2010年2月24日 星期三

同學仔遊水鄉(1)-大澳涌

第一次帶攝影同學仔到小鎮遊玩兼拍攝, 想不到仍有少少地膽的作用.


水鄉棚屋, 別有一番情韻, 新基橋是欣賞大澳涌的熱門好地方......


小時候沒有新基橋, 新基棚是一個很神秘的地方, 要撐船仔或者繞很遠路才到達.......



總有點嚮往棚屋的家居, 雖然在大澳住了10年, 很奇怪從沒有一次真的走進棚屋.


小時候媽媽總叫我不要到棚屋區玩, 可能是怕我跌落海啦..........我也有不少同學住棚, 可是他們都沒有帶我到他們家裏玩, 或許也帶有一點岸上人和水上人的隔膜吧.



從前的棚屋比較矮小簡陋, 隨著經濟改善, 棚屋越來越整潔高大, 臨海的露台, 天台, 通爽的設計.........其實我都幾想住吓棚屋.



又想駕吓船仔......




過年的氣氛特別濃, 遠看整個棚屋區都有點點紅......



肥豬肉係給門神的???



魚膠真的貴到你不相信, 媽媽買魚膠鹹魚, 都是託大澳老街坊, 向水上人家買他們的自家出品........真正的大澳出品, 我看不出三數家, 全都不在手信街.


 哈, 呢幅相一定要拍!!!


大伙兒路過新基棚一戶棚屋, 見叔叔在人手織漁網, 和他談起, 他說現在打漁已經找不到生活, 手織漁網, 只是過過手癮, 網一點魚自己玩玩, 網眼大小要很考究, 還要眼眼一樣大小.......我想, 如果在日本, 他們已是國寶級人物了.



 大澳蜂蜜蛋糕模???? haha!


玩色彩........



7 則留言:

  1. 雖然現在的大澳比從前潔淨、整齊
    但我還是喜愛從前的大澳~~~更有風味及水鄉情懷!
    [版主回覆02/25/2010 14:57:00]二十多年前, 由於漁業的沒落, 大澳開始人口流失, 市鎮變得破落, 人們也不著重保育環境, 很多值得保留的地方例如沼澤地, 紅樹林, 老房子都保不住了.
     
    今日的大澳, 已經變左遊客區了, 但係又得到一些保護, 人們的生活也好了一點.
     
    還是我小時候好, 那時是大澳的好時光, 人口興旺, 生活簡樸, 有農田, 有漁船, 又人情, 可惜那日子已沒法再回復了.

    回覆刪除
  2. 我本身都是一個水上人, 但未出世已經全家上晒岸, 最記得細個果陣(10歲前到啦)係過年過節或是放暑假時會到仲未上岸的親戚的船上玩, 感覺好新鮮.......好似都有幫過手(搗亂)咁織過魚網, 係用一把竹/木既梳穿穿插插咁 !!! 都幾懷念架 !!!
    [版主回覆02/25/2010 15:06:00]妳好呀! 我細個時都認識住在艇上的水上人家, 我相信係好特別, 和值得回味呀, 香港漁業式微, 現在大澳仍保留了很多棚屋和水上人社區, 實在已很不錯了.

    回覆刪除
  3. 上次從東涌乘巴士往大澳, 車程很長呢 !
    [版主回覆02/25/2010 21:03:00]50分鐘.......好小事咋噃, 山路兜來兜去有時會唔慣吧.

    回覆刪除
  4. 我喜歡大澳的漁村風味!
    [版主回覆02/26/2010 14:53:00]我好慶幸故鄉依舊, 沒有被剷平.

    回覆刪除
  5. 棚屋是建築在水上的嗎? 時代進步, 但舊的還是值得令人懷念.
    [版主回覆02/26/2010 15:18:00]係用昆甸木做樁柱, 起在海傍的, 是香港的水上人特有的居住方式, 他們都進步左好多了, 各種電器, 水廁, 現代設備都齊........不過未知有冇得上網.......

    回覆刪除
  6. 多謝你帶隊呀,去過咁多次, 今次先真正感受到大澳嘅風貌.
    [版主回覆02/26/2010 15:19:00]下次再去, 帶大家走走另一半大澳.

    回覆刪除
  7. 仲記得兒時,爸爸又係咁樣織魚網的!
    [版主回覆02/27/2010 21:37:00]有冇學番兩手呀?

    回覆刪除