2009年2月24日 星期二

另一個同學仔日 - 熱情果餡, 杏仁脆脆, 花笠

班主任, 班會主席, 我們又開壇了, 今次有一位新同學.......合三人之力, 三人之材料, 三人之器材, 才能做晒d功課!


今天的主力, 是熱情果餡bonbon........天意安排, 我們做了熱情果餡, 好香呀, 酸酸甜甜, 正呀! 都算皮薄餡靚啦!



好復古的做型, 有d似以前的金盃朱古力........



這朱古力模好多紋, 所以我們做殼時倒了兩次朱古力 - 第一次set了一半, 再倒多一次, 否則好易穿.


 全新模, 原來會黐模呀, 有三成朱古力出得不好, 有幾粒黏實在模上, 不過相信第二次會好好多.


還有半球模, 一樣是全新的, 都有黐模現象, 不過成品好靚, 掃了今粉更加閃閃生輝!



千里而來的矽膠貝殼模, 哇, 原來矽膠模都可以咁"令", 金粉是先掃在模上的, 效果好出呀, 金光閃閃.



 我最緊張是朱古力set得好唔好, 整天問 : set了未呀, set了未呀........大家有所不知了, Johnny sir剛教了路, 我要好好試呀, 今次我把朱古力callets+可可油加熱到30幾40度, 然後不停加callets, 降到32-33度, 一set就行了.



見它們一直都令臘臘, 都唔知set左未, 忍不住用手指一碰, 哇! set好了, 看set好的杏粒脆脆多光亮, 正呀!!!!



兩種texture sheets, 怎麼有孔孔, 可能是撈撈撈的後果, 也可能是我用了新玩具blender, 但是朱古力漿太少, 淹沒不了blender頭, 結果入了空氣吧.



剩下的朱古力漿, 不停的3秒3秒3秒........的叮來keep at working temperature, 下次又試下用暖水keep溫度先.


當做到最後, 小圓片真是最佳選擇, 不過越倒, 朱古力漿越杰, 算了不理了.........已經是第三鍋朱古力漿, 到這時已好累了, 是但啦.


set得好好呀, 掃了一層金粉的texture paper, 令d紋好靚!



                草笠隨風舞              風に舞ひたるすげ笠の
                飄搖落道旁              何かは道に落ちざらん
                我名何所惜              わが名はいかで惜しむべき
                唯願惜君名              惜しむは君が名のみとよ


(我當然睇唔明日文啦!!)



同學仔的金裝禮盒, 相信收到的人會 : 哇!



 


41 則留言:

  1. 熱情果餡...
    我之前實習時 就想煮呢隻味既餡...
    但太懶, 用左現成餡...
    結果...
    [版主回覆02/24/2009 14:09:00]現成都冇問題呀, 好味就得啦, 不過煮餡不難的, 今次我們用的不是最高級的材料, 不過初初試, 都幾好味.

    回覆刪除
  2. 嘩,好正呀,下次我都想參加,可預先排定隊嗎?
    個熱情果餡bonbon好吸引噢,一定好好味^^
    是不是跟koo sir 的做法,將果餡轉左熱情果便可以?
    [版主回覆02/24/2009 14:12:00]我家的工場, 真是太簡陋了........
     
    係呀, 我地都只係買普通的熱情果茸, 如果買好的品牌, 已經好香. 相信更香 

    回覆刪除
  3. 多謝 你 們 的製作 和 小三慷慨相贈 . 真的 吾捨 得食.
    [版主回覆02/24/2009 14:13:00]妳千里帶來的模, 令我地歡呼呀!
     
    食啦食啦, 映了相就捨得食了

    回覆刪除
  4. WOW~~口水流了~~~^_^
    [版主回覆02/24/2009 14:14:00]hehe, 咁整番次啦, 好玩又好食呢!

    回覆刪除
  5. 唔怪我唔得閒整包包啦, 原來努力朱古力~~~
    熱情果bonbon , 好想食呀~~~~
    [版主回覆02/24/2009 14:14:00]係呀, 妳真明白了, 我又好想整包了............

