那天, 太太帶我去見見世面.
聽說入一間壽司店, 第一樣吃的應該是這個........我也是, 先吃玉子燒. 日本的煎蛋, 真是舉世無雙的, 加入特別調製的汁, 煎得嫩嫩薄薄捲成千層.......像魔法.
........這間做得很滑, 是有點不夠甜, 不過即煎即吃, 很鮮, 對這店有好感.
牡丹蝦好明亮新鮮, 好甜呀!! 掃上柚子正油, 是新派的做法.
溫哥華的高級壽司店更有趣, 會將蝦頭拿回去, 炸至香脆給客人送酒, 這次, 我們等了好久, 蝦頭一去冇回頭
帶子甜甜的, 一定好新鮮 ; 三文魚長長的配少少飯, 唔, 有一種贅澤的品味 ; 海膽都算甜, 不腥 ; 只是炙toro又薄也太熟, 失望.......
很多波波, 令人很愉快的感覺......
這店子竟有白燒穴子(anago海鰻), 不過我還是愛吃蒲燒鰻魚, 好大片呀! 這才是正宗的做法, 像京都的先斗町Kappa.
再吃香蔥toro手卷, 真的好飽了, 不過不貴呢!
我不喜歡去的朗豪坊, 偏有這間Monster Sushi, 哎, 下次都要再去了.
太太帶你行街街, 試新野 !! 貴嗎 ???
回覆刪除[版主回覆06/14/2008 11:00:00]hehe, 不貴呀, 一個人消費$120
近來你一定是表現良好，moon 嫂所以才~~~~~~帶你出街！
回覆刪除[版主回覆06/14/2008 11:01:00]係呀, 汪汪, 主人帶我出街街呀
moon 嫂梗係覺得你成日食齋包, 所以咁瘦, 咪帶你出去食新野, 食肥你啦 生的東東吾啱我, 齋睇!
回覆刪除[版主回覆06/14/2008 11:04:00]哎呀, 我不瘦了, 比我心目中的標準肥了3, 4磅了......
moon嫂不介意我吃齋包, 不要叫她吃便行了.
生嘢我都唔食呀........除了日式刺身, 壽司...... 香港吃, 還算安全的, 日本, 溫哥華就更好啦!
哈哈, moon嫂真係好介紹~ moon哥你唔好成日掛住食包喇, moon嫂會擔心你架~
回覆刪除[版主回覆06/14/2008 11:07:00]hehe, 其實我不是只吃包包, 我的口味很闊的, 中日法意甜酸苦辣濃淡, 什麼也吃, 只是不會做, 所以有此錯覺
我都係鐘意食玉子燒同甜蛋壽司先, 一間日本料理好唔好, 我覺得要試左呢樣野先囉~
回覆刪除[版主回覆06/14/2008 11:13:00]係呀係呀, 日本的壽司迷, 入新店會先來一個玉子燒, 如果發覺做得冇心機的話, 掉頭就走的........我看蔡san說的故事.
我就冇咁高竇, 不過我和太太都喜歡吃的, 還有一樣呀 : 茶碗蒸.........吃都尾聲來一個茶碗蒸, 如果吃到一碗又滑又水, 又靚料的, 就太好了, 這間店就perfect了.
好掛住京都Kappa的呢, 別處吃不到.
上次去就帶子有點腥 ; 海膽唔腥但都唔甜.
回覆刪除海鮮真係一期期...
[版主回覆06/14/2008 11:13:00]吃東西, 真是一期一會的.
日本料理係我超喜愛的菜﹐好正啊﹗如果喜歡食燒物﹐『南蠻亭』也是很正的店﹐它們的鵝肝、羊架、牛舌、露筍豬肉卷也很出色﹐有機會可以試試啊。
回覆刪除我喜歡『一期一會』這番說話。要珍惜每一次您遇上的人呢﹗
[版主回覆06/15/2008 10:32:00]是跑馬地那間嗎? 我都幾喜歡的, 不過很少吃.
是呀, 很喜歡日本人的禪文化, 令人細味.
真係好新鮮,朗豪坊我都怕怕......
回覆刪除[版主回覆06/15/2008 10:34:00]係呀, 好焗促, 好雜亂, 但這間令我們刮目相看, 破例一去.
玉子燒真的很好味哦, 不過每次叫, 朋友都說我笨呢......
回覆刪除笨的是他們才對哦~~
[版主回覆06/15/2008 10:46:00]妳真識食!.....妳真識食! (廣告語氣 )
我都係呀, 朋友見我們去壽司店叫茶碗蒸蛋, 都覺得很怪, 吃過後才知是妙品, 不過大部份壽司店也做得不好, 或索性不做, 很考功夫呢.
妳說得對, 千萬不要說人笨, 只是每人的取捨選擇不同吧!
你要聽聽話話﹐探的moon夫人高高興興﹐佢就會多些帶你去街~哈哈。。。我都好怕食魚生。。。。醒醒醒。。。。生菜就無問題~~
回覆刪除[版主回覆06/15/2008 10:51:00]係係, 汪汪, 我好乖呀, 除了昨天攪電腦, 睡得太少.......
魚生好味呀(日本魚生), 新鮮帶子, 吞拿, 三文, 油甘, 甜蝦.........熟了都大大的失真, 那種甜, 滑, 軟都失去了.
噢噢噢……下次帶埋我去啊﹗
回覆刪除[版主回覆06/15/2008 10:51:00]一定一定, 我們會再去的, 約埋啦.
我也跟你一樣不太喜歡朗豪坊，但為了這間壽司店，我一定會去試試呀。
回覆刪除除了壽司，這店還有沒有供應其他日本小食呀?
[版主回覆06/19/2008 08:45:00]好呀好呀, 等妳回來, 約埋去擦餐勁的, 依家我地去試食幾次先:p
這間壽司店都算很純正, 不過竟有天婦羅(質素都ok的), 還有Asari Arare(蜆湯), 田樂燒茄子, 不錯呀!!!
冇想過朗豪坊會一間值得去的sushi店。估唔到靚仔明星開店都可以做得如此水準。
回覆刪除我也很喜歡好吃的玉子燒和茶碗蒸(最好有ginko)……「旁人笑我太瘋癲，我笑他們從不知！」你就好啦有Moon嫂倍你吃這兩道，我就冇咁好彩啦！仲等緊另一半慢慢領會。
好，一定會去這間sushi 店試牡丹蝦同玉子燒…同撞下靚仔明星先！嘻嘻嘻…
[版主回覆06/19/2008 08:52:00]咦.........?靚仔明星?(好奇), 不見呀!
係呀係呀, 有銀杏(白果), 加鮮蝦, 加一片章紅魚(冇就魚餅啦), 加一片葉子(好似芫茜但冇咁大味的), 一定要滑到long long 吓, 一羹"畢"落去會必汁的.........係咪咁呀.......
唉, 好掛住kappa!
係呀！係呀！就係咁啦！！加埋少少橙皮就perfect啦！！！
回覆刪除Moon 兄，你D相好吸引呵，睇到你呢張相後，我差D吞埋個Mon落肚
咦，老闆之一靚仔明星(吳X祖)冇巡視業務咩？！好食的話，有冇靚仔老闆都冇所謂。
[版主回覆06/20/2008 21:07:00]係呀係呀!!! 妳見到那片橙皮嗎? 我都忘了那是什麼添
咦原來如此, 本來我對祖哥冇乜印象, 現在又覺得他有點可愛, 希望他繼續打本經營啦!