2008年5月4日 星期日

玩盡佢 - muesli rye campagne

難得安安樂樂的週末, 一於玩盡, 再來一個田園包.


今次加了25g全麥粉和25g裸麥粉.


唉, citysuper買來的裸麥粉, 枉它叫100%whole germ dark rye, 又不香又不黑, 加在麵團中, 反而令這田園包灰灰的, 怎焗也不上色, 唉, 都要找另一包好點的rye flour, 始終超市的買手不是baker, 不知什麼是靚粉......



靚靚的圈圈, 就是這樣來的.



今次是先將麵團搓滑, 才加入muesli, 一加, 麵團立即黏黏孱孱和散開, 是燕麥粒吧.......如始一來大孔孔是欠奉了, 但十分有益呢!


麵團很黏, 很難劃痕, 橫一刀, 直一刀, 哎呀, 第二刀竟被一粒大果仁阻路, 氣!



咬一口, 唔, 都ok啦, 可是真的要換rye flour了!



16 則留言:

  1. 哈哈。。。。仁大哥攔路﹖﹖﹖
    我都試過早加燕麥﹐麵團會很難搓﹐搞到麵團黏黏爛爛的。
    [版主回覆05/04/2008 19:46:00]係, 麵團已經很難"界"了, 又黏又濕, 又怕一用力把它壓塌了......先"界"一刀橫, 再十字"界"一刀, 無得選擇, 和仁哥相遇
     
    妳也搓過燕麥? 係呀, 我用的museli的燕麥已是好大粒, 那知乾乾的燕麥搓入去, 它好像溶了似的, 麵團便由滑滑的變得黏黏散散的, 不過是很有益的.

    回覆刪除
  2. 呀, 是了, 我到現在還未找到一把削麵如泥的好"界"麵刀呢, 我用過kai coupe knife, 老人牌刀片, 孖人牌便宜刀仔, kai貴貴刀仔........可是總"界"得不深, 可能我的手勢有問題.

    回覆刪除
  3. 真係好有毅力呀﹗你界得比我好,我總係界唔開又爆唔開。
    [版主回覆05/05/2008 09:04:00]係太貪玩啫 ,
    我都係界得麻麻地, 不夠深, 我想練都法包的斜界法, 但正界法也不深, 斜界更不行啦.....我見video的師傅界得好乾脆利落呢!

    回覆刪除
  4. 整得好靚哦~~d炆好出ar
    [版主回覆05/05/2008 09:04:00]這個籃子是不錯的呢!

    回覆刪除
  5. 你連做兩個包包, 今個星期的早午餐都有著落啦?? 我都係用介包包的刀片 (lame), 我覺得幾好用, 夠薄. 有時爆口好吾受控制, 有陣爆得好, 有陣就爆吾大, 吾知乜解究???
    [版主回覆05/05/2008 09:09:00]剛吃完呢!
     
    可以映出來看看嗎? 我的刀片是薄, 但不夠大片, 不夠力呢.
     
    爆得大不大, 也是另一個頭痛的問題, 是酵母? 是爐溫? 是界口, 我也不明白了.


    回覆刪除
  6. a moon
    ur bread looking good.... can i have 1 pls!!
    haha!!
    [版主回覆05/05/2008 21:44:00]好好好, 來一片啦

    回覆刪除
  7. 連粉都要研究下,我就是旦用麵包粉咋.....你好勁呀!!!
    [版主回覆05/05/2008 21:45:00]哎, 是我的裸麥粉呀, 淡而無味, 令我的包包"失色"(不但不黑, 還灰灰白白)不少, 唉!

    回覆刪除
  8. 係喎,見到有大果仁阻住左呢 沒事沒事,包包還是很美
    [版主回覆05/05/2008 21:47:00]冇事了, 它給我一口.......
     
    campagne, 我仍要練習, 妳知嗎, 田園包很好玩, 變化無窮呢! 高橋雅子的書好正.

