2008年6月29日 星期日

Double黑仔芝麻雪芳

完成了痛苦的大project, 今天早上, 一於做一個雪芳獎勵一下自己先!


這兩天咁黑仔, 一於做番過黑麻麻黑芝麻雪芳



一定要用幼細的黑芝麻粉(二記可買到), 呀, 加點白芝麻會更香呢!


拿了舊食譜, 20g芝麻粉 60g低筋粉.......唔, 20g, 太少了, 好, 加到30g! ......打好蛋黃芝麻漿, 篩入麵粉時, 發覺可以再杰一點, 加點粉吧, 很隨意的.


一次過把麵粉加入蛋黃漿就有這好處, 可先判斷稀和杰, 蛋糕更有把握!



3黃 砂糖20g 油30g 水40g 黑芝麻粉30g 低粉70g 白芝麻一把 - 逐樣依序加入, 打拌成杰漿.


4白 砂糖40g - 打成軟滑蛋白霜


蛋白霜拌入蛋黃麵漿中, 入模至7成滿, 180度焗約30分鐘, 倒置, 待涼, 脫模.



好鬆軟呀, 發得好好, 加了白芝麻香好多又有咬口, 好吃的double sesame chiffon........呀, 下次用白麻油, 豈不是triple sesame ?

----------------------------------------------------------------------------------

記起兩年前, 為了做一個不塌的芝麻雪芳, 竟一連做了5個, 那種癡(是癡線的癡), 一一都付笑談.



可愛的小教堂烙印, 今次用不上呀! 朋友, ご苦労さま!



18 則留言:

  1. 五月烙印係教堂呀? 加左一粒粒芝麻一定好香口喇。
    [版主回覆06/29/2008 22:48:00]係呀, 好靚呀!! 不過蛋糕不能烙過教堂仔
     
    白芝麻粒很香呀!

    回覆刪除
  2. 肯定好香啦! 唔知如果加黑芝麻粒的效果會點呢? 
    [版主回覆06/30/2008 17:51:00]好香呀, 白芝麻是香過黑芝麻的呀!
     
    如果加黑芝麻都好, 黑得徹底

    回覆刪除
  3. 做得好  連黑2日 , 一於再整返個黑糕 , 邪邪佢.........
    你唔知銅鑼灣有間好大既10蚊店咩 , 入面好多野執家.........咋咋淋去啦......係timesquare後面過天橋底 .
    [版主回覆06/30/2008 17:53:00]冇錯 "黑藍馬"對"黑藍馬", 黑仔黑夜做黑糕.
     
    咦, 係咩, 我成日以為好細間呀, 是否鵝頸橋那邊呀?

    回覆刪除
  4. 教堂烙印......我想要...咁姐係有可能6月唔教堂烙印....
    白芝麻油...好重本喎!!
    吉之島做緊日本節, 有宇治抺茶班cake 粉買......go go go
    [版主回覆06/30/2008 17:55:00]嗯........, 係呀, 或者另一款更靚, 希望是四葉草......
     
    hehe, 我家其實只有日清純麻油啫...........吉之島, 好好好.

    回覆刪除
  5. 一定很香芝麻味啦!! 近來太忙了, 連做蛋糕也沒有時間, 不過 1/7 一定要做一個, 用來送禮用.
    [版主回覆06/30/2008 17:56:00]真係好香呀, 下次再落多d, 40g, 妳估會不會出事.......
     
    1/7我要在家ot呀, 不知可不可以開工做糕呢!?

    回覆刪除
  6. A_moon, 你係咪真係打算儲印仔呀????做了敗家一族會員呀! 六月會係咩印呢????? 你快快做個銅鑼燒打個印來睇吓啊!!!
    [版主回覆06/30/2008 17:58:00]我不是呀, 買兩三款玩玩喇, 還有一樣可用印仔的, 是切片或給模曲奇呢!.........
     
