這晚放工, 和太太在這裏撐檯腳, 算是預祝情人節啦!
大坑浣紗街的著名越南菜館"火車頭", 這裏的牛肉河真的不錯, 一定要全生牛河, 千萬不要熟牛, "鞋"如柴皮.
這個鮮蝦柚子沙律, 蘸了魚露酸汁的蔬菜絲墊底, 舖一 層很甜的柚子肉, 再上面一層彈牙的灼熟的中蝦, 灑上花生碎, 酸酸甜甜鮮鮮, o岩我呀!
吃粉時上了一杯鮮香草, 特別醒神明
主要是金不換, 吃牛肉河最夾; 薄荷葉在吃撈檬時最好吃........
再吃個軟殼蟹米紙卷, 好吃呀, 只是醬汁太甜了少少.
------------------------------------------------------------
大坑漸漸多了一些比較精緻的食店, 行過兩個街口, 這間藝人做老闆的甜品店
由於這間店子開下午3:00, 一直都冇機會幫趁, 今次是第一次光顧. 一定要吃的北海道3.6牛乳燉蛋白, 嗯, 又香又滑, 吃得安心又放心.
牌子上第二個甜品 : 令人想入非非.......多吃可不可以豐胸?
哇, 這是15年陳皮紅豆沙, 夠杰, 不甜, 起沙而有粒粒, 是太太最喜歡的質地. 千萬不能是水汪汪兼隔去豆粒的.
又綿又沙, 口感真的不錯呀! 可是沒有什麼陳皮紅豆香, 嗯, 我幾乎肯定用的是北海道紅豆, 日本紅豆, 是粒粒都很大, 煮起來又綿又靚, 可是沒有豆香的!
好, 豁出去, 再叫一個宮廷桂花糕.........唔, 桂花是浮在糕的表面, 沒有均勻分佈(拌桂花時沒有注意一個秘訣吧).
然後......用叉子一叉, 不用手扶著也可以不倒.........唉!
hehe, 算是情人節餐啦!
火車頭, 是越南餐廳嗎? 餐後再趕下場食甜品去, 很寫意呀.
回覆刪除[版主回覆02/14/2009 19:54:00]係呀, 是一間不錯的越南餐廳, 行過兩個街口, 有這間新開的甜品店, 很少機會約埋太太來這區呢.
大坑越黎越多精緻小店
回覆刪除[版主回覆02/14/2009 19:58:00]係呀, 我都有來這裏吃lunch, 多了選擇, 也有一些是虛有其表的呢! 舊店子中, 炳記茶檔的豬扒丁好吃呀!
回覆刪除情人節快樂 !
[版主回覆02/14/2009 19:59:00]大家咁話, 祝埋大黃生!
火車頭越南餐廳，聼聞過！有機會必定要試！！
回覆刪除嚇得我呀 ！以為你要豐胸。。。
我至喜歡吃豆粒渣，好好味的~
[版主回覆02/14/2009 20:01:00]係幾好的, 水準以上! 不過位子少, 客人多, 都幾難找位子的.
我?.........哈哈, 唔駛喇, 我ok咖喇
係, 最怕吃一些隔了渣的, 日本的"善哉"就是了.....
Hohoho, what a nice fork stand!
回覆刪除Happy Valentine's Day!
[版主回覆02/14/2009 20:02:00]HaHa, good idea!!
Happy Valentine's Day!
(Empty)
回覆刪除[版主回覆02/15/2009 21:05:00]情人節快樂呀!
鮮蝦柚子沙律, 睇到都想食呀!! 我都有聽過小甜谷既紅豆沙話好正, 我都想試北海道3.6牛乳燉蛋白 ! 真係要搵機會去一去大坑食野先得 !
回覆刪除[版主回覆02/15/2009 21:10:00]幾好食呀, 那紅豆沙真的很沙, 絕不欺客, 去大坑, 交通都算方便.
年前這裡也有火車頭越南餐，它的outlet都是開在foodcourt裡，最愛它的越南雞肉河粉。
回覆刪除[版主回覆02/16/2009 20:06:00]妳那裡也開了火車頭, 不知和香港的這間是不是同出一脈? 好吃便行了, 呀, 香港這間的雞絲河粉不好吃, 牛肉和牛腩河好吃點.
火車頭都幾出名喎!我成日都想試都未試,招牌湯河火車頭有無食過呢?個湯底掂唔掂呀?
回覆刪除你這個fork stand的測試真是別出心材!hahahah~~~~
[版主回覆02/16/2009 20:08:00]我多數吃生牛肉河和茄汁牛腩河的.
個fork stand, 唉, 只是一叉叉落去, 放手......咦? 不倒翁!
火車頭的大廚已過檔開了越南站, 所以依家比較遜色.
回覆刪除今日我做了北海道特選3.6牛乳, 可以自家製的, 不用出外吃, moon哥, 你也試做下啦!
[版主回覆02/17/2009 07:44:00]越南站我都吃過呀, 兩間的食物質素相若, 以整體環境氣氛, 火車頭好少少
哇, 妳做的牛乳燉蛋白真的不錯呀, 好想試呢! 好, 等我記下先. thx
拌桂花不浮面有咩祕訣呀?
回覆刪除[版主回覆04/04/2009 07:46:00]是我的blog友教的, 我未試過呀!
是將桂花加入調好的魚膠水後, 座冰水隔水拌, 直至魚膠水開始變杰, 才入模, 桂花便不會浮面了, 但也不要杰到結"舊".