    回覆刪除
  9. 真是可以拿出品去賣喇! 
    [版主回覆05/06/2008 11:10:00]唔得唔得, 我的包, 家庭玩玩而已, 和專業的比差很遠呢, 淨係酵母, 火力和爐爆, 已是冇得比了. 這個包僅僅合格而已.

    回覆刪除
  10. 為免你miss咗小三處的留言, 特來此多謝你的祝賀.
    籐籃包一直想試一直無時間無心機, 暫時看你的解解心隱.
    [版主回覆05/06/2008 17:37:00]我常過去串門子的呀, 也歡迎妳來探我呢!
     
    有時間玩玩啦, 不過妳短期內, 都很玩另一個麵粉團多d了

    回覆刪除
  11. 我特登入返前面看看, 呢個既中心組織同頭先那個都唔用噃...我想除了影響咗個麵包的色之外, 香味同發酵都有所影響呀.
    [版主回覆05/06/2008 21:36:00]謝謝呀!!! 我也沒有看回舊作, 我看了舊作, 比較之下, 這個包實很多, 想信是muesli的燕麥, 令麵團失了不少筋性, 所以這樣......實驗失敗了.

    回覆刪除
  12. 哇~~你整得好靚呀~~
    我諗我有排都學唔到你一成功力~~哈哈~~
    [版主回覆05/06/2008 23:09:00]哎~~~~:p, 我的麵包功夫, 只是玩玩吓的水準, 怎登大雅之堂, 妳煮嘢咁叻, 一試便上手了, 試試看!!!

    回覆刪除
  13. 我想你一定見過, 我吾識点樣在這裡登相片, 咁喇, 我星期六預算做硬包, 到時順便映埋佢個樣比你睇喇. 我知你實見過, 亞男兄話香港有得賣.
    [版主回覆05/07/2008 14:21:00]好呀好呀, 我今個星期做包時也映給妳和大家看. 咦妳那把是香港買的?

    回覆刪除
  14. 嘩!想好做一個呀!很吸引的! 不過唔識做?! 請問果個圈圈籃在那裡有售呢?!價錢如何?!
    [版主回覆05/08/2008 20:18:00]不難做的呢, 用我學來的方做啦
     
    http://hk.myblog.yahoo.com/amoon-littleworld/article?mid=6284
     
    我的籃, 是在日本買的, 東京新宿Tokyu Hands, 香港好像沒見過, 大約$200啦.
     
     

    回覆刪除
  15. 我都好想搵呢個圈圈既bowl...請問你係邊樹買架?
    [版主回覆05/09/2008 09:37:00]哎呀, 呢個發酵籃在日本買的呀, Tokyu Hands, 香港好似唔覺有呢!
     

    回覆刪除
  16. 你好A moon! 看見你做包那般努力求進和從不間斷的恆心,實在佩服! 亦驅使寫出這個用九牛二虎之力的回應(因沒有手寫板又不懂打中文,九方輸入已是極限)。
    從你blog中的分享,得到很多做包心德,重新振作。謝謝!還是希望另一半可早點接受質地口感較強但有益的包包。
    你的籃紋很明顯!不知是否wholemeal strong flour和Rolled Oat 都令包質變軟而冇法定型(因沒有加strong white flour,strong white flour根性較強),我的籃包都沒這麼明顯的紋路??
    請繼續努力,好使大家可learn learn。
    [版主回覆05/10/2008 19:19:00]實在太慚愧了, 我其實只是喜歡玩, 沒什麼章法, 也很少實地學習, 只是看看書, 和blog友交流交流......
    籃紋明顯, 我想是因為我做的麵團超軟多水份(70%)以上, 加了麥粉和muesli也令麵團很軟........不過不要加muesli了, 麵團黏黏爛爛的. 發不起呢!
     
    hehe, 這種包, 不是人人能受呢, 我以前也很怕吃. 現在是包迷另計啦. 我太太也是不會吃這包的呢!
     
    這種包, 適合做鬼佬三文治的, 火腿, 芝士, 煙肉, 碎蛋, 生菜, 鮮茄, 牛油, 蜜糖.........好吃好多呢!
     
    多多分享和交流啦
     
     
     

    回覆刪除