    唉, 銅鑼燒, 我仍未找到突破呀, 做出來很快硬, 我最近吃了一個, 人家鬆軟到冇得頂呀!

    回覆刪除
  7. 嘩﹗終於可以出手了﹐辛苦晒﹗
    您用的應該是日本的芝麻吧﹗漲卜卜~靚野靚野 ﹐幾時得閒過返我兩招做雪芳呀?  做完上次我都怕怕﹗
    [版主回覆06/30/2008 18:05:00]唉, どう致しまして。
    芝麻是在bakingware house買的日本炒芝麻, 日本超市也買到的.
     
    不要灰心, 我都做個聚寶盤, 是水太多粉太少的原故呢!

    回覆刪除
  8. 看你做的雪芳好靓,好干身。前几天我都做左个豆腐雪芳, 就没有那么理想了,烘左有1个钟都是熟唔透 。
    [版主回覆06/30/2008 18:07:00]吓!!!, 一個鐘........!!
     
    那不是熟不透, 是麵漿塌了呢, 原因是豆腐的水份咯!
     
    豆腐要徹底和蛋黃漿打勻呢, 還有它的水份不少, 要減水呀!

    回覆刪除
  9. 我這幾天也心思思想整芝麻雪芳, 但又心野去咗街街, 所以睇着你的望梅止渴
    我是用麻油代替油的呀.
    [版主回覆06/30/2008 21:17:00]hehe, 冇緊要, 各適其適呀, 一於用麻油啦, 又香又有益!!
     
    做好我就去看看先.

    回覆刪除
  10. o意~ 你買左幾多唔同o既印章呀~
    不如開個 blog show 出黎呀~~
    好想知呀~~
    [版主回覆06/30/2008 21:18:00]冇呀, 只有兩個, 一個羊羊, 一個教堂呢!

    回覆刪除
  11. moon哥, 你有咁多個烙印既~~~
    [版主回覆06/30/2008 21:19:00]得兩個咋, 都差不多了.

    回覆刪除
  12. 做雪芳蛋糕使唔使落发粉架?點解你冇提嘅?
    [版主回覆06/30/2008 21:20:00]我的雪芳, 是不加bp的, 這才夠神奇和天然呢!

    回覆刪除
  13. o個日同你傾完,返去再試!
    成功左啦!遲D post 俾你睇
    謝謝指教!
    [版主回覆06/30/2008 21:26:00]好呀好呀, 快post來看啦, 只要肯試, 一定成功的. 這是蛋糕可愛之處.
     
    可試很多味呀! 雲呢那, 綠茶, 咖啡, 黃豆粉(kinako), 紅豆餡, 南瓜, 芝麻, 豆乳, 豆腐, 斑蘭, 杏仁粒, 薑汁, 乾果肉桂, 桂花, 紅茶, 奶茶.......最後可挑戰芝士, 朱古力.......好好玩.

    回覆刪除
  14. 下次一於用芝麻油啦!包你焗到一屋芝麻香氣嫁!
    [版主回覆06/30/2008 21:27:00]好的好的, donald, 下次一於用麻油!!!

    回覆刪除
  15. 哈..都做過好多次,總有成功的一次架.....
    [版主回覆06/30/2008 21:30:00]係呀, 一定成功的, 妳對蛋糕有心, 蛋糕一定對妳好的

    回覆刪除
  16. 大佬,
    除了芝麻,還有朱古力,你當年日痴夜想的戚風
    [版主回覆06/30/2008 21:30:00]朱古力, 是最難做的雪芳, 做出來也不鬆軟, 我都係怕怕

    回覆刪除
  17. 做得好靚呀~ 一定好好味唶
    [版主回覆07/02/2008 08:38:00]這個雪芳蛋糕真的幾好味呀!

    回覆刪除
  18. 而家明 到時再睇下實戰點先! Tks!
    [版主回覆07/12/2008 00:50:00]好的好的, 記得告訴我呀!

    回覆刪除