很久很久沒做包了, 手痕得很, 一不做二不休, 做兩底!!!
更久更久沒做港式甜包了........做得太久田園包, 開始有點懷念甜包
再次拿起馮師傅的"專業麵包製作", 用他的直接法甜包底
高粉200g 糖30g 鹽1g 速酵母3g 咖啡伴侶6g(很多時奶粉有臊味) 牛油20g(好怕!) 九鬼白麻油5g 蛋30g 水95~100g
搓滑至起薄膜, 這個麵團好軟呀!! 加了點手粉才好搓得多, 室溫初發酵1.5小時時至3倍大 .
做什麼餡? 齋包.......太齋, 肉鬆.......沒有, 腸仔.......想買靚的, 但太貴, 好, 一於做芝麻!!!豁出去.......
三大匙九鬼芝麻醬, 加一大匙盛岡小岩井牧場的milk jam(煉奶也可以)
這milk jam太甜了, 今次用來調味剛好. 做了兩底包, 兩瓶貨尾也報銷了.
分割靜置, 用麵棍碌長, 拉成很長的三角, 塗上芝麻甜醬, 捲起來, 座暖水, 發酵50分鐘-1小時, 塗上水開的蛋漿兩次, 再洒白芝麻, 180度焗約15分鐘至表面淡金黃色, 成了.
第一盤, 做三個包, 太大了, 不夠嬌小, 第二盤, 做6個, size剛好了, 不過我本來想做肥肥短短的小卷, 那知做出來仍是長長的, 不夠cutie........
出爐後, 拿兩個給弟弟, 他說 : 這次似樣了, 以前的較乾呀!.......他指的是campagne.......
令人謎戀，正！
回覆刪除[版主回覆05/31/2009 19:26:00]所以我手痕啦!!!
好多圈喎~~~ 靚!
回覆刪除[版主回覆05/31/2009 19:27:00]我是想捲多幾卷, 所以碌到個三角形好長好長呢!
我都用過九鬼,但無乜味,
回覆刪除你呢個做法都幾有創意,
[版主回覆05/31/2009 19:29:00]照計九鬼是最香濃的喎......你指的是鹹甜味? 要自己調了.
我都想買番部KA整包包...
回覆刪除[版主回覆05/31/2009 19:30:00]我都係手搓的, 搓得熟, 10-15分鐘就搓好了. 我都想買KA, 但家裏放不下了........手搓都好玩呀!!
你縂是離不開這個鬼~
回覆刪除兩次開車想去買黑鬼，都冇位停車，只好回頭，真冇癮~
[版主回覆05/31/2009 19:36:00]成大半瓶報銷了, 好豪華呀!!!
哇, 咁旺!!! 人話外國城市好淡, 我都覺得係錯覺, 只是妳們多駕車, 少走路........我幸福d, 搭車去買, 不用泊車
好有創意喎
回覆刪除[版主回覆05/31/2009 22:47:00]包包本身是常見的咸芝麻卷, 我加了九鬼麻醬, 勁香.
三重芝麻, 實好香啦 !
回覆刪除[版主回覆06/01/2009 07:37:00]不錯呀, 勁芝麻呢!
喂, 你寶刀未老, 包包捲得好鬼靚!!! 入面一層層鬼, 見得好清楚! 一個週末這樣就過了
回覆刪除[版主回覆06/01/2009 07:39:00]週末去了飲茶兼做包, 星期日就睡返夠本........其實未夠的, 一個星期, 留下太多睡債未還.......
我的寶刀, 老了, 其實碌長個三角都碌左好耐呀!
一早没吃早餐，见到你的面包饿到...... 包包真是好靓
回覆刪除[版主回覆06/01/2009 10:39:00]我依家至吃, 可惜又是返緊工匆匆吃兩口.......都係焗包時候開心d.
嘩~~好好味呀!!
回覆刪除你真係好叻呀 ~~~ 我而家成日都上你個blog到睇架 ~~~ 學嘢痳 ~~~
我啱啱先試吓焗吓曲奇同蛋糕, 有排跟你學呀 !!!!! 整多d嘢出嚟等我學呀 !!!哈哈 !!!
