應該是第三年參與做月餅了, 還是在學的階段, 因為一年玩一兩次, 第二年就生疏了.
幸好老友董得找好料, 做出來的月餅真的很好吃......
要食譜, 看小三.

今年老友託人找到一個大廚房, 所以今年的月餅會空前盛大, 七八個人像個小形工廠般, 大量生產

可是陌生的爐用起來不就手, 焗出來的月餅有深有淺色........後來上Yves Kitchen買月餅餡才知, 她的爐也是同一類, 是用來烤菜烤肉的, 焗餅就不行了.

幸好大家"執生", 出來的成品都不錯, 係有d燶左d.





雖然是膠模, 圖案漸漸都進步了, 希望越來越好啦, 木模我已棄用了, 雖然是很靚, 但不想敲到鋼檯都凹, 樓下又受罪.



做月餅, 怎可不嚐嚐外面的月餅, 找個藉口多吃, haha......近年多留意味道, 榮記, 老字號蓮記, 大集團美記, 都已不用人吃了. 連我一向不拘什麼味道的同事都說, 給了蓮記兩年機會, 今年不用了.
前-奇記 ; 中-自家 ; 後-恆記

一向只吃奇記, 算是最香的了, 但今年的迷你月餅連太太都說木木獨獨(沒味道沒香味), 恆記是一向不喜歡的, 白蓮蓉本身已不及黃蓮蓉香, 蓮記的更是又淋又不香,再吃一次, 果然, 餅未上夠色, 連黃也不行........自家製的真的香滑, 不是閉門造車.
朋友仔媽媽極力推介客家好棧的金腿月.......我鍾意呀, 可惜沒有一間方便去, 算了, 回娘家吃了個榮記......哇, 好難吃, 又淋又不香. 遲d買個奇記頂癮.........

秋天總令我想起一些舊事.
今年, 我表姐兩夫婦在中秋前移民, 她在大澳由童年看著我長大的, 長大後來往少了, 祝他們找到理想的新家園.
世事一場大夢 人生幾度秋涼 夜來楓葉已鳴廊 細看眉頭鬢上
酒賤常愁客少 月明多被雲妨 中秋誰與共月光...........
有太太, 家人, 老友..........還有月餅, yeah!
嘩!個蛋黃好油閠呀.
回覆刪除[版主回覆09/25/2009 08:53:00]眾姐妹經驗豐富呀! 睇吓有冇機會請個妳吃.
嘩! 嘩! 嘩!
回覆刪除皮薄餡靚.
香港的鹹蛋好油水啊.
[版主回覆09/25/2009 08:55:00]哈哈, 算係啦........香港鹹蛋(都係祖國的)........好飄忽呀, 我買個一d, 4個只有一個得, 有一個幾乎等於冇醃過, 係普通鴨蛋黃......
恆記果個真係差d咁, 個黃同d蓮蓉分開嘅.
回覆刪除[版主回覆09/25/2009 22:35:00]係, 由皮到餡, 都係唔香的, 蛋黃分離, 可能係蛋黃膜未去得清.
唔係喎,我去雜貨舖買了共幾個,個個都好得,惠x同百x買的咸蛋,色都唔同架。
回覆刪除[版主回覆09/25/2009 22:39:00]嗯, 妳幫趁的雜貨舖太好了.
點解你唔整奶黃月餅?下年我想去學整奶黃月餅(yummy!). 預祝你moon秋節快樂!
回覆刪除[版主回覆09/25/2009 22:41:00]多謝多謝, 我未有時間學奶黃呀, 所以做我最喜歡的廣式月餅, 總覺得一年吃一次最有氣氛.......
祝妳中秋快樂!
我之前到訪時你原來未寫好文字未放完照片
回覆刪除以你們玩玩下能做出水準之作. 街外買的還覺燶了似.
睇嚟你都好鐘意食月餅噃.
[版主回覆09/25/2009 22:45:00]我地都玩得好認真呀, 那天人人都好似行軍咁, 尤其小三姐兒倆烈日之下運送彈藥------21斤餡!!!!
我好鍾意呀, 當年, 年輕身瘦, 我一個個的吃呀, 現在冇膽了.
睇勻成篇網誌的相片, 都係你地自家製d最靚最吸引呢! 我試食左美x果款, 甜到想C !
回覆刪除[版主回覆09/25/2009 22:46:00]美記我好耐冇吃了, 只記得它的蛋黃, 不是漏油, 是流油, 我懷疑是不是浸過油.......好恐怖!!!
睇個樣都知好味啊
回覆刪除[版主回覆09/25/2009 22:47:00]實際上真係好好味呀, 連我太太都係咁話!
好靚的月餅,皮薄餡靚~
回覆刪除總共做有幾個呀?厲害!
[版主回覆09/25/2009 22:58:00]我的手勢仲要改善呀!!! 我地用的皮料真係到左我技術的極限了......
做了.....300個小月餅, 7個人.
好靚呀~見個個都整得咁開心,我今年也趁熱鬧,學整埋月餅,不過係自己自學廣式月餅。
回覆刪除[版主回覆09/25/2009 23:01:00]妳都做得好靚呀!
我出街時都有望吓D月餅,就係見到奇華個D黑黝黝,上色勁差,
回覆刪除有咁大個kitchen又真係幾好玩
[版主回覆09/25/2009 23:05:00]我喜歡奇華呀, 上色充足, Maillard 褐化反應, 就係香味的來源了. 好似恆記, 色都未上足, 冇香味呢!
A Moon 不单止是西饼高手,月饼也媲美市更产品。
回覆刪除你的月饼外表比币售的漂亮多了。。。。
[版主回覆09/25/2009 23:08:00]hehe, 我們係合力創作的, 我的手勢在幾個朋友中不算太好呢, 講做形和烤焗呢, 街買的好d, 人家是大師傅嘛, 不過講到料呢, 我地d就好靚了.
21斤餡!!!!!!!!!!
回覆刪除小三及她的姐妹要做superwomen啊
我浸了一磅蓮子, 又洗又攪伴. 淨係翻炒都差不多兩個鐘
[版主回覆09/27/2009 00:07:00]更正, 是26斤餡, 因為另有5斤是姐妹自製呢!!!
剷蓮用, 真係好大功夫, 但係我都想試玩吓, 練大隻
果然 "A Moon" Cake 好吸引 ! 做得很好 !
回覆刪除[版主回覆09/27/2009 00:08:00]是大家合力的成果, 我只係幫工咋.....
(Empty)
回覆刪除[版主回覆09/27/2009 00:09:00]我都係喜歡吃傳統月餅, 不過酥皮都唔錯, 不過唔識弄了.
個個都忙著整月餅 好心咁呀!!
回覆刪除我都整左 回緊油丫
我想問圖中是否你家的廚房? 很大啊!!!!!!
[版主回覆09/29/2009 07:55:00]當然唔係啦, 係就發達了, 係朋友託人book的.
回好油就post出來啦.
好pro呀! d蓮蓉好似好滑咁
回覆刪除[版主回覆09/29/2009 07:56:00]仍是業餘玩吓咋, 蓮蓉在榮發買, 好靚呀!
wow.!!! very nice mooncake!!! i want some!!!!!! too bad i don't know how to make them!!
回覆刪除[版主回覆09/29/2009 07:56:00]去小三處看食譜啦, 不過買都靚料就不易了........