2009年2月2日 星期一

同學仔的朱古力之日

三個朱古力同學會的同學仔, 柴娃娃膽粗粗做起朱古力來, 皆因班長和班會主席買了紅外線溫槍, 和借了班主任的模.


表面上, 係咪好靚呢, 表面上! 其實都好蝦碌的呀!


首先獻上的的杏粒脆脆朱古力和"吉百利"型黑朱, 當然我們用的是最靚的Callebaut56%黑力400g+可可脂40g, 香滑甘香脆!!!



調溫有了紅外線溫槍, 個心定了好多, 今次我們是試用微波爐加熱, 1000W每次叮10秒, 拌勻, 再叮........加熱至45-50度, 然後急速攪拌, 加入原裝朱古力粒做seeding, 降至33度, 終極測試 - 不凝固 ; 30度 - 晶體太大起白斑 ; 28度- ok了, set得不錯 (注意 : 這些數字是我們的測溫槍的顯示, 作不得準!!!, 一定要看終極測試為準)



糖炒榛子 - 記得好似係200g 榛子 + 50g糖 + 30g水, 炒至反砂, 再炒至糖熔化有光澤


拌入快調好溫的朱古力, 不停輕手伴, 降到28度, 取出, set好, 成了香脆的古力三兄弟, haha



看, 朱古力上漂亮的倒影.........當然, 一些失敗的場面沒說出來,



這是最美的一面, 純朱古力棋子, o岩晒我這黑朱人!!



 


Texture sheet很漂亮


剩下的朱古力做了薄片, 又是另一個烏龍的故事.



20 則留言:

  1. 吾等你寫文章, 搶先食
    [版主回覆02/04/2009 09:29:00]別客氣, 隨便吃吧, 我又開工了............

    回覆刪除
  2. 我黎緊weekend會去學古力喇~~好緊張~~~
    [版主回覆02/04/2009 09:31:00]等看妳的作品呀!!

    回覆刪除
  3. d 朱古力好靚呀,好想食呢~~~~
    [版主回覆02/04/2009 09:56:00]朱古力質地真的好靚呀!........手工還是幼嫩了些
     

    回覆刪除
  4. 成果唔錯bor ~ 唉﹗我最怕就係滴到四維都係又怕洗朱古力
    做乜唔買返兩張轉印紙玩下呀?靚好多架
    [版主回覆02/04/2009 10:17:00]我剛在家做過, 現在已冇乜周圍滴了, 舖一張即棄臺布已ok
     
    至於洗, 更易, 一鍋暖水, 乜都清晒.
     
    玩呀玩呀, 看下集
     
     

    回覆刪除
  5. 我不太懂朱古力呢,係咪溶左佢加d nuts 同favor .....跟住雪番硬?
    [版主回覆02/04/2009 10:26:00]我都係剛剛學了, 真係好奇妙的, 是一個新世界!
     
    我以前溶了朱古力, 是從來也不結硬變脆的, 直至明白了什麼是調溫(見上文)和結晶. 不過難的是, 結靚晶體的溫度是一兩度之間的事, 超越了就玩完
     
    熔了, 雪硬, 是一定死梗的呢.

    回覆刪除
  6. 巧令! 好成功!
    [版主回覆02/04/2009 10:27:00]好些蝦碌和失敗未post, 下次有機會我post一下大家研究

    回覆刪除
  7. 無論任何環境 , 終極測試都可以幫到你! 仲好過安信兄弟。
    [版主回覆02/04/2009 10:54:00]安信兄弟? 哈哈, 我從來不信呀  有一些不明的, 請教一下.
    有空麻煩你看看我遇上的問題.
    Johnny, 有一點不明是, 最近兩次實習, 當朱古力加熱至45度, 加seeding降溫至33度(我們的紅外線溫槍), 終極測試不會set(右), 下降至30度, 慢慢set但結粗晶體(中), 要降至28度才set得比較靚(仍見到少許白斑).
    似乎和上課的溫度不同呢.

