2008年5月12日 星期一

三天法包練習的完成篇

今天, 是假期的最後一天, 當然要把握時光, 做好呢個包~~~!



解決了一些問題, 很完滿了, 大孔孔, 肉鬆軟, 圓碌碌, 包殼厚又硬脆, 霹霹卜卜, 幸好有這好刀, 才能順利把包包完美的切開.......感謝厚意+厚意



夾上豐富的菜, 愜意的一個下午茶餐.......!



今次的法包, 特點是


1. 低溫長時間發酵, 15小時, 天氣涼了, 雪了過夜發不起, 只好放室溫和微暖水 , 期間, 翻麵3~4次, 翻麵對法包的孔孔很重要呀!


2. 水份不要太多, 63%, 不要黏軟得一團糟, 麵團才會圓碌碌, 和鬆爽點.


3. 末發酵充分些, 今次發了50分鐘, 看見麵團裡面出現氣泡.


4. 末發酵時用不黏紙摺起扶住, 麵團再圓點.


不知今次是否撞彩?



未吃過日向夏柑(Hyuganatsu Mikan), 買來吃, 味道像西柚, 不過不如西柚好吃呢, 日本的蜜柑總是叫人失望呢.


不過真的很香, 做個名貴的"日向夏柑"雪芳蛋糕, 好香好鬆軟潤呀!



還有杏仁朱古力Rochers吃! 好甘濃香脆呀!



今天細菌小子來探我, 一家團聚了, 謝謝呀!



當然還有鬆化香甜的鳳梨酥(不止鳳梨味呀), 好吃好吃!



20 則留言:

  1. 今天的結案陳詞~~~~精彩!
    [版主回覆05/13/2008 10:54:00]每樣都好好食呀!

    回覆刪除
  2. 你今次個法包真係漲卜卜呀 ! =)
    [版主回覆05/13/2008 10:59:00]係呀, 今次是第一次咁脹卜卜, 原來翻麵, 水份和發酵充分都很重要的, 希望今次不是撞手神啦.

    回覆刪除
  3. 嘩!一個long weekend已能有這麼深入的研習,厲害厲害!!(還未包括那Chiffon、Rochers、鳳梨酥…)
    想請問French T55粉可以在那裡買到?眞的很想跟著試試看啊!(Drooling…)
     
    [版主回覆05/13/2008 11:05:00]係呀, 爭取時間玩呀, 一開工又冇得玩了. chiffon很快做到的, rochers和鳳梨酥是朋友請我食的呢.
     
    T55 粉市面上不易找到, 是朋友在批發地方大袋的買了, 讓一點給我呢. 平是可在bakingware house買法包粉, 不過不知是不是T55

    回覆刪除
  4. 你既法包三文治真係睇到我流晒口水呀
    [版主回覆05/13/2008 11:36:00]係幾好食呢

    回覆刪除
  5. 真係精彩啊!!!! 咁多美食, 你又肥咗幾多磅呢??? 好喇, 三日練習成功結束, 下次你又做咩呢???????
    [版主回覆05/13/2008 11:38:00]下次, 可能想做番田園包, 或者最基本的甜餐包.
     
    我比起一直的體重, 肥了兩三磅呀, 可能近來吃包吃多了點啦.

    回覆刪除
  6. 個法包好圓, 好企身, 個底唔會軟叭叭的, 好正呀! 那套朱古力終於一家團聚了.....我也收了, 現在都齊了一套啦...!
    [版主回覆05/13/2008 22:48:00]係呀, 好大的突破, 我想是因為今次沒有搏命加水呢!
     
    我的麵包超人一家大細, 已放在一起了.

    回覆刪除
  7. a moon 学有所成, 可以落山咯!!哈哈
    [版主回覆05/13/2008 22:46:00]未得呀chen, 一次半次, 可能撞彩呀, 所以玩是要在山上練功.

    回覆刪除
  8. 很充實的假期哩﹗喜歡整包的人假期是不會喊悶的,只會嫌太短﹗你的法包已很有水準了,雪芳蛋糕是更上一層樓﹗另外,想問問你,你知道哪裡可以有批發的麵粉買嗎,我現在用粉很快,想買多一點﹗謝謝﹗
    [版主回覆05/13/2008 22:52:00]是呀, 真是很忙, 忙著玩, 又忙不了睡, 睡和玩, 我玩是犧牲了睡, 哎, 又能睡又能玩便好了, 可惜很快又上班了......
     