[版主回覆06/01/2009 14:59:00]歡迎呀!
我都係普普通通咋, 一d都唔係太叻, 只係做些簡單包餅, 冇乜大攪作, 算啦, 日常包餅都好好玩的呢. 多d交流一下啦
我到好久冇做包! 自家出品當然真材實料啊!
回覆刪除[版主回覆06/01/2009 15:00:00]我都係呀, 手都痕埋, 快d動吓手啦! 今次我都算重手了.
卷得好靚 ~ 我仲有樽白九鬼好耐都未開 ~ 都唔知頂算巧
回覆刪除[版主回覆06/01/2009 15:03:00]thx!! 吃腸粉啦, 做曲奇啦, 做雞絲粉皮醬了啦, 做日式沙律加d啦..........我都有一瓶........
你個九鬼巻巻巻, 捲得好鬼靚, 好平均呢! 你支九鬼白麻油係咪超Q潤書裡所提及的那支呀? 香港也有得賣?
回覆刪除[版主回覆06/01/2009 15:20:00]係, 我要卷卷卷, 卷會令麵包更有層次呢..........九鬼白麻油, 不呀, 我是在citysuper發現的, 不太香的, 因為是冷搾的, 淡淡地口, 它有濃香麻油買, 用完呢枝可試買吓, 平時用日清就好香了,
好美...好味!!
回覆刪除[版主回覆06/01/2009 20:38:00]都唔錯呀, 下次想整鹹芝捲
(Empty)
回覆刪除[版主回覆06/01/2009 20:39:00](Empty)
嘩， 卷到咁多個圈， 好靚啊 ! 未試過拉到咁長嘅三角， 勁喎 !
回覆刪除[版主回覆06/01/2009 20:44:00]係呀, 我要捲多幾卷, 用枝棍碌碌, 用手拉拉拉, 每個都要攪幾分鐘, 時差太大了, 而且我嫌它未夠肥肥短短, haha
之後才想起, 可以先將麵團搓長, 再碌成三角, 咁會快好多.
你誤會了~
回覆刪除店鋪前面得兩個車位，時時都有車瓦住，次次都念住，唉~ 今次無位.....不如下次再來啦~
[版主回覆06/01/2009 20:46:00]兩個位!! 咁他真的不用做生意了. 我去溫哥華探朋友都係, 出去食野, 店前冇位, 就要轉去第二度了......
好想食好想食好想食...
回覆刪除[版主回覆06/01/2009 20:49:00]好, 我做了又見到妳的話, 整番個啦, 今天回家, 見麵包冇晒火氣, 有點心淡, 放入焗爐焗5分鐘, 哇, 好香, 皮脆, 肉似綿花, 吃完飯都食左半個, hehe
wa~~~羨慕唷-0- 我到而家都未自己整過包包呢~
回覆刪除[版主回覆06/01/2009 21:14:00]等妳沒那麼忙, 又好番, 約d friend整番次吧. 我淨係識d簡單的咋.
好猛鬼呀...
回覆刪除[版主回覆06/02/2009 07:37:00]九隻添
不得了, 我聞到呢到好香芝麻味, 忍不住走過嚟呀!
回覆刪除[版主回覆06/02/2009 07:37:00]哈哈, 都幾重手呀, 用左好多九鬼.
The look is amazing! Must be so yummy with the sesame on the top and the sesame inside!
回覆刪除[版主回覆06/02/2009 07:38:00]勁芝麻呀! 同埋卷卷卷都好好玩!
你捲的包包好好呀 !!! 焗完出嚟都好脹卜卜的，內裏組織好堅挺喎 !!! 教我有咩秘笈架 ??? 我啲包包焗完出嚟瀉哂嘅，你睇 http://hk.myblog.yahoo.com/ypl_prime/photo?pid=267&fid=4
回覆刪除[版主回覆06/02/2009 20:55:00]其實我也只是用最簡單的甜包麵團咋, 沒什麼秘技, 而我做的甜包, 遠不如街買的, 冷了放了幾天還是柔軟, 我的放了兩三天便開始老化, 返焗才好吃的.
