2009年8月17日 星期一

東歐行 - 我眼中的蛋糕

起初到歐洲, 總很嚮往路邊咖啡座, 喝一杯飲品, 吃一件精緻的小點或蛋糕, 所以一有時間, 總會偷看他們吃些什麼......


可能被日本寵壞了, 隨處都可以找到一間可以吃到精美糕點的咖啡座.......


到過不少國家城市, 偷看過很多咖啡座, 最後死心了, 因為歐洲人 基本上是不吃糕點的, 檯面上永遠只是一杯啤, 一杯啡, 一支煙, 就坐三數小時了.



下面是維也納的街頭咖啡座, 吃些什麼呢? 也是一杯啤, 一杯啡.......



lunch time他們也會吃個快餐, oh! 是正經八百的快餐, 原來我找錯了地方, 那麼那裡可吃蛋糕........?????



下面的糕點, 都是比較好的了........


上面兩幅是在Dresden的, 即是我吃sacher那間, 糕上總是很多芝士的(也可能是cream). 例如Himbeer-Mascapone Roulade(Raspberry-Mascapone Roll), Fruckttortchen(Fruit tarte)


下左是在Wien(Vienna)其中一間室內咖啡店連餅店見的, 不太多是賣這麼多糕點, 但看上去總不及法國或日本的精緻吧


下右的, 是在Munchen(Munich)的一間百貨公司地庫的包餅處, 都很不錯.......當然不能和日本的百貨公司比啦!



不過一般所見, 歐洲中部的人真的不太注重蛋糕的......見得最多的, 都是芝士餅, 蘋果酥, 朱古力蛋糕........


上左 : Berlin吃腸的Carbinette, 店裏賣的是德國很出名的bienenstich(bee sting)蛋糕


上右 : 捷克的Karlovy Vary溫泉一個露天咖啡座的糕點, 粗糙的, 蘋果酥, tiramisu, choco mousse, fruit tarte....


下左 : 維也納的一間露天咖啡座的糕點.....嗯......


下右 : Salzburg一間小小咖啡館, 熟口熟面的糕點......



最攪嘢係Salzburg一間不便宜的Mozart Cafe, 一上去, 見餅櫃有一種Mozart torte, 哇, 即刻走夾唔抖(落慌而逃).....想來想去也想不到這蛋糕和莫札特有什麼關係, 昨天終於給我想到了答案啦!!!



德奧一帶很出名的一種蛋糕, bienenstich(蜜蜂叮), 批底, 雲呢拿吉士餡, 上舖蜜糖杏仁........可惜我知它出名時, 已沒肚子吃了.........



我有沒有吃好的糕點, 有呀, 下次介紹.


[ Mozart cake的名字由來.......我估o架咋, 因為Salzburg有一種十分出名的手信, 叫莫札特朱古力.......大家看它的餡 : 一層開心果蓉, 一層榛子蓉, 外層是朱古力...... 



咦? 咁點解呢種朱古力叫莫札特朱古力???? ]


14 則留言:

  1. D外國人真係好愛COFFEE , TEA就算~~同埋佢地真係好寫意,好識享受生活﹗
    [版主回覆08/18/2009 11:01:00]歐陸愛coffee, 英國人較愛tea, 他們的生活習慣不同, 很愛悠閒, 後生仔都愛曬太陽, 喝杯啡/啤, 坐一兩小時什麼也不做的, 但他們又好熱衷sports, 只係不愛吃糕餅.

    回覆刪除

  2. 這些款都已經很好了, 好過美式那些甜死人厚厚cream.........haha^_^
    [版主回覆08/18/2009 10:56:00]cream .......cheese........好次食雪糕咁食.........我都唔係好敢吃.......
     
    美國........我估喺super king size!! o_____O
     
     

    回覆刪除
  3. 比起澳洲的勝一籌呢!
    [版主回覆08/18/2009 10:49:00]大家不分高低, 都係咁叮噹馬頭呢!

    回覆刪除
  4. 這些旦糕睇落又好有home-made的感覺,簡簡單單,但不知味道如何呢?!
     
    [版主回覆08/18/2009 11:03:00]一部份啦, 其他的都好重cream呀, cheese呀, 味道好濃甜.......除了那熱情果蛋糕.......