    我也不太清楚麵粉批發在那裡, 因為我不會一買幾十公斤呢, 所以有需要都是找朋友幫手呢

    回覆刪除
  9. 法包 Very good.  放涼左仲脆唔脆呢?
    [版主回覆05/13/2008 22:54:00]初步成功呢, 放涼了, 當天下午仍是脆的, 我們還映了很多相, 擺了很多post, 還未捨得吃.
     
    第二天, 就全硬和韌了, 不過專業的法包, 一樣下場呢!

    回覆刪除
  10. 細菌小子來探你, 一家團聚,可以開爐變身做麵包超人喇!
    [版主回覆05/13/2008 23:05:00]謝謝呀, 我是麵包超人.........個uncle jam個助手也不行呢
     
    咦? 妳的logo變了一隻小老鼠o既?

    回覆刪除
  11. 你用咩溫度、焗幾耐?
    [版主回覆05/14/2008 11:59:00]我用220度左右啦, 焗了大約25-30分鐘, 我冇set timer, 因為主要靠睇顏色啡晒, 再用麵包夾戳一戳, 夠硬, 再夾一夾, 夠輕, 就出爐了.

    回覆刪除
  12. Very good﹗﹗﹗有Pro 水準~
    你說得對﹐外面買的法包到了明天﹐下場一樣----老化快~我猜想係麵包窿窿多又大所致﹐你話尼﹖
    [版主回覆05/14/2008 12:04:00]Tastebug, 我的法包只是剛剛脫離bb班, 升小學咋, 要做到爆裂和大孔孔才算呢!
     
    我下次買個DonQ吃吃先, 那才是我心目中的dream baguette呢
     
    它們一樣, 第二天已皮韌肉乾, 只宜翻焗蘸湯, 或者送給籮生, 我想是因為高溫烤脆呢! 如要包包耐久, 只能是軟包了, 有油更好了.

    回覆刪除
  13. "個blog logo變了一隻小老鼠o既?"
    呢隻係"五星級大鼠"呀!佢有個信念係"只要有理想,人人都可以做大廚!"不只是隻微不足到的小老鼠呀!下次借隻卡通vcd你睇啦!
    [版主回覆05/14/2008 12:06:00]i see, 我都係, 只要有得玩, 我也可焗到靚包

    回覆刪除
  14. 真係好難呀!!我看了都唔係好明點做大筒..........
    豬豬樽糖糖好可愛呀!!!
    [版主回覆05/14/2008 18:19:00]係呀, 我都是成功了一兩次咋, 可能是撞彩呢!
     
    個兩隻豬仔, 吃飽了曲奇和卷蛋呀, 牠們很遠來的呢!

    回覆刪除
  15. Wow, your bread looks really good already. You made such progress in only a few short days! The most important thing is that you had fun and your friends and family enjoyed the fruit of your labor.
    [版主回覆05/15/2008 17:52:00]得朋友的幫助, 我才做出似樣一點的法包, 但比起你的還有一段距離呀.
     
    不過就真係好好玩呢, 如果再做多兩三次成功,我才相信不是撞彩.

    回覆刪除
  16. 哈哈 做好呢個飽同做好呢份工同様重要?

    回覆刪除
  17. 看見法飽,突然好想食"翠華"的奶油豬飽....
    搽上牛油和練奶在脆豬,簡單而滿足!

    回覆刪除
  18. 哈~真的!成功了會不捨得吃呢! 阿月~好厲害呀!!!

    回覆刪除
  19. 報告moon哥,自上次你叫我睇Natalie的如何是發酵兩倍大後,自己覺得做出來的麵包有改善。(Natalie因你搬blog不知怎樣留話,在此多謝聲)。情況是我買了一小圓膠罐,將面團整形成半圓波波放進去,咁讓佢發大兩次高。 現有些問題請教你。 1.發酵時,麵團表面升起小泡,此情形是否發酵過龍? 2.翻麵的步驟是怎樣,有什么用?thx!

    回覆刪除
  20. MOON哥, 請問你平常預熱焗爐用多少時間?thx!

    回覆刪除