 我買個一d, 4個只有一個得, 有一個幾乎等於冇醃過, 係普通鴨蛋黃......

    回覆刪除
  3. 恆記果個真係差d咁, 個黃同d蓮蓉分開嘅.
    [版主回覆09/25/2009 22:35:00]係, 由皮到餡, 都係唔香的, 蛋黃分離, 可能係蛋黃膜未去得清.

    回覆刪除
  4. 唔係喎,我去雜貨舖買了共幾個,個個都好得,惠x同百x買的咸蛋,色都唔同架。
    [版主回覆09/25/2009 22:39:00]嗯, 妳幫趁的雜貨舖太好了.

    回覆刪除
  5. 點解你唔整奶黃月餅?下年我想去學整奶黃月餅(yummy!).  預祝你moon秋節快樂!
    [版主回覆09/25/2009 22:41:00]多謝多謝, 我未有時間學奶黃呀, 所以做我最喜歡的廣式月餅, 總覺得一年吃一次最有氣氛.......
     
    祝妳中秋快樂!

    回覆刪除
  6. 我之前到訪時你原來未寫好文字未放完照片
    以你們玩玩下能做出水準之作. 街外買的還覺燶了似.
    睇嚟你都好鐘意食月餅噃.
    [版主回覆09/25/2009 22:45:00]我地都玩得好認真呀, 那天人人都好似行軍咁, 尤其小三姐兒倆烈日之下運送彈藥------21斤餡!!!!
     
    我好鍾意呀, 當年, 年輕身瘦, 我一個個的吃呀, 現在冇膽了.

    回覆刪除
  7. 睇勻成篇網誌的相片, 都係你地自家製d最靚最吸引呢! 我試食左美x果款, 甜到想C !
     
    [版主回覆09/25/2009 22:46:00]美記我好耐冇吃了, 只記得它的蛋黃, 不是漏油, 是流油, 我懷疑是不是浸過油.......好恐怖!!!

    回覆刪除
  8. Mee ...... MeeMoreMore2009年9月25日 下午3:00

    睇個樣都知好味啊
    [版主回覆09/25/2009 22:47:00]實際上真係好好味呀, 連我太太都係咁話!

    回覆刪除
  9. 好靚的月餅,皮薄餡靚~
    總共做有幾個呀?厲害!
    [版主回覆09/25/2009 22:58:00]我的手勢仲要改善呀!!! 我地用的皮料真係到左我技術的極限了......
    做了.....300個小月餅, 7個人.

    回覆刪除
  10. 好靚呀~見個個都整得咁開心,我今年也趁熱鬧,學整埋月餅,不過係自己自學廣式月餅。
    [版主回覆09/25/2009 23:01:00]妳都做得好靚呀!

    回覆刪除
  11. 我出街時都有望吓D月餅,就係見到奇華個D黑黝黝,上色勁差,
    有咁大個kitchen又真係幾好玩
    [版主回覆09/25/2009 23:05:00]我喜歡奇華呀, 上色充足, Maillard 褐化反應, 就係香味的來源了. 好似恆記, 色都未上足, 冇香味呢!

    回覆刪除
  12. A Moon 不单止是西饼高手,月饼也媲美市更产品。
    你的月饼外表比币售的漂亮多了。。。。
     
    [版主回覆09/25/2009 23:08:00]hehe, 我們係合力創作的, 我的手勢在幾個朋友中不算太好呢, 講做形和烤焗呢, 街買的好d, 人家是大師傅嘛, 不過講到料呢, 我地d就好靚了.

    回覆刪除
  13. 21斤餡!!!!!!!!!!
    小三及她的姐妹要做superwomen啊
    我浸了一磅蓮子, 又洗又攪伴. 淨係翻炒都差不多兩個鐘
    [版主回覆09/27/2009 00:07:00]更正, 是26斤餡, 因為另有5斤是姐妹自製呢!!!
     
    剷蓮用, 真係好大功夫, 但係我都想試玩吓, 練大隻

    回覆刪除
  14. 果然 "A Moon" Cake 好吸引 ! 做得很好 !  
    [版主回覆09/27/2009 00:08:00]是大家合力的成果, 我只係幫工咋.....

    回覆刪除
  15. (Empty)
    [版主回覆09/27/2009 00:09:00]我都係喜歡吃傳統月餅, 不過酥皮都唔錯, 不過唔識弄了.

    回覆刪除
  16. 個個都忙著整月餅 好心咁呀!!
    我都整左 回緊油丫
    我想問圖中是否你家的廚房? 很大啊!!!!!!
    [版主回覆09/29/2009 07:55:00]當然唔係啦, 係就發達了, 係朋友託人book的.
     
    回好油就post出來啦.

    回覆刪除
  17. 好pro呀! d蓮蓉好似好滑咁
    [版主回覆09/29/2009 07:56:00]仍是業餘玩吓咋, 蓮蓉在榮發買, 好靚呀!

    回覆刪除
  18. wow.!!! very nice mooncake!!! i want some!!!!!! too bad i don't know how to make them!!
    [版主回覆09/29/2009 07:56:00]去小三處看食譜啦, 不過買都靚料就不易了........

    回覆刪除