2008年5月31日 星期六

又來紅綠燈

又買了兩款日本蘋果.....


左邊是"王林" - 林檎中的王者, 是"golden delicious"和"印度"配種成的. 又稱為"雀斑美人".


http://homepage3.nifty.com/malus~pumila/appls/ourin/ourin.htm


右邊是"Jonnagold" - "golden delicious"和"紅玉"(Johnathan)配種而成的.


http://www.kudamononavi.com/zukan/apple.htm#NO09


你們猜那一種酸, 那一種甜?





12 則留言:

  1. 紅酸 ,黃甜
    [版主回覆06/01/2008 00:48:00]真醒呀! 黃色的王林, 很甜沒酸味, 紅色的jonnagold, 是甜甜酸酸酸酸酸酸酸的, 太太吃了一口已頂不順, 又是我這"酸精"包扮.
     
    係喎, 我是"甜精""酸精", 幸好我怕肥膩和鹹.

    回覆刪除
  2. 我有果問題想問。。。點解你將皮去﹖﹖﹖golden delicious要同皮一齊食﹐至可以嘗試的蘋果的芳香。。。。。
    [版主回覆06/01/2008 00:52:00]冤枉呀 , 鏡頭上看不見, 我是把皮削成斑馬狀呢, 有點皮的, 但全皮會很韌, 頂胃呢!
     
    我吃其蘋果, 也是是但但批皮, 剩下一點, 一來好食, 二來, 懶!!

    回覆刪除
  3. 水果我最怕食酸, 西人就好似好受落, 佢地話甜就即係酸, 好甜就係甜. Jonnagold 我吾記得係咪好酸, 最香甜的蘋果之一是ambrosia, BC土產.  你上次去BC有冇食過呢???
    [版主回覆06/01/2008 22:48:00]我也是一定要酸酸甜甜的, 全甜的我不喜歡的呢!
     
    BC, 我見得最多是gala, 我就麻麻地, ambrosia, 等我下次去, 一定吃!!

    回覆刪除
  4. 又有紅綠燈~~ 仲要有埋斑馬線(皮)~
    [版主回覆06/06/2008 08:26:00](Empty)

    回覆刪除
  5. 我又發覺。。。你不但嘴叼。。。兼掩尖添﹗
    [版主回覆06/01/2008 22:50:00]我個嘴.........照吓鏡先, 不尖呀........
     
    其實我是一個吃得很隨便的人呢, 只是知道少少什麼是好和不好.

    回覆刪除
  6. 反而我好鍾意食皮喎!無皮就唔似食過脆口的蘋果。
    [版主回覆06/01/2008 22:51:00]我都喜歡的, 蘋果皮是香味的來源, 我就批一半啦!

    回覆刪除
  7. 我係酸精 , 辣精.......哈哈.........依家既生果都係批皮安全d , 依家用左太多化學野種植 , 後期加工仲要上埋蠟 , 如果唔批皮既 , 你都唔知食左d咩野落肚.........
    王林記得以前都係4隻/10蚊 , 依家要賣到幾廿蚊 , 真係なんだよう  
    [版主回覆06/01/2008 22:56:00]如果靚的蘋果, 那層"蠟"是天然的, 有些品種會分泌很多蠟質, 冇問題的, 不過祖國和美國的, 就很難講了.........
     
    王林賣4隻/10蚊, 我看, 是........祖國產的吧, 日本的水果是一定貴的呢, 他們產量少, 和有保護農業的政策......

    回覆刪除
  8. 伙計,唔該一本檸蜜呀!

    回覆刪除
  9. 是一杯才對>!<
    [版主回覆06/01/2008 23:03:00]妳也是酸精+甜精?

    回覆刪除
  10. 4/10蚊 ,我講既係10年前........個時係太古城間UNY買既.......當時真係冇乜人食.......之後睇住佢20蚊 , 30幾貢加價.......
    你以為依家日本野好安全咩.........真係有既 , 佢地好野係唔會出口既..........出得口既野 , 更加要加長保鮮期 , 一定會加蠟........
    [版主回覆06/02/2008 20:54:00]哎呀, 可惜10年前我未懂好嘢呀! 加蠟.......嗯, 再找找這方面的資料先.

    回覆刪除
  11. 依家係你呢度睇到王林 , 就好似見到老友記貢呀 , 我個時住港島區 , 所以經常去個幾間日資百貨 , 個時既野都冇依家貢貴 , 所以咩都買黎試下 , 而王林就係一試欲罷不能既一樣至愛 , 之後都冇再食其他蘋果 .但睇住佢越來越貴......真係唔想再買 , 好在我都早已食返夠本了........最愛佢既香味.....
    [版主回覆06/03/2008 15:09:00]我近年才懂得分什麼是王林, 什麼是金星, 陸奧, 紅玉, jonnagold........呢, 都是拜日式超市所賜. 否則我只懂富士和地厘蛇果呢!
     
    原來以前的王林那麼平..........太太愛它甜, 我呢, 愛酸酸甜甜的青森富士.  平時? 吃祖國富士咋.

    回覆刪除
  12. 依家既王林實在貴得離譜啦 , 有時睇到都覺得好唔合理呢.... ..
    其實我覺得唔理邊度出產 , 最緊要食落係好味既  ,就得了 , 好似祖國富士貢 , 有時買到既質素都係唔太差 ,好爽既  ,我呢 , 就會切成好似你相中既一舊舊 , 撈落自己鐘意既味道既乳酪中 , , 雪到凍冰冰 , 又係一種唔同既食法 .
    依家超市仲有賣南非富士喎 , 你又試過未呢  , 唔係太大隻 , 紅d , 又爽d
    另外 , 加拿蘋果都唔錯家 , 細細隻 , 但又好爽喎 , 價錢又唔貴........
    [版主回覆06/06/2008 08:29:00]我平日都係主要食橙, 我係橙精, 和蘋果, 夏天會食多d西瓜啦!

    回覆刪除