2009年2月27日 星期五

Rice Paper

又一城, 一向都沒有什麼吃的好去處, 近來才試吓這間新派越菜店, 嗯, 感覺很好呀!


餐廳營造一種雅緻和悠閒的氛圍氣, 食物也是精緻化了的.



吃個"鮮蝦濱海"(越語"濱海"是什麼意思?), 是串蝦(不是串燒), 蝦做得很滑, 伴上一小餅幼米粉, 花生蒜碎, 包上一片生菜, 清新又鮮甜.


來, 叫一杯紫色青檸梳打, 太太說, 你真係好"林燕妮"



太太和我都是粉麵精, 她愛吃扎肉米線,  加上新鮮的金不換, 薄荷葉, 和不知名的香葉, 扎肉是上好的, 米粉很滑, 湯也鮮, 嗯...........不錯.



我愛吃生牛河, 湯很甜, 牛肉都好, 稍嫌不夠生, 因此不夠軟滑, 都好吃的, 比起火車頭, 只是稍遜半籌, 但送上一小盅魚露, 一小碟油條香草, 細緻感搭夠.


 


自動(自己動手)蔗蝦米紙卷, 哈哈, 像日本的竹輪(香港叫"獅子狗", 點解?), 包得很肉酸但可以慢慢玩, 慢慢吃........真不相信米可以做出這麼漂亮的紙.



 


 


最令我們有好感的, 也有這裏的法式甜品


朱古力梳乎厘.......其實是兩種朱古力慕司, 前面的是冰凍又鬆又滑的甜朱古力摹司, 後面的是較苦較實和滑的, 吃完之後, 我和太太兩個朱迷大叫 : 是丫哇些!!!



Banana Mille Feuille, 當然不算很千層, 不過那些香蕉醬加了天然雲呢拿籽, 真香, 在香港, 已是一個很不錯的作品了.



香梨蛋白餅, 那些蛋白餅好似係macaroon, 不過很脆很脆, 雖然很甜, 但配以淡淡的咖啡慕司, 伴碟的沙巴翁汁, 很好吃呀!


 


一面吃, 一面他他條條地看著溜冰場的人們........價錢是貴一點點, 但確是一個好地方.


15 則留言:

  1. D野食好似好清新咁, 天氣開始熱, 食得清爽D都好噃!
    [版主回覆02/27/2009 23:11:00]真係好清新可口呀! 它也有很重肉類的菜, 不過我們傾向吃清淡的.

    回覆刪除
  2. 我没吃午,见到0甘多美食当前....  好饿啊!!
    [版主回覆02/27/2009 23:12:00]hehe, 唔好意思呀, 不過我自己都想食呀!.......做乜唔吃午餐呀?

    回覆刪除
  3. 高檔越南菜 ~ 食物質數我就覺得一般 ~ 不過我都幾鍾意佢地個裝修 ~ 感覺好舒服 ~ 讓人有停下來的感覺
    [版主回覆02/27/2009 23:14:00]我呢, 吃店子始終是 一吃感覺, 二吃環境, 三吃食物......嗯, 這間店子的食物也是不錯的, 加上雅致寬敞的環境, 吃得心情好起來.

    回覆刪除
  4. 我也是常客但去causeway bay 店多 .......... 又一城店感覺舒服同清靜一點  我下次都要試下 Banana Mille Feuille 先得
    [版主回覆02/28/2009 22:50:00]係呀, 又一城闊絡, 又可以望住溜冰場呢. 銅鑼灣那間在wtc?

    回覆刪除
  5. 我相公最鍾意食生牛肉粉, 不過牛肉一定要【生】, 你那碗太熟啦
    又一城, 那年我到香港是吃西餐的(忘了名字), 也是一路吃一路看着有人溜冰的. 當時還有小小驚喜, 溜冰的人很熟手(腳)呢.
    [版主回覆02/28/2009 23:03:00]係呀, 可能香港人唔慣食咁生啦, 我就喜歡生生的, 用湯一淥剛剛熟最好吃, 不過even在火車頭, 我都要次次說 : 生d丫, 生d丫, 都係太熟.
     
    溫哥華的越南粉好好食的喎, 妳那邊如何?

    回覆刪除
  6. 乜又一城有d咁好0既野食咩﹖下次我又去
    [版主回覆02/28/2009 23:09:00]好呀, 找天去吃番餐!!

    回覆刪除
  7. “濱海”是越南語的中文譯音,是一種用特幼細如頭髮似的米粉鋪成一片片,或一卷卷(正宗的是片狀),蒸熟後配蔗蝦,肉丸,春卷等來吃。
    [版主回覆02/28/2009 11:24:00]係呀係呀, 碟子上是有4餅很幼的米粉, 是麥維他消化餅咁大......嗯, 咁佢都正宗噃,
    我仲以為是配菜, 原來是主角, 索了少少油, 加上碎花生和蒜粒, 好食.

    回覆刪除
  8. 我鍾此佢既裝飾多過嘢食, 去過一次無再去lu
    [版主回覆02/28/2009 11:27:00]可能我地喜歡吃清淡些, 反而幾好吃, 我見隔籬檯叫了燒三文魚呀, 燒雞呀, 就好似麻麻地, 下次又留意一下其他菜色.
     
    他的法式甜品就好吸引呢!

    回覆刪除
  9. 哇 ~~ A moon
    你呢集相 影到好吸引阿
    真係好靓呢  D 美食係你鏡頭之下更加精彩啊
    [版主回覆02/28/2009 23:10:00]吃東西, 拍拍照, 雙重享受呀!!

    回覆刪除
  10. 嘩!好多野吃呀!你們竟然食曬!越吃越過份渦~
    [版主回覆02/28/2009 23:11:00]哈哈, 係分兩三次吃的, 比妳睇穿添

    回覆刪除
  11. =p 係rice paper至岩
    [版主回覆02/28/2009 23:14:00]icic

    回覆刪除
  12. 銅鑼灣世貿也有一間paper rice ,可看海景=) ,下次試下叫春卷食丫!果度o的春卷都好食架!
    [版主回覆02/28/2009 23:12:00]咦, 咁我要去試吓, 我都喜歡吃越南春卷呀!!

    回覆刪除
  13. 尖沙咀gateway果間都唔錯呀!
    [版主回覆02/28/2009 23:14:00]嗯! gateway都有, 環境好嗎? 有冇海景? thx呀, 等我有機會去吓先.

    回覆刪除
  14. 嘩!等以爲你們倆的食量 。。。嚇屎我~
    粉絲隔離果張是什麽來的?
    [版主回覆03/01/2009 22:28:00]哈哈, 邊有咁好食量丫........
     
    那碗是扎肉撈檬, 我最喜歡加大量魚露酸汁. 旁邊的仿古吊扇.....唔食得的呀

    回覆刪除
  15. 越菜清清淡淡,我都很喜歡食 由其是最近的天氣,比較開胃
    [版主回覆03/01/2009 22:59:00]我喜歡濕濕地, 清清地呢!

    回覆刪除