2009年5月26日 星期二

芝芝芝麻雪芳蛋糕(附材料)

星期日, 雖然很疲倦, 但每天的早起總令我假期睡不久, 一早醒來, 做什麼好? 其實真的什麼也不想做, 無意識的打電視, 然後關掉腦袋發呆..........


不過不知不覺, 又走進廚房, 打開雪櫃看看, 秤秤材料, 做一個簡單的雪芳蛋糕.



3黃 130g白, 65g糖, 35g九鬼麻油, 50g水, 60g低粉, 30g芝麻粉, 10g白芝麻焗香........


從前覺得二記的黑芝麻粉已很香, 但今天一拌, 好像不太滿意, 九鬼麻油是冷榨的, 不太濃香, 於是又加了一湯匙九鬼黑芝麻醬........


 



加了這麼多麻, 麻, 麻, 雪芳蛋糕變得矮矮的, 下次要多加水了........



很多芝麻粉和粒粒芝麻, 味道是夠的, 只是不夠滑呢.


做好了功夫, 下午蒙頭大睡了.


17 則留言:

  1. 係波~ 肉質粗佐dd播!如果蛋糕香濃的話,應該都好食咖!
    [版主回覆05/26/2009 17:09:00]太多芝麻粉, 和芝麻粒了, 不過粗粗的口感都幾好吃的.

    回覆刪除
  2. 哈........可能黑胡麻太粗,變成不夠滑.....
    [版主回覆05/26/2009 17:11:00]係呀, 呢隻芝麻粉算幼細了, 有時用其他的, 仲粗呀, 如果想幼滑呢, 單用九鬼芝麻醬丫.

    回覆刪除
  3. 芝麻味一定香到暈啦!
    [版主回覆05/26/2009 17:12:00]好重芝麻味呀, 不過如果不用芝麻粉, 全加九鬼, 仲香呀!

    回覆刪除
  4. 我近排移情別戀, 愛上其他甜品, 戚風比我打左入冷宮
    [版主回覆05/26/2009 17:08:00]近期妳d各款甜品好正呀!!!
     
    唉, 我近排好多公私事, 冇乜心機試甜品, 整整吓又係雪芳蛋糕, 只有它最o岩做早餐.

    回覆刪除
  5. 都係佢...令你靈魂返黎~~~
    [版主回覆05/26/2009 17:18:00]始終是他最親切, 所以不怕悶.

    回覆刪除
  6. 真係變左矮仔左喎?!
    [版主回覆05/26/2009 17:19:00]芝麻係好蝦人的, 勁收縮, 加上我加了料, 麵糊好杰, 都ok, 不像雪芳蛋糕, 像普通海綿

    回覆刪除
  7. 你下手0甘重,亞芳唔矮都唔得啦!
    除了不夠滑,味道如何?
    [版主回覆05/27/2009 07:40:00]味道好夠香, 仲有粒粒趙吓照吓, 都不錯的.

    回覆刪除
  8. 哗!芝麻芳妹....落0甘多芝麻,劲香
    我到今时今日都没揾到九鬼黑芝麻醬
    [版主回覆05/27/2009 07:40:00]哎, 看來它只在香港和加拿大有外銷boh.........

    回覆刪除
  9. 你隻碟好襯色喎 !
    上次我用全九鬼做雪芳, 一路攪一路覺得好香、好香 ...
    [版主回覆05/27/2009 07:42:00]九鬼黑麻醬好香, 白麻醬也不遜色, 絕代雙驕呀!

    回覆刪除
  10. Fatgarfield 肥加菲2009年5月27日 中午12:43

    Your prepared your breakfast for the upcoming week!
    [版主回覆05/28/2009 10:24:00]Yes ar!!! 3 days' breakfast was finished!

    回覆刪除
  11. 我都買左芝麻醬唸住整喎
    [版主回覆05/28/2009 10:25:00]正呀, 好香的呀!!!

    回覆刪除
  12. 你好似有成個月無整過雪芳喇~ 今日終於出山喇 ,記得我家的兩樽9鬼黑白芝蔴醬都係Moon哥你嘅好介紹呢
    [版主回覆05/28/2009 10:27:00]係呀, 呢排我公事和私事都忙呢, 加埋不少ot呢!.......唉
    九鬼係好野來呀!

    回覆刪除
  13. 幾時無聊咁走進廚房整過我食呀 ?
    [版主回覆05/28/2009 10:50:00]有緣相見, 我就無聊一下啦.........話時話, 我都好喜歡無聊的感覺!!!

    回覆刪除
  14. Moon 哥, 我响多倫多重未揾到九鬼噃. Phlee果樽唔知係咪sample嚟呢
    我近排也沒有做雪芳呀.
     
    [版主回覆05/28/2009 23:51:00]咦? 多倫多好大城市喎, 照計不少日本嘢賣呀, 妳那裡有八百伴或者日本超市嗎?
     
    ph那隻應該是由日本入口當地包裝吧, 有個金印字樣的......
    http://hk.myblog.yahoo.com/phlee0998/article?mid=3987
     
    香港買的是日本原裝的, 我記得唔知邊處有膠袋裝添.......

    回覆刪除
  15. 我仲係提唔起勁去做雪芳啊……點算﹗今年記得搵我做月餅呀!
    [版主回覆05/29/2009 10:46:00]抖吓先啦, 抖夠至玩吓啦, 今年, 叫三姐姐預留時間開壇啦........咁快講定中秋? 端午節剛過咋喎

    回覆刪除
  16. 九鬼芝麻醬真的很香呢, 我剛用了它來做包, 等我下次都用來做個戚風先。
    [版主回覆06/01/2009 14:46:00]我都剛用它做了個芝麻卷包包喎, 幾ok呀!

    回覆刪除
  17. 等一次留言,我都鍾意整雪芳,又係二記芝麻粉,整咗一次加咗少許芝麻油,但覺得油膩咗d,好似食緊公仔麵蛋糕咁。下次試九鬼芝麻醬又睇下點先。
    [版主回覆06/06/2009 07:31:00]妳好呀! 妳的芝雪好靚呀.
     
    芝麻雪芳是濃味的, 30g麻油ok呀, 其他雪芳都會落35g-40g植物油, 好的植物油是對身體有益的
     
    下了九鬼, 仍是要下油的呀.......如怕麻油丁麵, 可改下一半粟米油, 芥花子油, 葵花子油, 米糠油, 我以前用葡萄子油, 不過看了一本分析油類的書, 原來每種植物油都有優點缺點. 所以無需要了.
     
     

    回覆刪除