2010年2月11日 星期四

印仔國、はんこの国

大家去日本, 有冇玩這個有趣又免費的遊戲........當然先要在日本買一本靚靚的和紙"集印帖"


每次去日本, 如果冇遺忘的話, 我們都隨身帶一本, 否則會有點失落的.......



......這是一個印仔的國家........古蹟, 名勝, 火車站, 郵局, 博物館, 遊船河碼頭, 船上, 遊樂場, 甚至公路中途站 .......都會有一張桌子, 放了印墨和精美的印仔, 讓你把開心的回憶凝結在一個個印仔圖案中........


每個印仔, 也就成了一段美好的回憶......多優雅和詩意的國家.


2007年.......函館大沼.......那天漫步幽靜的湖沼



1999年, 初到京都, 宏偉的火車站令我瞠目結舌!! 當年很好奇的在大階段走上最高處.......以後每次到達京都火車站, 都有一種難以表達的歡欣感覺.



平安神宮, 還記得巧遇日式傳統婚禮.......新娘子好靚呀!----件和服和頭上的櫻花!


哲學之道, 沿路看著漫天櫻花, 在花蔭吃一個雪芳蛋糕下午茶, 還有最好吃的warabi mochi......



我最喜愛的城市之一, 北海道函館, 這小城有一種說不出的浪漫, 還有我最掛念的Snaffle's蛋糕和法包......還有好多好吃的東西.



白之戀人, 我們在這裏玩過曲奇班, 那時我還未烘焙呢! 最掛住那杯好香好香, 坐在落地玻璃窗前喝的熱朱古力!!



在風光如畫的阿寒湖畔浸溫泉, 踏鵝仔船, 還記得遊船上不斷的播著一首悽美的"毬藻之歌"......."Marimo yo marimo, namida no marimo......"(毬藻喲毬藻, 流淚的毬藻.....)多年後的今天仍不時上腦 haha


http://www.youtube.com/watch?v=ycep_L_SWv0



九州是我第一次踏足日本的地方, 但下面那次, 我冇份去呀!



熊本都經過一次, 沒有這印仔, 我有點忘了曾入過熊本城.



 高速公路中途站! 好多嘢食呀!!!


2007年的箱根, 仍記得仙景溫泉旅館的"養老"號房......歐巴桑說"many many food to eat!"的豐富晚餐, 寒風中滿園生光的水晶博物館,


還有的小王子博物館. 令我走進小王子, 狐狸, 玫瑰和蛇的世界......在這世界, 我只被視作一棵巴奧巴樹.


看, 印仔的最下一行, 那時是12月.



可能就是這樣, 我嘗試雕印仔


19 則留言:

  1. 我去到某d景點都有留起d印仔,但返到黎香港永遠沒有系統去保存好。
    你真細心!
    [版主回覆02/11/2010 23:33:00]秘訣就係一本印子簿呢, 沒有了它, 就沒心思整理了. 太太都有份收集呢!

    回覆刪除
  2. 我去2次日本都唔記得, 如果下次有機會再去一定記得
    [版主回覆02/12/2010 00:01:00]係呀, 多好多樂趣咖!!

    回覆刪除
  3. 又另一個嗜好,你下一個新玩意是什麼?我家地方細小,唔敢收集。
    [版主回覆02/12/2010 07:46:00]手作的東西, 我都喜歡, 好好玩的.
     
    收集日本印圖, 十幾年前已開始了, 只係4本小小的集印帖吧, 近年反而冷下來, 唔得, 下次一定要記住帶簿仔去.

    回覆刪除
  4. (Empty)
    [版主回覆02/12/2010 22:59:00]我也恭喜妳新春大吉呀!

    回覆刪除
  5. 你印得好清晰呀, 我次次都印到濛查查, 印完都自言自語叫佢好心整個新嘅印啦.
    你手字好靚呀!
    [版主回覆02/12/2010 23:03:00]都有d係好濛呀, d墨比人印乾晒了.....
     
    我的字, 扮到好靚呀, 平時寫得好肉酸呀, 尤其依家好少機會寫, 打就多, 退化晒了.

    回覆刪除
  6. 恭喜发财。。。心想事成。。。万事如意
    [版主回覆02/12/2010 23:34:00]我也祝妳闔家康健, 如意吉祥

    回覆刪除
  7. 預祝您一年好過一年! 身體健康! 心想事成!
    [版主回覆02/12/2010 23:36:00]大家咁話, 祝妳龍精虎猛, 事事如意

    回覆刪除
  8.         咁幾時到你本私家印仔簿印滿哂你 嘅作品 呀?
    [版主回覆02/12/2010 23:38:00]我開始緊咖啦, 希望一個一個的做出來啦!

    回覆刪除


  9. [版主回覆02/12/2010 23:40:00]萬事勝意, 龍馬精神!

    回覆刪除
  10. Happy Chinese New Year

    回覆刪除
  11.  
    你的印仔勾起我很多年前去日本時到過的熊本城, 霧島神舍.....
    當時正值下著細細的白雪, 美麗極了。
     
     
    [版主回覆03/29/2010 22:11:00]係呀, 我都有同感, 印仔真的勾起好多回憶..........

    回覆刪除
  12. 嘩, 好靚喎~~~(我講緊d印仔同你既筆跡呀), hahaha
    你係唔係諗住雕番個呀?? ^___^
    [版主回覆03/29/2010 22:12:00]哈哈, 乜妳唔係講我............雕的印仔嗎?
     
    我又會去了, 一定要帶和買印仔本.

    回覆刪除
  13. 在此,送上無限的祝福,情人節及新年快樂.......

    回覆刪除
  14. 祝 你心想事成,身體健康~~

    回覆刪除
  15. 祝你心想事成, 身體健康 !

    回覆刪除