    回覆刪除
  6. 嘩!盒古古力好靚好高貴呢!食咁多古古力,moon哥你唔怕肥咩?
    [版主回覆02/24/2009 14:16:00]個盒在.......好似係kaka在上海街......萬記買到的, 好似係.........
     
    d朱古力? 大部份都分晒了. 現在知道乜野叫 : 坐地分肥

    回覆刪除
  7. 超靚!好成功呀! 天氣熱又潮濕,係未開空調做呀!下次做預埋我來幫手喇!
    [版主回覆02/24/2009 16:32:00]係呀, 那天開大冷氣, 都係僅僅咋, 好濕熱呀!
     

    回覆刪除
  8. 做得好好,好靚!今次很成功呢!  我覺得用半圓模做出來既效果最正,有太空feel嘛  
     
    btw,我上咗古sir堂啦,教得好生動,我仲有raspaberry ganache剩,睇怕呢兩日又要開工整先得啦!
    [版主回覆02/24/2009 17:02:00]謝謝呀!! 我地都有好多蝦碌, 主要是器材不夠, 和新模, 不過都玩得好開心, 同實踐了Johnny和Coo sir的一些技巧, 例如tempering和脫模我用了Johnny, "dun"模和封底用了coo sir的方法, 都好順利.
     
    我用晒d raspberry ganache了, 下格雪住, 兩個星期都ok冇問題, 狀態良好呢!
     
    半圓和鑽石, 都是最經典和耐看的呢!

    回覆刪除
  9. 好靚,好吸引!真係流哂口水!
    [版主回覆02/24/2009 17:03:00]哈哈, 多謝呀!! d朱古力本身是很靚呀!

    回覆刪除
  10. 估唔到我盒朱古力可以俾moon哥你影得咁靚呢~~~ 呢隻朱古力盒都算係好高貴呀, 我相信要搵日出去入返幾個貨~ 哈哈哈哈~~ 今次朱古力同學日真開心呢~~
    [版主回覆02/24/2009 17:06:00]hehe, 邊係呢, 係d料靚啫 ^_^
     
    今次很開心呀, 下次我可能要買個大兜........不過也可以等妳的新儀器.

    回覆刪除
  11. 為食加菲netnet2009年2月24日 下午3:54

    嘩, 睇到加菲流曬口水..
    [版主回覆02/24/2009 17:07:00]hehe, d朱古力真係好靚呀, 加埋d餡, 唔錯!!

    回覆刪除
  12. 同學仔一齊整朱古力好開心 wor...
    期待你地下次嘅製成品呀...
    熱情果餡好好味咁 wor,我都未整過 tim...
    [版主回覆02/24/2009 20:16:00]係呀, 一個人做唔到咁多款, 熱情個餡就係koo sir的raspberry ganache, 換了passion fruit puree

    回覆刪除
  13. Sally Ho 莎莉豪2009年2月24日 下午5:39

    嘩你又係度引人喇, 我最想學呢個餡, Koo Sir都未有空教我, 係咪同raspaberry餡的做法一樣架,只是轉味?
    [版主回覆02/24/2009 20:18:00]係呀, 就係啦, 仲可以士多啤利, 藍莓等.........

    回覆刪除
  14. 哈哈~ 可能你試完部新機之後就唔想買大兜, 改買部機呢~~
    [版主回覆02/24/2009 21:06:00]哎呀 ..........有機會都係借用住先啦.

    回覆刪除
  15. 詁唔到你用矽膠模都可以做到咁"令"喎
    [版主回覆02/25/2009 15:40:00]我都好喜出望外呀, 效果不下於硬模.

    回覆刪除
  16. 哎呀 , 我 沒 有 ” 千里送模 ” 呀 . 是誰給 我這 [ 光榮 ]?
    [版主回覆02/25/2009 15:41:00]hehe, 原來小三說已是很久前寄給她的小玩意. 謎底要小三打開了.

    回覆刪除
  17. 嘩!超級製作, 犀利呀.
    [版主回覆02/25/2009 15:42:00]都唔係丫, 都係同學仔之作.

    回覆刪除
  18. 好聰明呀, 先嚟倒模, 跟住撈撈撈, 之後再整餅餅, 一D都唔浪費呀.
    [版主回覆02/25/2009 15:44:00]hehe, 其實實際次序有d不同, 是撈撈 -> 倒模 ->餅仔........因為唔夠膽一開始就倒模.........所以都剩番不少碎朱, 找次用.

