妹妹十多年沒去澳門, 也未去過氹仔, 今次一於逛遍路氹.
每年近聖誕, 氹仔龍環葡韻都有很美麗的花展, 今年是鬱金香.........不過由於天氣時冷時熱, 花朵都開到亂龍, 有些開到荼薇, 有些還是花蕾........
除了花, 還有的是人山人海, 一車車的自由行旅客絡繹不絕, 五年前這裏的寧靜優雅環境, 看來要等平日人們都上班了..........可惜同時我也上班.
一雙新人來拍照, 我當然厚著臉皮拍埋一份啦........恰好旁邊一位小妹妹吹肥皂泡.........在人潮和人潮之間的一剎那間, 拍得幾張的照片, 都算我利害(他們的專業攝影師更利害).
對著前面永遠消失的海景, 龍環葡韻已失去昔日風韻, 總是心有戚戚然, 因此我從沒有興趣踏足路氹區.
請勿拍照, 永遠最引人拍照.........
告利雅施利華街的斜陽好溫暖.......
途經大利來, 仍是迫客人排隊輪購豬扒包, 不吃!
到新好利嘆件撻先.........什麼是波麗絲奶茶, 下次喝!
蛇包, 年多前已聞名, 今次吃! 新鮮的椰絲包, 正呀!
燕窩撻和蛋撻都很好吃, 皮脆蛋滑!
食食拍拍係旅遊的重點享受......拍照拍拖都係.
請勿拍照嗰張相的係咪蝦膏呀?
回覆刪除[版主回覆02/04/2010 17:35:00]冇錯, 其實我唔明點解唔想人影d蝦糕........照影, 仲要影埋"請勿拍照", 咁至有d gimmick.
人哋寫明不准拍照,等陣亞婆追出嚟打你 petpet,你就知死
回覆刪除[版主回覆02/05/2010 07:38:00]後來真係有個阿伯走出來站在門口.......於是連他都入了鏡, 冇法子啦, 我都唔想, haha
嘩! 對新人很年輕? 新朗哥好似學生仔(連衣着都係).
回覆刪除地方好乾淨呀. 人山人海? 唔見呀
[版主回覆02/07/2010 08:21:00]我地在旁邊說, 這位年輕人一定是豪門世家, 因為普通人家一定不會穿這套結論禮服, 可能是專門請法國最頂尖的設計師度身設計........
點解好似個奶茶杯咁殘舊, 燕窩撻隻碟咁靘 ?
回覆刪除[版主回覆02/07/2010 08:25:00]呢間原本係老式街坊茶餐廳, 後來做出了名堂, 現在已成為港客朝聖之地. 茶杯見證他的歷史, 新碟見證他是.........一間茶餐廳.
你意思係「威尼斯人」係填海填番 嚟 o架？
回覆刪除[版主回覆02/10/2010 08:01:00]冇錯, 從前係氹仔和路環之間一片廣闊的淺海, 坐在綠屋仔前的長椅, 一片海景, 遠遠望到路環........真係好有韻味, 而在只能望住d酒店賭場, 天淵之別.
嘩，原來「威尼斯人」個剎傷力咁大 o架，真係唔講都唔知呀！
回覆刪除[版主回覆03/01/2010 22:00:00]冇眼睇呀.......過度發展.
moon哥，多謝你blog內澳門遊既介紹， 我最開心發現了你介紹既雀仔園街市，有好多小檔粥品， 你有無試過，好唔好食呢? 另外間喜包大發，我超級興趣想試一下，好特別既糕點~!岩哂我~ ! 如果由市政廳出發 難唔難去呢? 假日開唔開呢? 你又介紹咗細龜炒河粉，電視節目都有介紹過， 唔知蛋茶阿伯係咪向附近呢? 多謝你既旅遊資料， 我出發前再問問你先~~~ !thanks~!
回覆刪除[版主回覆03/01/2010 21:59:00]雀仔園街市的係街坊小檔, 我食個一兩次啦, 係試下d風味. 更大的街市早餐在營地大街街市大樓頂樓, 但冇粥吃.
早上吃粥, 喜包大發的何開記, 吃白粥腸粉糕品很好味, 如果想吃有味粥, 手信街的三元粥品7:30開門, 好好吃呀! 在營地大街, 好近噴水池呀!
其他粥品就普普通通.
蛋茶亞伯是在三盞燈, 由於他很夜才開檔, 所以冇吃過呢!
細龜吃宵夜好好吃, 記得吃乾炒牛河, 椒鹽九肚魚, 水蟹粥....
想起都想再去.....