2009年9月17日 星期四

大小事在歐洲

你們知道全世界最好的公用洗手間服務, 是在那個國家? 又乾淨, 又先進, 數量多, 私隱度好, 又免費.......當然係日本啦!


澳紐加拿大的公用洗手間, 也很乾淨, 空間很大, 私隱度很好, 又免費, 唯一是數量很少, 他們預算只會有三幾個人同一時間使用, 再多就排長龍了.


香港, 好好歹歹都是免費的.


歐洲的.......很不習慣的是要付款, 總是有一個好惡的嬸嬸(甚至叔叔), 守在門口, 甚至穿梭於男界女界, 務求令你一定要交出EUR $0.5-$1.0.........否則你休想安寧!


這是克羅地亞的入境關卡, 趁沒人, 拍一幅.



無論是旅遊地點, 博物館, 最離譜是我幫趁的餐廳, 都無一倖免, 反而有部份的酒店和麥記的是免費.


不是hk$5-$10的問題, 旅遊嘛, 唔爭在, 但有人監視總很不舒暢, 尤其是沒零錢的時候, 拿一張euro$50給他找.........試過一年在瑞士一個小城, 太太付了euro$1 for兩個人, 她行左, 我行右, 嬸嬸一把扯住我手臂, 說我未比錢, 真有點被非禮的感覺, 要高聲叫太太來澄清.


下面這幅照片, 我拚了小命拍的, 別看嬸嬸笑容滿面, 可凶呢!



一位團友在薩爾斯堡, 太太在隔壁呼救 : 冇散錢呀, 他走去相救, 嬸嬸見他匆匆忙忙走出去, 誤會他上霸王廁, 當眾喝罵他.........我說, 既然給罵了, 打和了, 索性免費一次, 他說 : 都係唔好了........我明的.


我相信這幫會在歐洲勢力很大.........: p



去柏林的Pergamont Museum, 導賞員指著羅馬帝國 開國王帝奧古士都(Gaius Julius Caesar Augustus)的雕像說 : 妳們今天在歐洲去廁所要繳費, 就要多得這個仁兄了.


我很後悔當時沒有追問她原因呀!! 各位, 你們知道嗎?



8 則留言:

  1. 嬸嬸笑容滿面,可凶呢! 好有可能係種族歧視!!!好多老一輩的歐裔都係如此,都會裝出假笑臉~ 不怪!不怪!
    [版主回覆09/17/2009 22:05:00]我冇想過歧不歧視呀, 話之佢啦, 不過比人"目及"住, 真係唔舒暢呢! 每次去之前又要睇吓夠唔夠銀仔........

    回覆刪除
  2. 真的好麻煩喎 ! 次次都要帶錢先有得去廁所。不過我覺得都好過大陸,大陸的廁所又要錢又烏遭 ! 上年一月去北京長城, 以為攪奧運會D廁所會攪好D, 點知廁所無水沖, 門口又只有一盆水洗手, 男男女女去完廁所便插隻手落去那盆水裡去洗手, 我寧願拿著外面下著的白雪上擦幾下手算數 !   
    [版主回覆09/18/2009 08:02:00]一個國家的公共洗手間, 正正係反映那個地方的人民生活水平呢.........內地還要好久才達到整體小康水平.........香港都係僅僅啦, 大商場大餐廳就好, 但到了公共地方就未得, 尤其係使用者的公德心.

    回覆刪除
  3. 住慣加拿大真係好唔慣啲咁嘅制度. 好像去年聖誕古巴行也是這樣, 因沒有心理準備下也是沒有散銀. 而最不便的是內裡沒有洗手紙. 還好在Resort內沒有這個問題.
    [版主回覆09/18/2009 23:19:00]係呀, 感覺不是太良好, 同埋歐洲都係富裕地方嘛!

    回覆刪除
  4. 其實俾咗錢可以有個安全舒適又清潔嘅洗手間用都唔錯呀, 不過就要袋住好多零錢 。 
    [版主回覆09/18/2009 23:23:00]不過我在很多國家, 免費都有安全舒適乾淨的洗手間噃.........
     
    其實成日都有人監視住, 周身唔聚材, 更有兩間廁所, 係男人收錢, 他們會在女廁走來走去清潔呢!......

    回覆刪除
  5. 噢!地利 Oh!tria2009年9月18日 晚上9:06

     
    路過 say Hi
    [版主回覆09/18/2009 23:24:00]Hi.
     
    我的經歷, 係歐洲普遍情況嗎?

    回覆刪除
  6. 係一個汽車中途站的food shop, 我遇過一個更加可惡的女人呀, 佢有部收錢機, 收左錢會有張票出的, 個女人示意不用拎張票, 後來有團友發覺張票有voucher呢個字(其他字就唔識睇),  通知入過錢的團友, 但係果個女人已經走人了, 成掤人都搵唔到佢. 我就見張票咁靚, 好似歐元咁有一條銀嘅線, 冇聽佢講拎番, 一心留嚟紀念. 原來呢張票可以用嚟買野....我地成團40人去廁所嘅都唔少呢!
    [版主回覆09/24/2009 07:39:00]咁貪心? 唔知係邊個國家的人呢? 比廁所費都有收銀機, 仲有voucher.........我都未見過呀! 廁幫越來越系統化了.

    回覆刪除
  7. 係奧地利呀, 個售票機成條園柱咁, 好靚好新淨架, 可惜唔夠碎銀, 用左嚟買水飲.
    [版主回覆09/25/2009 08:47:00]icic, 奧地利現代化廁幫.......

    回覆刪除
  8. 大多數厠所要收錢,但係如果要免費都有,我今次去東歐10天,都未付過1仙去廁所。如麥當奴,星巴加啡,中國餐館,柏林KaDeWe等。
    [版主回覆11/05/2009 09:28:00]係, 不過就要找lor, 有時唔就腳呀! 算啦, 都係日本澳紐好好多.

    回覆刪除