    回覆刪除
  19. 大師曾經講過,多坑紋既模折射面多,會好靚,但係光身冇坑紋既模就見真功夫!
    粒半圓整得咁靚........Moon哥好快除得個P牌啦
    [版主回覆02/25/2009 15:46:00]玩我都係鍾意光身的, 同意妳說, 一目了然.
     
    不是呀, 有不少是有瑕疵的, 如果做到每次都9成ok, 才可甩P牌吧.

    回覆刪除
  20. 你D朱古力越來越得了!你們真係好好心機呢!
    做左咁多次朱古力你食左幾多呀?小心肥呀 下次留返粒俾我啦。我記得上次吃的係浸了酒的櫻桃餡,好味呀!
    [版主回覆02/25/2009 15:49:00]其實都好初階咋, 不過跟住師傅的步驟做, 買d靚朱古力, 多數都ok的, 好好玩呀, 好次做勞作.
     
    d朱古力, 梗係絕大部份分晒啦, 我留番十粒八粒, 每日吃一粒兩粒咁啦, 都怕肥呀! 妳又不在, 否則可以找妳分肥
     

    回覆刪除
  21. 好正呀~~ 我都有第一個模,不過沒你說的那麼sticky. 我都想上下Koo Sir 果班看看呀~~ 
    [版主回覆02/25/2009 15:51:00]可能是新模啦, 同埋我覺得今次買的65%callet冇咁脆, 可能天氣已回暖啦, 冷d會易脫模d.
     
    妳聯絡Eva啦, 看看有沒有堂.

    回覆刪除
  22. 真勤力! 係時候買康寧碗...
    [版主回覆02/25/2009 15:53:00]玩呀, 當然勤力啦
     
    康寧碗.........又有同學仔說買小調溫爐喎, 唔知幾是有得試.

    回覆刪除
  23. ""我最鐘意食果仁朱古力 熱情果嘅果餡...我又喜歡 食邊樣先好呢 "" 唉吔....唔好意思,又發開口夢添,見 d 朱古力咁靚,發夢都想要番盒
    [版主回覆02/25/2009 16:36:00]嗯, 下次我想整bonbon, 入面是原粒杏仁呢!

    回覆刪除
  24. Fatgarfield 肥加菲2009年2月25日 清晨5:17

    Oh, can I have a box?
    [版主回覆02/25/2009 16:37:00]Haha, you're welcome. But the golden box is not for me

    回覆刪除
  25. 在小三處見咁靚唔捨得食, 你的一樣都是捨不得食. 睇下睇下越睇越開心.
    [版主回覆02/25/2009 16:39:00]Johnny sir說 : 好睇唔重要, 最跟要好食. 唔緊要啦, 影低相就可以食晒佢呀!

    回覆刪除
  26. 真係佩服您既精神 ~ 哈哈﹗可能我第時都會係咁 ~ 不過應該唔係依家。
    我覺得最靚係半圓模 ~ 款款都咁靚 ~ 收到果個人實開心屎啦
    [版主回覆02/25/2009 16:42:00]哈哈, 玩我最熱心, 我估我都鍾意做勞作.......
     
    我都喜歡呀, 鑽石模我是最喜歡的, 又簡潔又有型, 依家未到呀, 希望到的時候再玩一次.

    回覆刪除
  27. 嘩, 你地真係做咗好多喎, 聽聞要開冷氣做 唉, 用眼睇, 好冇意思呢!!! "鑲"咗金果D 真係會吾捨得食架!!
    [版主回覆02/25/2009 16:47:00]要開冷氣呀, 香港依家開始濕熱了.
     
    d 金粉, 好靚呀, 而且不太貴, 好好用呀! 等我都買番d先.
     
     

    回覆刪除
  28. 真係高級制作呢, 見到都想食呢~~ 好勁呀~~~~
    個熱情果餡,真係好想試下呢~~
    [版主回覆02/25/2009 16:51:00]唔係呀, 我地都係柴哇哇, 練習吓, 唔算好熟手的. 熱情果配黑朱古力, 好夾呀, 而且好香添.

