今天路過銅鑼灣Sogo, 到超市樓層的DonQ, 買靚麵包做手信兼解解饞.......blog友告知這段時間是崇光感恩祭, 哇! 地鐵站裏已見到人潮源源湧去, 水洩不通, 很有點害怕......害怕排隊
終於去到DonQ, 幸好人不多, 買了全城最靚之一的batard和提子蜜糖黑麥包........
batard是新鮮出爐的, 夾下去, 聽到卜卜卜卜的脆皮聲........那知店員小姐把它放入透明膠袋中........天呀, 這是無可饒恕的錯誤.......水氣令法包在5分鐘內變淋了, 雖然我不斷疏氣.
幸好回家中焗10分鐘, 又是皮脆得像乳豬, 肉鬆潤得像綿花, 真是上品!
香港, 幸好有DonQ.
(DonQ, 不是法國店子, 我幫趁過他的總店, 在神戶. 但他比很多法國店子的法包更好吃吧!?)
個蜜糖黑麥包好靚呀 ! 見到都覺佢好味呀 !
回覆刪除BonQ 既麵包真係唔講得笑, 仲未失望過 !
[版主回覆05/24/2008 08:03:00]係呀, 爆到飛起, 還有顏色很"黑麥", 真不知是怎做到的. 是否下了黑麥芽精?
個法包仲正呀, 包殼好脆, 包肉好像綿花般軟, 白雪雪的, 照片拍不出呢!
係丫~有時在外邊買包﹐見到新鮮出爐的包﹐真係吾忍心他/她放入紙袋裡﹐心裡面都會叫﹕吾好﹑吾好丫~
回覆刪除[版主回覆05/25/2008 00:10:00]唉, 她還要用膠袋, 真是是暴殄天物, 很有點生氣.
香港DonQ, 始終是香港的DonQ, 扣分了.
多謝你送我的包包，太客氣啦！
回覆刪除但我要告訴你，我沿有耐性等到返屋企，在和你分別之後，我已一路行一路食哂那半條法包啦！
[版主回覆05/25/2008 00:11:00]哈哈, 我都係自己饞嘴呀!
你真幸運，次次我路過都大排長龍，見到都不想買包了。
回覆刪除[版主回覆05/25/2008 00:12:00]今次反而超市排了大蛇餅, 麵包店沒人呢!
炮台山店人少呢!
睇到我都好想食~~
回覆刪除[版主回覆05/26/2008 10:14:00]好嘢黎咖
DonQ 法包咁出名架咩？
回覆刪除我都係有同一經歷，佢地無紙袋，我覺得好唔專業，麵包包裝好重要，絕對影響品質，非常失敗！
[版主回覆05/26/2008 10:17:00]真係唔錯丫, 可惜他不注意細節, 自己倒米, 日本那間一定不會犯這錯誤........可能他的日本supervisor已回國了, 比他們知道一定激死. 有時文化嘅嘢, 很難管教得咁多.
平時去銅鑼灣, 我都好鍾意去佢度買包包的~~
回覆刪除[版主回覆05/26/2008 22:29:00]那裡的包是很靚的, 可惜是用膠袋袋法包, 怎行呀!