兩個老友約埋我倆夫婦, 去試新地方, 這裏是大學站的沙田凱悅咖啡廳.......
上次去過中菜廳飲茶, 未如理想, 呢處......又幾好喎!
頭盤......哇, d包包好靚呀! baguette, ciabatta......竟有一個大大辮子包, 應該係4辮........
老實不客氣, 拿出來切, 侍者說 : 先生, 等我幫你. (我心想 : 我就係想親自切呀, 我係包癡, 切包好拿手)
再望, 嘩, 好靚pumpernickel, 又要一片, 老友說, 點解似隔夜麵包硬硬的, 不明我怎麼吃得眯起眼睛十分欣賞.......三款牛油 : 原味, 羅勒, 蕃茄.......雖然怕牛油, 但好吸引, 肥死再算.......
芝士........一片好似係brie, 一片好似係mild cheddar, 好食好食, 肥死罷就.
冷盤是章魚, 三文魚, 吞拿魚, 間八.......新鮮魚生一定吃啦!!!!
很少吃啖啖肉, 但係這裡的扒部用料好靚呀, 而且是即烤的, 要了一個小漢堡, 一段牛肉腸, 一段豬肉腸, 回味一下歐洲餐........這裏的扒好吃好多, 連Pompery芥末也有三種, 我選了最常見的粒粒酸芥子.
中點部, 燒賣.......ok啦, 果然飲茶麻麻.....
但係呢個叉燒非常好味, 是"三粒的"肥瘦相間, 好好好味呀!!!!!
甜品都不錯, 呢個tiramisu很正宗呀! 軟patpat的, 加了杏仁酒amaretto, 好好食呀! 微型馬令檸檬撻, 太細了, 不夠甜到開眼......
鮮果pancake......好飽了
呢個桃酥, 桃味就不太濃, 但d酥皮好靚呀!!
最後來個雪糕, 我說要熱情果雪葩, 侍者哥哥說等我弄好給你........這個是了..........可是我吃來吃去, 都是菠蘿味.......哥仔, 你吃過熱情果未呢???
我已沒肚子吃即烤pizza了, 食物質素好, 吃吃談談又一個週末, 實在他條, 謝謝呀老友.
睇嚟好正wor, 尤其個Tiramisu!
回覆刪除睇到我好肚餓添!
[版主回覆09/19/2009 07:58:00]d食物幾高質素的, 個tiramisu係我在香港吃個最好吃的呢!
Lunch buffet 好多嘢食, 咁豐富食得落嗎? 見到食物都好新鮮. 傾傾講講, 好寫意.
回覆刪除[版主回覆09/19/2009 07:59:00]簡直飽到上心口, 妳知我細食咖啦, 但樣樣都想試吓........hehe
moon哥, 忘了請教你. 最近yahoo blog不讓我連貫的回覆回應, 我要到另一篇網誌再返回才可以再回覆又再去另一篇再返回..............
回覆刪除你有這個問題嗎?
[版主回覆09/19/2009 08:01:00]我冇這個問題呀, 相信又係yahoo!個server死死吓, 要慢幾拍才有反應.........yahoo!又作死了!
好多美食播, 食buffet就有這個好處, 各適其適(有白字?), 緊有一些啱食. baguettes 介口吾多靚播, 刀吾夠利?? 有点拖泥帶水之嫌啊!
回覆刪除[版主回覆09/20/2009 00:48:00]呢處選擇款式ok啦, 不過食物質素好好, 尤其西餐的烤肉, 我未見過咁多款.
baguette介口的刀.........要問亞chef了 ........不過它介的手法好正宗, 係斜刀, 妳見到一邊趬起焦晒, 一邊平d, 好難介得好的呀, 我一次都未成功過. diy餅友中也少見呀!
想請教一下點切吐司會平均ｄ呢?
回覆刪除[版主回覆09/20/2009 00:49:00]買一把好的麵包刀, 或這蛋糕刀(土司較軟, 蛋糕刀更好)
這是tea buffet ?
回覆刪除[版主回覆09/20/2009 00:49:00]係lunch呢, tea buffet都有, 不過食物就再少d.
食物都 OK 喎！不過點解塊 pumpernikel 咁似 喺 A1 買返 嚟 嘅？唔識食 嘅人真係會覺得我 哋好奇怪，點解食隔夜麵包都食得咁開心！ 我有次介紹個 blog 友去 pumpernickel 度買 pumpernickel 食，佢 嘅 feedback 係 "超級難食" ！！
回覆刪除[版主回覆09/20/2009 00:41:00]
又唔可以咁講.........其實幾年前我不是包迷, 我也很怕吃這塊黑麻麻, 死實實, 又乾又散, 又有少少苦的包的. 不過自從多留意, 才漸漸了解多左和嘗試欣賞死實實的包.
pumpernickel之所以值得欣賞, 是傳統的德國黑麥包, 是要在低溫下蒸汽烤焗24小時, 令裸麥中的醣類和蛋白質焦化, 變黑和過程中有很多極複雜的芳香物質.......
