又一城, 一向都沒有什麼吃的好去處, 近來才試吓這間新派越菜店, 嗯, 感覺很好呀!
餐廳營造一種雅緻和悠閒的氛圍氣, 食物也是精緻化了的.
吃個"鮮蝦濱海"(越語"濱海"是什麼意思?), 是串蝦(不是串燒), 蝦做得很滑, 伴上一小餅幼米粉, 花生蒜碎, 包上一片生菜, 清新又鮮甜.
來, 叫一杯紫色青檸梳打, 太太說, 你真係好"林燕妮"
太太和我都是粉麵精, 她愛吃扎肉米線, 加上新鮮的金不換, 薄荷葉, 和不知名的香葉, 扎肉是上好的, 米粉很滑, 湯也鮮, 嗯...........不錯.
我愛吃生牛河, 湯很甜, 牛肉都好, 稍嫌不夠生, 因此不夠軟滑, 都好吃的, 比起火車頭, 只是稍遜半籌, 但送上一小盅魚露, 一小碟油條香草, 細緻感搭夠.
自動(自己動手)蔗蝦米紙卷, 哈哈, 像日本的竹輪(香港叫"獅子狗", 點解?), 包得很肉酸但可以慢慢玩, 慢慢吃........真不相信米可以做出這麼漂亮的紙.
最令我們有好感的, 也有這裏的法式甜品
朱古力梳乎厘.......其實是兩種朱古力慕司, 前面的是冰凍又鬆又滑的甜朱古力摹司, 後面的是較苦較實和滑的, 吃完之後, 我和太太兩個朱迷大叫 : 是丫哇些!!!
Banana Mille Feuille, 當然不算很千層, 不過那些香蕉醬加了天然雲呢拿籽, 真香, 在香港, 已是一個很不錯的作品了.
香梨蛋白餅, 那些蛋白餅好似係macaroon, 不過很脆很脆, 雖然很甜, 但配以淡淡的咖啡慕司, 伴碟的沙巴翁汁, 很好吃呀!
一面吃, 一面他他條條地看著溜冰場的人們........價錢是貴一點點, 但確是一個好地方.
D野食好似好清新咁, 天氣開始熱, 食得清爽D都好噃!
回覆刪除[版主回覆02/27/2009 23:11:00]真係好清新可口呀! 它也有很重肉類的菜, 不過我們傾向吃清淡的.
我没吃午，见到0甘多美食当前.... 好饿啊！！
回覆刪除[版主回覆02/27/2009 23:12:00]hehe, 唔好意思呀, 不過我自己都想食呀!.......做乜唔吃午餐呀?
高檔越南菜 ~ 食物質數我就覺得一般 ~ 不過我都幾鍾意佢地個裝修 ~ 感覺好舒服 ~ 讓人有停下來的感覺
回覆刪除[版主回覆02/27/2009 23:14:00]我呢, 吃店子始終是 一吃感覺, 二吃環境, 三吃食物......嗯, 這間店子的食物也是不錯的, 加上雅致寬敞的環境, 吃得心情好起來.
我也是常客但去causeway bay 店多 .......... 又一城店感覺舒服同清靜一點 我下次都要試下 Banana Mille Feuille 先得
回覆刪除[版主回覆02/28/2009 22:50:00]係呀, 又一城闊絡, 又可以望住溜冰場呢. 銅鑼灣那間在wtc?
我相公最鍾意食生牛肉粉, 不過牛肉一定要【生】, 你那碗太熟啦
回覆刪除又一城, 那年我到香港是吃西餐的(忘了名字), 也是一路吃一路看着有人溜冰的. 當時還有小小驚喜, 溜冰的人很熟手(腳)呢.
[版主回覆02/28/2009 23:03:00]係呀, 可能香港人唔慣食咁生啦, 我就喜歡生生的, 用湯一淥剛剛熟最好吃, 不過even在火車頭, 我都要次次說 : 生d丫, 生d丫, 都係太熟.
溫哥華的越南粉好好食的喎, 妳那邊如何?
乜又一城有d咁好0既野食咩﹖下次我又去
回覆刪除[版主回覆02/28/2009 23:09:00]好呀, 找天去吃番餐!!
“濱海”是越南語的中文譯音，是一種用特幼細如頭髮似的米粉鋪成一片片，或一卷卷(正宗的是片狀)，蒸熟後配蔗蝦，肉丸，春卷等來吃。
回覆刪除[版主回覆02/28/2009 11:24:00]係呀係呀, 碟子上是有4餅很幼的米粉, 是麥維他消化餅咁大......嗯, 咁佢都正宗噃,
我仲以為是配菜, 原來是主角, 索了少少油, 加上碎花生和蒜粒, 好食.
我鍾此佢既裝飾多過嘢食, 去過一次無再去lu
回覆刪除[版主回覆02/28/2009 11:27:00]可能我地喜歡吃清淡些, 反而幾好吃, 我見隔籬檯叫了燒三文魚呀, 燒雞呀, 就好似麻麻地, 下次又留意一下其他菜色.
他的法式甜品就好吸引呢!
哇 ~~ A moon
回覆刪除你呢集相 影到好吸引阿
真係好靓呢 D 美食係你鏡頭之下更加精彩啊
[版主回覆02/28/2009 23:10:00]吃東西, 拍拍照, 雙重享受呀!!
嘩！好多野吃呀！你們竟然食曬！越吃越過份渦~
回覆刪除[版主回覆02/28/2009 23:11:00]哈哈, 係分兩三次吃的, 比妳睇穿添
=p 係rice paper至岩
回覆刪除[版主回覆02/28/2009 23:14:00]icic
銅鑼灣世貿也有一間paper rice ,可看海景=) ,下次試下叫春卷食丫!果度o的春卷都好食架!
回覆刪除[版主回覆02/28/2009 23:12:00]咦, 咁我要去試吓, 我都喜歡吃越南春卷呀!!
尖沙咀ｇａｔｅｗａｙ果間都唔錯呀！
回覆刪除[版主回覆02/28/2009 23:14:00]嗯! gateway都有, 環境好嗎? 有冇海景? thx呀, 等我有機會去吓先.
嘩！等以爲你們倆的食量 。。。嚇屎我~
回覆刪除粉絲隔離果張是什麽來的？
[版主回覆03/01/2009 22:28:00]哈哈, 邊有咁好食量丫........
那碗是扎肉撈檬, 我最喜歡加大量魚露酸汁. 旁邊的仿古吊扇.....唔食得的呀
越菜清清淡淡,我都很喜歡食 由其是最近的天氣,比較開胃
回覆刪除[版主回覆03/01/2009 22:59:00]我喜歡濕濕地, 清清地呢!