妳的排包都好靚丫........瀉晒出來??? 唔明喎.......係d餡? 如果d餡會熔, 收口要捏緊, 否則會爆肚的呢!
好耐無做過芝麻包啦
回覆刪除[版主回覆06/02/2009 20:56:00]下次我試做鹹芝麻包.
越來越少的時間給自己; 越來越多的時間給工作; 越來越苦澀的笑容給家人; 越來越緊張的情緒在工作; 越來越多的努力來賺錢; 越來越強的渴望想自由; 卻換來~~~
回覆刪除[版主回覆06/02/2009 21:07:00]對呀, 越來越不想做工作的奴隸, 越來越想找屬於自己的生命, 方法是知足, 勇感, 隨遇而安, 豁達.......噢, 我還未行.
排包係中間幾條下陷, 好似塌橋咁, 其他獨立一個個嘅就變得平平, 幾乎似燒餅
回覆刪除[版主回覆06/03/2009 09:12:00]嗯..........焗完凹陷, 或者太平, 可能係末發酵時發酵過度呢, 因每人用的酵母, 當時的溫度, 濕度都不同, 所以要眼看的, 大約是28-30攝氏度, 發50分鐘啦.
另外的原因, 是麵團太多水份太軟, 或滾圓滾得不夠繃緊.......
你整的包包真係好吸引呀！
回覆刪除[版主回覆06/03/2009 09:12:00]玩吓啫, 好業餘呀!!!!
well, 你弟弟不是包道中人呢…
回覆刪除個包咁大個既
[版主回覆06/03/2009 22:21:00]ha ha , 他都算係有d興趣了, 我說做了糕包, 他都會第一時間試一點, 不過我多做田園包, 難免令他覺得似咬百潔布的 .
係呀, 估計錯誤, 多大包不夠骨仔, 所以做多一盤小的(第一張照片)
攪到我都手痕添
回覆刪除[版主回覆06/05/2009 10:45:00]我都係呀, 幾時有得玩.........
我啲酵母仲得呀..用你個recipe整腸仔包先^^
回覆刪除[版主回覆06/05/2009 21:43:00]好呀, 整好叫我看呀
幣傢伙 ... 唔知係咪我落得唔夠酵母呢 .... 佢反應不大喎 .... 有冇啲補救方法呢 ? 可唔可以再搓過架?
回覆刪除[版主回覆06/05/2009 21:46:00]剛開完會........飯都未吃呢......咦, 咁再等等, 如果真是死了, 就要丟掉了, 不可再搓了, 會霉的.
呀!!! 3g速酵母 = 9g鮮酵母呀, 妳知的了吧!
又係九鬼, 大統華超市是真的找不到. 有時間要去日本舖看, 不過一定很貴
回覆刪除[版主回覆06/07/2009 18:21:00]噢, 妳問問ph是那間店子代理, 冇理由她那裡有, 妳這裡沒有呀........話時話, 香港淨係得citysuper有咋.
九鬼芝麻醬加煉奶好題意喎，我淨係識加糖！
回覆刪除[版主回覆06/09/2009 22:09:00]加糖都可以呀, 焗完熔左一樣ok呢!
A moon...我想問, 如果包包第一盆放唔晒要分兩盆, 咁第二盆會唔會放到發酵過度呢？因為有d包焗一盆都要成30-45分鐘...應該點做好？謝謝
回覆刪除[版主回覆06/20/2009 21:48:00]第二盤唯一方法是降溫
最好是先不要做型, 在靜置時用濕布蓋好放入雪櫃. 等第一盤做好型了末發酵時, 取出雪櫃中的第二盤排氣做形
兩盤前後相隔20-30分就ok了. 第二盤因為入過雪櫃, 所以發酵時間會較久, 小心睇實.