    回覆刪除
  5. 咁.....果莫札特答案0即係乜?????
    亞洲人同洋人的口味好唔同,我們喜歡的蛋糕輕而軟;佢地卻愛重和濃,我們不愛甜,他們愛死了。
    所以,往往走入洋式甜品店,我都得果睇,見到佈得好似鞋地咁厚的icing,oh!no, no, no........
    [版主回覆08/18/2009 10:49:00]hehe, sorry, 答案已post了
     
    係啦, 我看精緻蛋糕只會在法國和日本出色, 尤其日本, 把精緻做到青出於藍呢! 歐洲的, 少嚐少嚐都ok.

    回覆刪除
  6. mozart torte 的答案係乜??? 点解你走夾吾抖????
    [版主回覆08/18/2009 10:46:00]賣個關子呢, 因為走左去做第二樣嘢..........答案在上面了

    回覆刪除
  7. 我猜: Mozart 中 Moz --> Mousse 剩返三個字母 art =Art of Mousse
    [版主回覆08/18/2009 10:45:00]嗯, 你的文字創意很高呀!!

    回覆刪除
  8. 你似乎去了很多地方, 連糕餅都咁多.
    [版主回覆08/18/2009 18:18:00]去左6個國家, , 加上每一餐都有甜品, 吃了很多很多糕點呀!!!

    回覆刪除
  9. 好多年前有同事去歐洲後買過莫札特朱古力返黎做手信, 味道真係甜到 , 食左一啖之後就BYE BYE啦!
    [版主回覆08/18/2009 18:28:00]從前都買了一兩次莫扎特朱古力, 每次都咪埋眼吞半粒, 今次仔細一點吃, 除了甜, 它都幾有果仁香的, 仲有三種餡料的變化添, 雖然都係甜甜甜........

    回覆刪除
  10.         Mozart torte 賣想好唔吸引喎!
    [版主回覆08/20/2009 14:26:00]我估好甜囉!

    回覆刪除
  11. 我唔制呀~ 睇唔到D 蛋糕相呀!!唉~~~~ 這就是令我冇上blog 2個多月既原因喇
    唔得, 我天日再黎過先得
    [版主回覆08/22/2009 22:48:00]唔關你事, 係yahoo!blog太廢啫!!! 我都在歐洲領教過, 谷到爆!!!
    我遲d會放在jacso了.

    回覆刪除
  12. 真係好靚呀, 我想問食野係咪好貴架?
    [版主回覆08/22/2009 22:56:00]比香港貴呀! 在餐廳吃東西, 通常一個普通的main dish比香港貴50%至一倍左右啦, 中菜就和香港差不多. 東歐的又比德奧的便宜一點.
    最貴係在法蘭克福機場, 買了一枝Bonaqua, euro$3, 30幾港元!!!

    回覆刪除
  13. 今晚終於睇到相喇
    蛋糕外貌同呢邊既蛋糕差不多,不過呢度賣既蛋糕多數頗甜,可能用黎送一杯啡啦!我都好小係蛋糕店買蛋糕食,食過幾次好把鬼~而我多數在市中心既KaDeWe百貨公司裡買蛋糕食(由勃蘭登堡門去車程約20分鐘),真係好好好好味架;
    其實德國人係最唔識食野既歐洲人,佢地好鬼求其就可以一餐,求其咬個飽,或者係超市買瓶腸仔就醫好個肚
    係呀, 我真係夜晚上blog 流暢好多呀~~ 不過都老實,我部电電腦都夠期了~~~
    另想請問, 如我照白鬼雪芳個食譜轉做黑鬼,是否都不用下油呀?? 唔該晒~
    [版主回覆08/23/2009 09:51:00]係, 歐洲中部的人食物都係講究足料, 大件, 好實際, 德國未算, 瑞士, 英國的道地食物更加單調, 幸好有法國和意大利菜........不過每處食物都有他們的歷史, 最緊要天然和有益, d加晒化學品, 或者弄虛作假的, 點靚都係假, 我程願粗粗地了.
     
    轉黑鬼是一樣的, 黑鬼的味有少少苦, 可加多d d糖........咦? 德國都有黑鬼??

    回覆刪除
  14. 蛋糕的外表不像日本人的講究, 真的想試一下內涵....
    [版主回覆08/25/2009 22:44:00]係濃, 肥, 重......我係甜精, 但都怕肥的呢..........
     
    日本的蛋糕......我未去過法國吃蛋糕, 所以不敢說它是天下第一.

    回覆刪除