這是眾多製作中我最喜愛的指定產品 ：全黃 黃蓮蓉 二兩半
切開月餅, 見夜空中一輪明月, 太正了!! 一定要夠油水才滑, 上夠色才香, 飯後來一邊, 肥死算了!
今年, 市面上多了很多舊式燈籠, 大坑和鵝頸橋的金魚, 兔仔, 楊桃........好靚呀! 總勝於超人, 比卡超, 哈佬吉蒂塑膠貨式, 沒的把小朋友騙得以為那就是燈籠.
本來想買一個大金魚到下面公園玩蠟燭, 哈哈, 仲細咩!!! 這個楊桃, 有皺紙和玻璃膠紙版, 好精美, 是用竹篾做的, 事頭婆說是自己店子裏做的, 好, 買些來應應節!
要食譜, 看小三.
今年Yves Kitchen 出產自製餡料, 椰香溫室南瓜, 日本蕃薯配北海道牛奶, 自家製白蓮蓉, 蓮子是由泰國託人運來的........
包裝和和各種細節都很有心思, 這張封面紙, 很有和果子的風味但卻是中國風的.......
正思量怎去分辨月餅是那種餡料, 原來有專用的貼紙, 實在愛不釋手, 哎, 可惜我不儲貼紙.......這些細緻之處, 是花了不少心思
月餅是走健康路線, 我都係喜歡吃不健康的, 看看我可否複製成功? hehe.
焗吓月餅, 有得玩, 又有得吃.......
是非成敗轉頭空 青山依舊在 幾度夕陽紅
一方月餅喜相逢 世間多少事 都付笑談中
四圍都係月餅, 我家就早已吃掉美記一盒雙黃, 有七個黃入了我肚 一齊做月餅很開心呢. 在那兒借得如此大廚房?? 廚房大, 爐大, 人多好辦事. 你今次大製作, 分了多少回家??? 既然有自家製月餅, 為何還要買街外的頂癮??? 我現在不是做月餅, 只是做包包, 家中還有一盒朋友送的單黃, 可以過節了
回覆刪除[版主回覆09/28/2009 07:40:00]幸好今年娘家都不是太多月餅, 可能大家都不想浪費和吃得太多, 都好的. DIY就冇咁滯銷了.
我地今次有friend book到一間私人會所的烹飪室, 所以好寬敞, 可以多d人一起玩呢, 我分少少夠了, 10多個啦, 街外的月餅我都會買來, 觀摩一下, 咁至有進步呢!
全黃蓮蓉月正呀!
回覆刪除[版主回覆09/28/2009 07:40:00]中秋嘛, 一定要全黃的呢!
我都好喜歡那幾句: 是非成敗轉頭空, 青山依舊在, 幾度夕陽紅.
回覆刪除我跟ph一樣, 有朋友送了一盒(四個), 四黄白蓮蓉(朋友特別訂做知道我鐘意四黄的). 師傅是從年青時學師就做月餅, 現在退休移民在這裡業餘做月餅的. 我昨晚試了一角, 真的很有水準. 非常好吃(我還要自己做嗎?)
[版主回覆09/28/2009 07:47:00]一盒月餅, 都夠晒了, 4黃!!! 我都好耐冇食過呀! moon嫂就一定喜歡了. 妳那邊吃中國食物都有水準呀!
世間太多爭名奪利, 是是非非的, 我好怕應付這些, 但係有時都不免煩到, 這幾句令人輕鬆起來.
應正了∶月是故鄉圓。月餅裏的月亮圓又圓~
回覆刪除多糖多油的月餅，正好多！令我不得不低頭，下年我知怎麽辦了，一于糖糖糖、油油油，將膽固醇抛開九千里外......實行暫時性失意~
[版主回覆09/28/2009 07:50:00]我地呢度好多現成的材料買, 不過都有好有差的呀! 要有熟人指點呢.
算啦, 一年一次, 放肆一下啦!
好正 ! 流口水中
回覆刪除[版主回覆09/28/2009 07:51:00]hehe, 中秋節快樂呀!
嘩, 好靚
回覆刪除[版主回覆09/28/2009 07:53:00]都係業餘水準咋, 比起專業的, 我地仲差d. 不過料就好靚.;
嘩！超靚。會唔會唔捨得食呀？ 等我幫下你啦.....
回覆刪除[版主回覆09/29/2009 07:49:00]我已分晒喇.......hehe
以為你今年不做亞茂呢。未到中秋，我家已吃了兩合雙黃啦，都係飯后心思思時.......如你所說肥死算了! 現正想著要不要買第三合。
回覆刪除[版主回覆09/29/2009 07:51:00]做月餅好好玩呀! 所以一年有機會都會玩吓, 但係要有老友幫手至得.
紙扎金魚同桃燈籠真係好靚， 兩年前係上環買過! 最怕啲會發聲嘅塑膠燈籠， 啲音樂難聽又嘈死人!
回覆刪除[版主回覆09/29/2009 21:14:00]係呀, 傳統的燈籠好靚呀, 那些什麼塑膠超人 , 簡直是騙細路的低俗玩意.