不過, 好的pumpernickel真係死死實實的, A-1的只是加了黑麥精的, 和太鬆, 完全不同."pumpernickel"的也不像樣, 太鬆軟了. 呢個正宗好多,
這種麵包, 是用來配煙薰魚甚至魚子醬, 我就喜歡用來送芝士, 你朋友如果不是包迷, 點會唔投訴丫!
老實說, 我那天眯起眼吃了很久, 也分不出他是不是傳統的, 只知它不是美式pumpernickel, 加黑糖膠和可可粉.......和港式麥包加黑水, 都是假的pumpernickel.
那裡吃到正宗黑麥??, citysuper有一些包好在芝士檔的, 我估那是正宗, 不過好貴, 和好少見.
我朋友食過都覺得很多野食, 食品也不錯的, 但 lunch buffet 都好似要三百幾。 相片拍得很吸引 。
回覆刪除[版主回覆09/20/2009 00:52:00]係呀, 加埋一要$300呀, 不過只從上次同樣價錢吃了個庵列, 半件蛋糕一杯茶, 今次好開懷好多
300貴咗d bor
回覆刪除[版主回覆09/20/2009 09:31:00]我都鄧我的friend肉赤呀!......香港的物價係越來越貴, 好在香港亦有d好平的東西吃.
之前剛剛開張(好似六月份)去食過一次lunch buffet， 食物都幾精緻， 幾高質素 。 加埋一好似係$200左右， 乜加咗咁多價喇 。
回覆刪除[版主回覆09/21/2009 07:32:00]那時可能係做緊promotion, 但係d優惠漸漸收番了.
但係佢嘅dinner buffet惡評如潮，原本打算去試吓，最後都無去。唔知現時有無改善呢？
回覆刪除[版主回覆09/21/2009 07:34:00]Oh! 咁下次如果吃dinner buffe, 要打聽清楚先.
你首輪就食包先, 果然包癡! 最後係咪都由侍應幫你切包~
回覆刪除個桃酥既皮真係幾靚, 個餡都好多wor~~
[版主回覆09/21/2009 07:35:00]haha, 係呀, 個侍應都係咁好service, 咁我當然給他服務一下啦.
禾鍾意包同腸仔啊€~~~~
回覆刪除[版主回覆09/21/2009 16:41:00]兩樣都好靚!
你令我相信.......你真係好細食~
回覆刪除去食buffet仲食咁多包？咪冇肚位食其他東西了？
[版主回覆09/22/2009 20:01:00]信了吧! 我平日就算吃自助餐, 吃得更少, 一碟起, 兩碟止, 跟住就甜品........蝕大本呀! 今次算吃得多了, 飽到上心口.........可是我係包精, 一定要吃靚包, 餐廳老細見到我就笑到收唔到聲~
實在太吸引呀
回覆刪除[版主回覆09/23/2009 07:24:00]唔錯呀!
包痴?我都係，每日都要食過麵包，不過無你咁識食! 呢度buffet真係咁正?
回覆刪除[版主回覆09/25/2009 08:42:00]我都係食吓食吓至知呀!
呢個buffet幾好, 不過又幾貴呢.
點解你可以影相嘅! 早幾個月 (好似係 3月) 去食 dinner buffer, 唔俾影相, 又無嘢食, 又唔平... 2條友用 8舊水, 都唔知食咗 d 咩嘢出黎......
回覆刪除[版主回覆09/27/2009 00:04:00]阻止拍照是非常小家的商戶, 尤其是我拍自己叫的食物, 如果是這樣, 我一定永不錄用, 他們都有阻止我拍公家食物呀, 我只有極速拍攝, 大部份都是拍自己的.
dinner我不會試了, 要吃得好, 又合理, 一定要吃lunch.
上次, 我坐響位, 佢唔俾我影天花 d 裝飾 or 燈 (太耐唔記得)... 我自己碟嘢, 見我影咗一碟, 第二碟又話唔俾我影... 佢話除非張相係影人, 否則唔影得! 唔影裝修擺設唔緊要, 點解我自己隻碟都唔俾影.... 我去 bangkok pullman 同埋 三亞 pullman, 行出去, 影埋 buffet 檯都無人制止我呀! 仲要, 我聽朋友講試業期間, 響 cu 番工嘅人, 只需要俾百幾蚊就食到, 我俾 3百幾正價, 但係相就影唔到, 激死我!
回覆刪除[版主回覆09/29/2009 08:06:00]咁呢間餐廳我唔會去吃dinner了, 冇癮呀!
聽你咁講，睇 嚟你好 似都識整 pumpernickel 喎！ 我 喺將軍澳間 Taste 見到有好多抽真空包裝麵包賣，有太陽花籽、pumpernickel、rye、wholemeal…… 都係賣好貴，無記錯好似成三、四十蚊得幾片，唔知係咪就係你講果隻呢？
回覆刪除[版主回覆09/29/2009 08:05:00]我唔識呀, d知識都係來自wikipedia啫, 不過我好奇點解麵包可以咁黑, 以前以為是d麥, 近來才知不是.
應該係呢種了.