第一次帶攝影同學仔到小鎮遊玩兼拍攝, 想不到仍有少少地膽的作用.
水鄉棚屋, 別有一番情韻, 新基橋是欣賞大澳涌的熱門好地方......
小時候沒有新基橋, 新基棚是一個很神秘的地方, 要撐船仔或者繞很遠路才到達.......
總有點嚮往棚屋的家居, 雖然在大澳住了10年, 很奇怪從沒有一次真的走進棚屋.
小時候媽媽總叫我不要到棚屋區玩, 可能是怕我跌落海啦..........我也有不少同學住棚, 可是他們都沒有帶我到他們家裏玩, 或許也帶有一點岸上人和水上人的隔膜吧.
從前的棚屋比較矮小簡陋, 隨著經濟改善, 棚屋越來越整潔高大, 臨海的露台, 天台, 通爽的設計.........其實我都幾想住吓棚屋.
又想駕吓船仔......
過年的氣氛特別濃, 遠看整個棚屋區都有點點紅......
肥豬肉係給門神的???
魚膠真的貴到你不相信, 媽媽買魚膠鹹魚, 都是託大澳老街坊, 向水上人家買他們的自家出品........真正的大澳出品, 我看不出三數家, 全都不在手信街.
大伙兒路過新基棚一戶棚屋, 見叔叔在人手織漁網, 和他談起, 他說現在打漁已經找不到生活, 手織漁網, 只是過過手癮, 網一點魚自己玩玩, 網眼大小要很考究, 還要眼眼一樣大小.......我想, 如果在日本, 他們已是國寶級人物了.
玩色彩........
雖然現在的大澳比從前潔淨、整齊
回覆刪除但我還是喜愛從前的大澳~~~更有風味及水鄉情懷！
[版主回覆02/25/2010 14:57:00]二十多年前, 由於漁業的沒落, 大澳開始人口流失, 市鎮變得破落, 人們也不著重保育環境, 很多值得保留的地方例如沼澤地, 紅樹林, 老房子都保不住了.
今日的大澳, 已經變左遊客區了, 但係又得到一些保護, 人們的生活也好了一點.
還是我小時候好, 那時是大澳的好時光, 人口興旺, 生活簡樸, 有農田, 有漁船, 又人情, 可惜那日子已沒法再回復了.
我本身都是一個水上人, 但未出世已經全家上晒岸, 最記得細個果陣(10歲前到啦)係過年過節或是放暑假時會到仲未上岸的親戚的船上玩, 感覺好新鮮.......好似都有幫過手(搗亂)咁織過魚網, 係用一把竹/木既梳穿穿插插咁 !!! 都幾懷念架 !!!
回覆刪除[版主回覆02/25/2010 15:06:00]妳好呀! 我細個時都認識住在艇上的水上人家, 我相信係好特別, 和值得回味呀, 香港漁業式微, 現在大澳仍保留了很多棚屋和水上人社區, 實在已很不錯了.
上次從東涌乘巴士往大澳, 車程很長呢 !
回覆刪除[版主回覆02/25/2010 21:03:00]50分鐘.......好小事咋噃, 山路兜來兜去有時會唔慣吧.
我喜歡大澳的漁村風味！
回覆刪除[版主回覆02/26/2010 14:53:00]我好慶幸故鄉依舊, 沒有被剷平.
棚屋是建築在水上的嗎? 時代進步, 但舊的還是值得令人懷念.
回覆刪除[版主回覆02/26/2010 15:18:00]係用昆甸木做樁柱, 起在海傍的, 是香港的水上人特有的居住方式, 他們都進步左好多了, 各種電器, 水廁, 現代設備都齊........不過未知有冇得上網.......
多謝你帶隊呀,去過咁多次, 今次先真正感受到大澳嘅風貌.
回覆刪除[版主回覆02/26/2010 15:19:00]下次再去, 帶大家走走另一半大澳.
仲記得兒時，爸爸又係咁樣織魚網的!
回覆刪除[版主回覆02/27/2010 21:37:00]有冇學番兩手呀?