星期日, 雖然很疲倦, 但每天的早起總令我假期睡不久, 一早醒來, 做什麼好? 其實真的什麼也不想做, 無意識的打電視, 然後關掉腦袋發呆..........
不過不知不覺, 又走進廚房, 打開雪櫃看看, 秤秤材料, 做一個簡單的雪芳蛋糕.
3黃 130g白, 65g糖, 35g九鬼麻油, 50g水, 60g低粉, 30g芝麻粉, 10g白芝麻焗香........
從前覺得二記的黑芝麻粉已很香, 但今天一拌, 好像不太滿意, 九鬼麻油是冷榨的, 不太濃香, 於是又加了一湯匙九鬼黑芝麻醬........
加了這麼多麻, 麻, 麻, 雪芳蛋糕變得矮矮的, 下次要多加水了........
很多芝麻粉和粒粒芝麻, 味道是夠的, 只是不夠滑呢.
做好了功夫, 下午蒙頭大睡了.
係波~ 肉質粗佐dd播！如果蛋糕香濃的話，應該都好食咖！
回覆刪除[版主回覆05/26/2009 17:09:00]太多芝麻粉, 和芝麻粒了, 不過粗粗的口感都幾好吃的.
哈........可能黑胡麻太粗,變成不夠滑.....
回覆刪除[版主回覆05/26/2009 17:11:00]係呀, 呢隻芝麻粉算幼細了, 有時用其他的, 仲粗呀, 如果想幼滑呢, 單用九鬼芝麻醬丫.
芝麻味一定香到暈啦!
回覆刪除[版主回覆05/26/2009 17:12:00]好重芝麻味呀, 不過如果不用芝麻粉, 全加九鬼, 仲香呀!
我近排移情別戀, 愛上其他甜品, 戚風比我打左入冷宮
回覆刪除[版主回覆05/26/2009 17:08:00]近期妳d各款甜品好正呀!!!
唉, 我近排好多公私事, 冇乜心機試甜品, 整整吓又係雪芳蛋糕, 只有它最o岩做早餐.
都係佢...令你靈魂返黎~~~
回覆刪除[版主回覆05/26/2009 17:18:00]始終是他最親切, 所以不怕悶.
真係變左矮仔左喎？！
回覆刪除[版主回覆05/26/2009 17:19:00]芝麻係好蝦人的, 勁收縮, 加上我加了料, 麵糊好杰, 都ok, 不像雪芳蛋糕, 像普通海綿
你下手0甘重，亞芳唔矮都唔得啦！
回覆刪除除了不夠滑，味道如何？
[版主回覆05/27/2009 07:40:00]味道好夠香, 仲有粒粒趙吓照吓, 都不錯的.
哗！芝麻芳妹....落0甘多芝麻，劲香
回覆刪除我到今时今日都没揾到九鬼黑芝麻醬
[版主回覆05/27/2009 07:40:00]哎, 看來它只在香港和加拿大有外銷boh.........
你隻碟好襯色喎 !
回覆刪除上次我用全九鬼做雪芳, 一路攪一路覺得好香、好香 ...
[版主回覆05/27/2009 07:42:00]九鬼黑麻醬好香, 白麻醬也不遜色, 絕代雙驕呀!
Your prepared your breakfast for the upcoming week!
回覆刪除[版主回覆05/28/2009 10:24:00]Yes ar!!! 3 days' breakfast was finished!
我都買左芝麻醬唸住整喎
回覆刪除[版主回覆05/28/2009 10:25:00]正呀, 好香的呀!!!
你好似有成個月無整過雪芳喇~ 今日終於出山喇 ，記得我家的兩樽9鬼黑白芝蔴醬都係Moon哥你嘅好介紹呢
回覆刪除[版主回覆05/28/2009 10:27:00]係呀, 呢排我公事和私事都忙呢, 加埋不少ot呢!.......唉
九鬼係好野來呀!
幾時無聊咁走進廚房整過我食呀 ?
回覆刪除[版主回覆05/28/2009 10:50:00]有緣相見, 我就無聊一下啦.........話時話, 我都好喜歡無聊的感覺!!!
Moon 哥, 我响多倫多重未揾到九鬼噃. Phlee果樽唔知係咪sample嚟呢
回覆刪除我近排也沒有做雪芳呀.
[版主回覆05/28/2009 23:51:00]咦? 多倫多好大城市喎, 照計不少日本嘢賣呀, 妳那裡有八百伴或者日本超市嗎?
ph那隻應該是由日本入口當地包裝吧, 有個金印字樣的......
http://hk.myblog.yahoo.com/phlee0998/article?mid=3987
香港買的是日本原裝的, 我記得唔知邊處有膠袋裝添.......
我仲係提唔起勁去做雪芳啊……點算﹗今年記得搵我做月餅呀!
回覆刪除[版主回覆05/29/2009 10:46:00]抖吓先啦, 抖夠至玩吓啦, 今年, 叫三姐姐預留時間開壇啦........咁快講定中秋? 端午節剛過咋喎
九鬼芝麻醬真的很香呢, 我剛用了它來做包, 等我下次都用來做個戚風先。
回覆刪除[版主回覆06/01/2009 14:46:00]我都剛用它做了個芝麻卷包包喎, 幾ok呀!
等一次留言，我都鍾意整雪芳，又係二記芝麻粉，整咗一次加咗少許芝麻油，但覺得油膩咗d，好似食緊公仔麵蛋糕咁。下次試九鬼芝麻醬又睇下點先。
回覆刪除[版主回覆06/06/2009 07:31:00]妳好呀! 妳的芝雪好靚呀.
芝麻雪芳是濃味的, 30g麻油ok呀, 其他雪芳都會落35g-40g植物油, 好的植物油是對身體有益的
下了九鬼, 仍是要下油的呀.......如怕麻油丁麵, 可改下一半粟米油, 芥花子油, 葵花子油, 米糠油, 我以前用葡萄子油, 不過看了一本分析油類的書, 原來每種植物油都有優點缺點. 所以無需要了.