2007年10月7日 星期日

天使蛋糕實驗2


今天再做實驗......純粹是玩玩.

目標是避開蛋黃的味道, 將來做一些天然水果味的蛋糕......

幸得老友提供了很專業的天使蛋糕的食譜, 很詳細的分析了成份.......

1.  打蛋白霜時, 加入他他粉, 應該是一種叫酒石酸鉀的東東, 可增強蛋白霜的強度.

2. 由於沒有蛋黃和油, 為了令蛋糕鬆軟, 加入很多很多的糖. 一部份加入麵粉, 分開麵粉的顆粒; 一部份加入蛋白霜.

3. 其中一個食譜的特點, 是加入水, 令蛋糕柔軟, 這太好了, 我可以把這部份換成其他味道!

17cm 戚風模

成份: 低粉50g 砂糖150g 水 30g 蛋白 240g(約6個) 他他粉 3g 鹽少少 雲呢拿油4g

1. 低粉和50g糖混合, 過篩3次

2. 蛋白打發, 依次加入他他粉, 鹽, 100g糖, 直至完全企身

3. 取1/4蛋白霜, 另碗中加入水和雲呢拿油, 用打蛋拂快手拌勻, 分次加入低粉, 快手拌勻

4. 分兩三次將餘下的蛋白霜加入3中, 用膠刮輕手拌勻.

5. 入模至9成滿, 入爐170度焗30分, 至表面金黃.

結果.......初步成功了! 只是太太太太甜.

下一次, 我會減糖, 不用他他粉.......不知成不成功?


19 則留言:

  1. 雪芳蛋糕與天使蛋糕分別在哪?你真的是烘焙高手,純粹玩玩也做得咁好...羡慕死我啦!

    回覆刪除
  2. 雪芳蛋糕是有蛋黃和有油的, 糖較少, 好吃好多, 不過不能加入水果味, 不夾. 我是高手....... , 才不呢, 我只是玩玩簡易蛋糕, 妳看我上一個, 見不得人呀!

    回覆刪除
  3. 恭喜呀, 成功啦 ....點解今次個cake升得高, 乜唔係蛋白蛋糕唔會升的嗎?

    回覆刪除
  4. Hi A moon哥:我今日都整咗個雪芳加入咗士多啤梨果茸和紅莓乾,都OK喎。

    回覆刪除
  5. 如果可以的話,很想從screen中拿一件來吃!

    回覆刪除
  6. 哇, catfood, 藍的的雪芳蛋糕, 好halloween. 士多啤利雪芳有士多啤利味嗎? 我做的冇乜, 所以現在做其他實驗呢!

    回覆刪除
  7. Fatgarfield 肥加菲2007年10月8日 上午8:25

    If it's tooooooooo sweet, then you've succeeded!  I don't like Angel's food cake because it's way too sweet... I don't know if the cake will rise properly if you don't put that much sugar... wait for your research/trial!

    回覆刪除
  8. 你的研究將會為人類帶來莫大的幸福,你要加油呀﹗水果味靠晒你啦﹗

    回覆刪除
  9. A_moon, 很意外呢??我終於不用"有口難言"了! 你的蛋糕做得好靚, 期待你的"實驗三"面世!

    回覆刪除
  10. 見你每次的蛋糕作品,都係咁吸引的..  你的研究精神,我地真係要好好學習學習~

    回覆刪除
  11. Moon哥,原來你的老友是phlee也! phlee,你開咗Blog都唔通知我一聲,究竟有無當我係老友先?

    回覆刪除
  12. Purple, 試驗成功啦, 蛋白蛋糕也升得幾高的, 不過下降也較大, 綿花般, 沒有承託力呢 Rain, 不要呀, 是很甜很甜的, 下次等我減糖之後再試啦 Fatgarfield, yeah! it is really very very sweet! I'll try the sugar-reduction version. Hope I can do it.....can't wait to try but still wait.......too tired Angel, 哈哈, 妳笑我! 純粹是自己玩玩, 仍可以這樣玩, 是我幸福才對, 還有妳們來鼓勵呢!

    回覆刪除
  13. phlee, 嘻嘻, 妳終於也找到門口來這裏了, 我也不會忘記DIY和那裏的好友的, 只是近月好忙好累, 不能兩邊走, 但我也有post東西的呀! 阿莉, 哈哈, 我的那是什麼研究精神, 是貪玩精神才對呢! 我覺得人間, 好奇和興趣才最重要呢! 貓姐,  我想phlee也是剛開了blog, 家徒四壁呢! 立即來看看她的食譜代理呢!

    回覆刪除
  14. 我想問吓點解你個cake喺焗爐入面係脹起但出爐又可以咁平嘅?

    回覆刪除
  15. 好一個更健康既蛋糕,無蛋黃又無牛油,真係好~~

    回覆刪除
  16. Moon哥: 味道如何呢? 我也把用剩的手指餅當下午小點心,又是無油少糖的的.下次唔用他他粉,可以加幾滴白醋or檸檬汁都會打蛋白打得好靚!

    回覆刪除
  17.  +2簡單就是快樂 , 這種蛋糕多是反轉放的呢, 已且冷卻了之後, 突出的會收縮變得較平的. 查查, 這蛋糕的毛病是: 很甜, 因為要靠糖令它柔軟, 看看我能不能做一個低糖版啦. Donald哥, 這天使蛋糕比一般手指餅還甜很多呀, 是一般雪芳蛋糕的2.5倍糖, 不過我要跟足配方試一次. 加檸檬汁, 好好好, 下次試下先.

    回覆刪除
  18. 又健康又有得食 ....

    回覆刪除
  19. 嘩! A moon, 你個天使蛋糕很成功呀! 相信一定很鬆軟啦. 快 d 再有實驗品出爐啦. 相信一定是更成功.

    回覆刪除