2008年6月28日 星期六

無眠長夜......

今夜, 我......徹夜難眠......憂心忡忡......輾轉反側......


它突然休克, 進了深切治療部, 插滿儀器, 我守在旁邊, 看著它一點一點的掙扎, 我每半小時醒一次, 不知它會否渡過危險期......



昨天晚上, 太太用電腦打文件, 突然說 : "咦? 為什麼save不到?" 我試了幾次, 一save便hang機, 進行了一些檢查程序, 哎呀,心知不妙, 根據經驗, 是hard disk的C drive作死(有bad sectors)了, 要趕快換一個新的C drive, 否則到它真的死透了, 便什麼資料也沒了.


幸好家裏剛好有一個spare的. 我先後用了三種不同的方法, 將舊system disk用ghost影像轉去新disk, 可是, 一次又一次失敗, 最後一次, 經USB傳輸, 竟慢到要4小時, 哎, 算吧, 先去睡覺, 邊睡邊等........可是那裡睡得著?........


很奇怪, 那種心情, 竟有點像多年前, 家人有病進了手術室, 我在長廊外徹夜守候........哎, 大吉利是!!!



窗外泛起魚肚白, 數據傳輸完成了, 很緊張呀! 忙把新hard disk裝好, 開機.........


.......嗚!~~~~~~大家記得電腦三大定律嗎!!!


 


沒法了, 今天做了我最害怕的事 : 把電腦hard disk format了, 重新安裝!


電腦, 肯定是本世紀美國人最大的陰謀!! 美國國防部用的電腦, 一定是另一回事, 否則世界早已爆發了核戰.........整天的hang機呀! error呀! bugs呀! 飛彈早就意外發射了.


電腦三大定律萬歲!!!



可憐我今個假期冇精神做包包了


8 則留言:

  1. 唉!總之就係比電腦玩死啦。在公司每天對住它七八個鐘,什麼五十肩呀、什麼痛呀全數收下,話過番屋企絕對不碰它,但自從愛上整糕整餅而要上綱偷師,真是....,都是怪發明電腦的人, 把我們引進 電腦奴隸 的隊伍啦。活該 ?!
    [版主回覆06/28/2008 22:58:00]係呀, 雖然電腦令我們可以在網上傾計, 不過我都係覺得冇電腦的世界簡單d, 可愛d.
     
    美國人真係有先見之明, 幾十年前已部署了這個網絡世界, 冇得回頭了.

    回覆刪除
  2. 唉﹗係咪你平時對佢唔好呀﹗咁樣玩你﹗
    [版主回覆06/28/2008 23:17:00]呢部都算對我不錯了, 話晒都用了三年多, 我返工那部, 玩得我更慘呢! 所以練出少少三腳貓工夫.
     
    電腦第一定律, 是冇花冇假的.
     
     

    回覆刪除
  3. 嘩..........夜麻麻先黎單貢既杰野.........真係屋漏兼逢連夜雨喎........一頭煙啦.........好彩最後都急救得返........
    咦.......你既窗帘布......同我有個朋友屋企既一模一樣圖案喎........
    [版主回覆06/29/2008 22:26:00]係呀, 本來夜雨連場, 是最好睡的, 可是我挑燈夜戰, 好累呀!
     
    窗簾布....哈哈, 用了10多年, 從未hang機!

    回覆刪除
  4. 依家的電腦... 三年多... 都差不多要退休了!
    [版主回覆06/29/2008 22:29:00]係啦, 我家的Hi Fi, 用了10年, 只是壞了少少,
     
    電視機, 用了6-7年, good fit!
     
    雪櫃, 微波爐, 燙斗, 用了14年, 仍十分正常
     
    還有他們從不會hang 機

    回覆刪除
  5. 真係可憐啊﹗我見到果埋嘢都頭痛。
    [版主回覆06/29/2008 22:40:00]唉, 我這兩天, 為了做腦科手術, 坐了在電腦前10小時呀!
     
    好累呀!

    回覆刪除
  6. 冇電腦用真係唔掂呀.... =.=""
    [版主回覆06/29/2008 22:43:00]哎, 我小時候, 那有電腦........不過而家, 冇左佢唔得了.......中毒了呢!

    回覆刪除
  7. 嚇死人, 換左佢
    [版主回覆06/29/2008 22:46:00]哎, 我估它都係咁上下時候了.........用得就用.
     
    本來換機也不是大問題, 問題是要安裝幾十個應用軟件和驅動程式, 最麻煩是將舊腦的資料轉去新腦, 煩死呀!
     
    究竟有冇快d的方法?
     
     

    回覆刪除
  8. 唉!你一波剛停,一波又起,
    兄弟,你看緊些部洗衣機呀!
    [版主回覆06/30/2008 17:49:00]唉, 我怕"腦兄"下一步的陰謀是"壞底板".........."死modem".........."壞dvd writer".........."死mon"...........好多嘢玩呢!
     
    洗衣機有一度好, 不會出藍畫面!

    回覆刪除