    回覆刪除
  29. 用callets係咪因為方便D呀(因為唔洗切)?加可可油要加幾多ga?我都想試下咁令呀~
    [版主回覆02/25/2009 17:09:00]係呀, 細細粒, 粒粒大小一樣, 熔起來好方便.
     
    今次用65%黑朱, 我下了10%可可油, 不過事後覺得可以落多d, 因為我想再脆d

    回覆刪除
  30. 嘩!好厲害呀!做朱古力好似好難渦!見得你們玩得好開心,好想參埋一份尼!
    [版主回覆02/25/2009 22:53:00]易學難精咁啦, 不過有難度至好玩呀, 妳幾時來一齊玩.

    回覆刪除
  31. 越來越多JOHNNY朱古力同學會O既會員勒!
    [版主回覆02/25/2009 22:54:00]好東西當然越來越多人分享啦, 快d來發揚光大啦!

    回覆刪除
  32.  哗!!好靓啊!!
    [版主回覆02/26/2009 22:38:00]都ok啦, 失敗的冇影呀!

    回覆刪除
  33. 有同學一起做朱古力,好開心啊~
    我這星期做了兩個戚風,一個還可以,一個就...失敗了!哈~ 我要再試試合我的蛋糕模份量!! 不過我有一問題,便是拌蛋糕漿的方法,我知道不要大力消氣,看你說兩三下便把蛋糕漿拌勻,我要拌很多下才可把蛋白與蛋黃糊拌勻...其實是怎樣做到呢?!請指教!
    [版主回覆02/26/2009 22:38:00]等我睇下先, 唔緊要的, 我都久病成醫了......
     
    哎, 那裏是拌兩三下 , 是拌一兩分鐘, 我手快, 一分鐘已可拌三幾十下.........打得好的蛋白, 是怎拌也不破的, 當然不要太久(如5分鐘).........遇上可可更是例外, 爆到七彩.

    回覆刪除
  34. 嘩...你不停地交功課....真係越來越好呀!!!
    [版主回覆02/27/2009 23:09:00]係, 一玩, 收不了手, 玩玩玩玩........我怕一天會怕了.........

    回覆刪除
  35. 嘩﹗真係做得越來越靚喇﹗相信出年你又可以做古古力送比人做賀年手信了﹗熱情果那種酸撘了古古力的甜,諗起都想食呢
    [版主回覆02/28/2009 22:27:00]hehe, 我仍是在p牌仔level, 好多蝦碌的呀, 自己玩吓就得, 有機會搵妳做白老鼠啦.

    回覆刪除
  36. 嘩,好似出面買咁,真係好靚...好想食
    [版主回覆02/28/2009 22:39:00]點會呢, 外面的師傅, 個個功力高強, 天外有天, 人外有人, 我連吃都未吃得晒呢, 現在有了初步認識, 下次吃起來更識欣賞了......只要唔怕肥.

    回覆刪除
  37. 圓形個粒古古力真係好靚,又滑DO DO,批批古古力都咁正,點捨得食呢!
    [版主回覆03/03/2009 10:43:00]圓形模是最耐看的, 不過由於它沒承托力, 也是最難甩得靚的, 其實有很多廢品呀, 未成功的..........

    回覆刪除
  38. 你真係整得好靚,閃閃生輝
    [版主回覆03/03/2009 10:45:00]謝謝呀! 調溫調得o岩, 加上個模好, 就會閃的了.

    回覆刪除
  39. So so so so beautiful ar...  Can you pls. tell me where did you learn it?  thanks..
    [版主回覆08/31/2010 09:45:00]I learn from Johnny Chan, you can see this web.
    http://hk.myblog.yahoo.com/adg-hk

    回覆刪除
  40. moon,請問"把朱古力callets+可可油加熱到30幾40度, 然後不停加callets, 降到32-33度"降温後需要再坐熱水升温嗎???thx!
    [版主回覆08/31/2010 09:15:00]跟據其中一個品牌的朱古力網頁,
    callet加熱到48-50度, 1000g的朱古力漿加入350g 20-23度的callet, 令它降溫至32-33度, keep住就可以了, 不用再升溫.

    回覆刪除
  41. 明白喇!多謝你分享心得

    回覆刪除