    回覆刪除
  8. Sally Ho 莎莉豪2009年2月3日 上午9:43

    你有紅外線溫槍就好
    [版主回覆02/04/2009 10:58:00]一定要呀, 我們的經驗, 不能用唇測呀! 不太貴, 200幾元.

    回覆刪除
  9. 初次同幾個朋友一齊試做, 真係會啖定d架, 擔心同緊張都幾個人分丫ma
    [版主回覆02/04/2009 10:59:00]係呀, 有商有量嘛, 朱古力材料貴, 不能失敗了又做過實驗

    回覆刪除
  10. 每次做朱,都要調溫,一不好,又要做起,都幾煩架,但做好又會好開心.......
    [版主回覆02/04/2009 11:01:00]係, 在30-32度間, 只係1-2度的分別, 我都係調得麻麻, 枝溫槍的誤差本身已是2度, 所以都要靠終極測試和經驗呀.

    回覆刪除
  11. 做得好好啊! 同一班朋友仔整又真係巧開心!
    [版主回覆02/04/2009 11:02:00]好多蝦碌的呀! 一起做可吸收大家的經驗, 又可笑吓, 自己做就可留意一些細節呢!

    回覆刪除
  12. 棋子......我都買左個象棋模, 你個個面有無字?我就快去學啦! 唔知到時整左係點呢! 好緊張!
    [版主回覆02/04/2009 11:05:00]冇字的呀, 冇字易好多, 有字嘛.........咪好祖國?
     
    祝成功, 記得分享吓呀

    回覆刪除
  13. 多一樣東東研究係好事, 做古力時間不及做包長吧???每一門都是學問, 要多做才可以用對眼做雷射槍 .  你嘅假期都好長播, 下一個係復活節呢 , 快喇快喇.......
    [版主回覆02/05/2009 09:04:00]做朱古力時間不長, 不過調溫要做到好準確, 好多因素都影響, 去到最後溫度只係兩三度的分別.......用眼看.......我都冇想過, 除非我轉行日日跟師傅做朱古力啦.
     
    假期已經完了喇, 有排捱呀!

    回覆刪除
  14. Fatgarfield 肥加菲2009年2月4日 下午1:17

    The art of chocolate is still too hard for me, I'm not ready to try it yet!
    Your products look really good, I really want to try those chocolate covered hazelnuts!! Yummy!
    [版主回覆02/05/2009 09:09:00]我都係初哥呀, 好多東西都是估估吓, 所以好多蝦碌的, 失敗的作品冇show啫:p

    回覆刪除
  15. 你哋三個同學仔都好有恆心啊. 怪唔得小三身家大縮水喇, 要裝配咁多貴價品來玩
    期待你的烏龍下集.
    [版主回覆02/05/2009 11:21:00]係呀, 做朱古力的成本高好多好多, 所以不能失敗和不斷做實驗, 會破產的呢!
     
    烏龍下集快出了.

    回覆刪除
  16. 好拎喎~~
    [版主回覆02/05/2009 11:22:00]表面上啦, 現場一看便穿崩了.

    回覆刪除
  17. 上星期用白力做裝飾,都係set得唔好! 我今年要戰勝佢!!
    [版主回覆02/05/2009 11:23:00]哎, 朱古力set得好, 真要很夠經驗呀, 又要明師指導呢!

    回覆刪除
  18. 做古力真是會上癮的.......做完一款又一款.........
    [版主回覆02/05/2009 11:24:00]要收手了, 肥死呀, 玩多一次啦.

    回覆刪除
  19. 我打算坐享其成!
    [版主回覆02/05/2009 11:24:00]點得呀班長, 一起動手啦!

    回覆刪除
  20. 我學左咁好耐都仲未開工
    [版主回覆02/08/2009 00:16:00]快d玩吓啦, 天氣開始熱了

    回覆刪除