完成了痛苦的大project, 今天早上, 一於做一個雪芳獎勵一下自己先!
這兩天咁黑仔, 一於做番過黑麻麻的黑芝麻雪芳
一定要用幼細的黑芝麻粉(二記可買到), 呀, 加點白芝麻會更香呢!
拿了舊食譜, 20g芝麻粉 60g低筋粉.......唔, 20g, 太少了, 好, 加到30g! ......打好蛋黃芝麻漿, 篩入麵粉時, 發覺可以再杰一點, 加點粉吧, 很隨意的.
一次過把麵粉加入蛋黃漿就有這好處, 可先判斷稀和杰, 蛋糕更有把握!
3黃 砂糖20g 油30g 水40g 黑芝麻粉30g 低粉70g 白芝麻一把 - 逐樣依序加入, 打拌成杰漿.
4白 砂糖40g - 打成軟滑蛋白霜
蛋白霜拌入蛋黃麵漿中, 入模至7成滿, 180度焗約30分鐘, 倒置, 待涼, 脫模.
已轉移slide photo
好鬆軟呀, 發得好好, 加了白芝麻香好多又有咬口, 好吃的double sesame chiffon........呀, 下次用白麻油, 豈不是triple sesame ?
--------------------------------------------------------
記起兩年前, 為了做一個不塌的芝麻雪芳, 竟一連做了5個, 那種癡(是癡線的癡), 一一都付笑談.
可愛的小教堂烙印, 今次用不上呀! 朋友, ご苦労さま!
五月烙印係教堂呀? 加左一粒粒芝麻一定好香口喇。
回覆刪除[版主回覆06/29/2008 22:48:00]係呀, 好靚呀!! 不過蛋糕不能烙過教堂仔
白芝麻粒很香呀!
肯定好香啦! 唔知如果加黑芝麻粒的效果會點呢?
回覆刪除[版主回覆06/30/2008 17:51:00]好香呀, 白芝麻是香過黑芝麻的呀!
如果加黑芝麻都好, 黑得徹底
做得好 連黑2日 , 一於再整返個黑糕 , 邪邪佢.........
回覆刪除你唔知銅鑼灣有間好大既10蚊店咩 , 入面好多野執家.........咋咋淋去啦......係timesquare後面過天橋底 .
[版主回覆06/30/2008 17:53:00]冇錯 "黑藍馬"對"黑藍馬", 黑仔黑夜做黑糕.
咦, 係咩, 我成日以為好細間呀, 是否鵝頸橋那邊呀?
教堂烙印......我想要...咁姐係有可能6月唔教堂烙印....
回覆刪除白芝麻油...好重本喎!!
吉之島做緊日本節, 有宇治抺茶班cake 粉買......go go go
[版主回覆06/30/2008 17:55:00]嗯........, 係呀, 或者另一款更靚, 希望是四葉草......
hehe, 我家其實只有日清純麻油啫...........吉之島, 好好好.
一定很香芝麻味啦!! 近來太忙了, 連做蛋糕也沒有時間, 不過 1/7 一定要做一個, 用來送禮用.
回覆刪除[版主回覆06/30/2008 17:56:00]真係好香呀, 下次再落多d, 40g, 妳估會不會出事.......
1/7我要在家ot呀, 不知可不可以開工做糕呢!?
A_moon, 你係咪真係打算儲印仔呀????做了敗家一族會員呀! 六月會係咩印呢????? 你快快做個銅鑼燒打個印來睇吓啊!!!
回覆刪除[版主回覆06/30/2008 17:58:00]我不是呀, 買兩三款玩玩喇, 還有一樣可用印仔的, 是切片或給模曲奇呢!.........
唉, 銅鑼燒, 我仍未找到突破呀, 做出來很快硬, 我最近吃了一個, 人家鬆軟到冇得頂呀!
嘩﹗終於可以出手了﹐辛苦晒﹗
回覆刪除您用的應該是日本的芝麻吧﹗漲卜卜~靚野靚野 ﹐幾時得閒過返我兩招做雪芳呀？ 做完上次我都怕怕﹗
[版主回覆06/30/2008 18:05:00]唉, どう致しまして。
芝麻是在bakingware house買的日本炒芝麻, 日本超市也買到的.
不要灰心, 我都做個聚寶盤, 是水太多粉太少的原故呢!
看你做的雪芳好靓，好干身。前几天我都做左个豆腐雪芳， 就没有那么理想了，烘左有1个钟都是熟唔透 。
回覆刪除[版主回覆06/30/2008 18:07:00]吓!!!, 一個鐘........!!
那不是熟不透, 是麵漿塌了呢, 原因是豆腐的水份咯!
豆腐要徹底和蛋黃漿打勻呢, 還有它的水份不少, 要減水呀!
我這幾天也心思思想整芝麻雪芳, 但又心野去咗街街, 所以睇着你的望梅止渴
回覆刪除我是用麻油代替油的呀.
[版主回覆06/30/2008 21:17:00]hehe, 冇緊要, 各適其適呀, 一於用麻油啦, 又香又有益!!
做好我就去看看先.
o意~ 你買左幾多唔同o既印章呀~
回覆刪除不如開個 blog show 出黎呀~~
好想知呀~~
[版主回覆06/30/2008 21:18:00]冇呀, 只有兩個, 一個羊羊, 一個教堂呢!
moon哥, 你有咁多個烙印既~~~
回覆刪除[版主回覆06/30/2008 21:19:00]得兩個咋, 都差不多了.
做雪芳蛋糕使唔使落发粉架？點解你冇提嘅？
回覆刪除[版主回覆06/30/2008 21:20:00]我的雪芳, 是不加bp的, 這才夠神奇和天然呢!
o個日同你傾完，返去再試！
回覆刪除成功左啦！遲D post 俾你睇
謝謝指教！
[版主回覆06/30/2008 21:26:00]好呀好呀, 快post來看啦, 只要肯試, 一定成功的. 這是蛋糕可愛之處.
可試很多味呀! 雲呢那, 綠茶, 咖啡, 黃豆粉(kinako), 紅豆餡, 南瓜, 芝麻, 豆乳, 豆腐, 斑蘭, 杏仁粒, 薑汁, 乾果肉桂, 桂花, 紅茶, 奶茶.......最後可挑戰芝士, 朱古力.......好好玩.
下次一於用芝麻油啦!包你焗到一屋芝麻香氣嫁!
回覆刪除[版主回覆06/30/2008 21:27:00]好的好的, donald, 下次一於用麻油!!!
哈..都做過好多次,總有成功的一次架.....
回覆刪除[版主回覆06/30/2008 21:30:00]係呀, 一定成功的, 妳對蛋糕有心, 蛋糕一定對妳好的
大佬,
回覆刪除除了芝麻，還有朱古力，你當年日痴夜想的戚風
[版主回覆06/30/2008 21:30:00]朱古力, 是最難做的雪芳, 做出來也不鬆軟, 我都係怕怕
做得好靚呀~ 一定好好味唶
回覆刪除[版主回覆07/02/2008 08:38:00]這個雪芳蛋糕真的幾好味呀!
而家明 到時再睇下實戰點先! Tks!
回覆刪除[版主回覆07/12/2008 00:50:00]好的好的, 記得告訴我呀!