雖然到的大都是旅遊點, 但一有空檔, 總愛在城內大街小巷轉來轉去, 看東看西, 樂在其中, 我這包癡, 身在歐洲, 其中一樣要看的當然是麵包!
很奇怪, 雖然他們天天吃包, 但街上幾乎見不到麵包專門店, 不要期望左一間A-1, 右一間Bread Talk........
吃包的店子, 主要是三文治店, 別期望見到很多皮脆焦厚, 爆口漂亮, 大孔孔的田園包, 法包, 看那些baguette, 都是半死不活, 冇厘火氣的白麵包, 主角倒是那些牛肉, 芝士, 生菜, 蕃茄. 下面那間是在慕尼黑市中心的Der Mann
不是一間, 而是間間如是, 看那些bageutte, 一定會氣死法國人.
下面這間是在布拉格的查理大橋附近的Restaurace u Patrona........
做三文治的, 除了baguette, 多是focaccia, panini, ciabatta, wrap........ 德國還有一種扁扁的小小方形包, 叫joggingsemmel的, 突然很掛念香港的pumpernickel 和 Don Q, 還有日本的Paul, 和無數靚麵包店.
真的專門賣麵包的, 只見過在超級市場和便利店, 幾個國家見得最多的包包, 是Kaiser rolls! 當然也會有田園包, 黑麥包的, 只是都不要期望太大, 或許我們已尖了嘴. 下面這間是在匈牙利Baraton Lake的Tihany半島附近一間便利店.
他們很少吃甜包, 有的大多是丹麥酥之類, 還有牛角酥, 不過大都是呆呆滯滯, 半死不活的. 連拍照都沒興頭了.
見過最靚的麵包店, 是在慕尼黑瑪利亞廣場附近的一間百貨公司地下的麵包counter. 夠火候, 香味濃郁, 質地緻密, 是上等貨色, 形狀樸拙, 都不注重劃痕和爆口的, 可能這就是正宗德國包啦!
那麼, 有靚包吃嗎? 都有的, 我天天早午晚三餐, 除了間中吃中菜, 餐餐都有包包吃, 有靚有不靚, 再談.
d包包全部都一係咁多肉一係好似好硬咁
回覆刪除d包 no good, 咁d蛋糕呢係咪好靚架
[版主回覆08/07/2009 12:14:00]其實那些包包不算硬了, 我反而嫌它們不夠火候, 不夠皮脆肉香呢! 我見團友和中國人都把包肉挖來吃, 剩下麵包皮呢! 其實歐包的精華是在皮呢! 從前我也不懂得吃, 吃到口也損了, 其實配合湯或飲品, 細細嚼, 是吃出滋味的.
哈! 蛋糕, 真係嚇死人, 下次告訴我的見聞.
雖然唔知味道如何, 但這些包對我頗吸引呢.
回覆刪除哈哈!其實我都諗睇唔睇好呢
[版主回覆08/07/2009 12:21:00]我都想午餐是吃三文治呀! 可惜又是一大塊扒, 吃了什麼也吃不下, 我都問過導遊, 可不可以下一餐改吃三文治, pizza, pasta, 他都是笑而不答, 我想他心中說 : "你想害我被團友投訴嗎?"
一有空檔, 我就去找東西吃, 可惜包包吃不下了, 只好去喝咖啡吃件餅.........
不過全日最享受的是早餐, 可以盡情吃麵包, 芝士, 穀裏, 吃到飽飽, 出來又吃不下了(其實街上也沒什麼好吃的).....
"一杯啤, 一杯啡, 冇嘢食, 係咁爹" 是我的口頭禪了.
歐式麵包樣子又冷又硬, 是另一種口味! 說真的真是不及日式美 港式的新鮮嘅!? 看完你這篇網誌, 即很想自家製番包, 包包呀 包包.....
回覆刪除[版主回覆08/07/2009 12:30:00]歐包和港日包是不同系統的, 歐洲人吃的食物大都是冷吃, 包也不例外, 它們是要耐放的(放一段時間才好吃呢!) 所以講究麵包皮要厚要香, 包肉才受到保護, 但都是乾乾鬆鬆的.
從前我不懂, 吃到口也損了, 其實配合湯汁和飲品, 慢慢嚼, 很滋味, 我吃了12日, 也沒口損, haha, 慢慢試吓啦 (不過那是個人喜好, 我太太也是怎也不吃硬包的). 日式港式包多牛油多糖, 是很好吃, 歐洲人是把麵包當飯吃的, 不習慣這些點心式的包包.
你說得對呀, 歐式包包不是易接受的, 特別我地香港人食慣了軟包同有餡包!
回覆刪除以前曾經有一段時間學整歐式包, 麵包硬身之餘仲加埋果仁, 果陣時個個星期真係食到口損哦! 個人來說歐式包點咖哩都唔錯, 與湯同吃就最好, 唔覺唔覺可以食好多!
就來食飯真係睇見D包就口水流了!
食到口損, 我都試過呀, 當時仲生緊"飛G", 吉到死死下~~:P
回覆刪除[版主回覆08/08/2009 09:48:00]哈哈, 咁慘, 咁妳仲食唔食硬包呀 ^_^, 我已前都係, 所以好怕硬包
自從做包呢三幾年, 才開始食和欣賞, 整整吓仲習慣左, 知道點食至不會口損, 結果今次我食足12日麵包, 都冇事, 仲好enjoy, 上次去歐洲, 三四日就損晒 :p
a moon﹐看來好好味呢…
回覆刪除你真係高手喔!光看已經知好唔好看…
我成日都唔識睇呢…
淨係知道法包個個都硬崩崩…
祝旅途愉快.
[版主回覆08/08/2009 09:51:00]hehe, 係呀, 食得多, 個嘴都尖左.
法包, 德包都係, 重點係皮厚脆, 有咬口和香味, 可以係一種成熟味啦. 不過唔係人人都鍾意, 起碼我知d歐洲人都食d白晒晒的三文治.....
你真係一個包痴, 連去旅行都不忘麵包, 不過我都係一樣, 去到唔同國家都會睇下同食下d蛋糕
回覆刪除[版主回覆08/08/2009 09:52:00]係! 我成日去裝人食什麼, 又去影人d包糕, 好似變態佬 haha
可能因為歐洲人主食是麵包, 所以他們做出來的包大大的, 裏面夾些火腿, 連湯一口一口的送進嘴裏, 又滋味又簡單 ! 很多謝你的分享 。
回覆刪除[版主回覆08/08/2009 09:57:00]他們吃三文治, 多數係坐在露天地方, 仲係乾啃!!! 不過慢慢歎, 好他條的, 呀! 我明了, 他們也怕口損, 所以d三文治包係冇咁上火的.
吃湯和餐的麵包有d不同, 再齋d和硬d, 我喜歡用湯或汁送, 好滋味.
我都係包癡, 見到你D 相真係好吸引呀!!!
回覆刪除[版主回覆08/08/2009 09:59:00]係呀, 不過我太太就見到都怕, 我呢, 食早餐, lunch包包都得, 但點都好, 最後都係掛住粥粉麵飯和壽司的.
歐洲包其實非常健康，面粉、糖、鹽、酵母、油，新鮮出爐的尤其美味，包皮更有口感，所以每天的早餐包，我都會選包皮部份。
回覆刪除我這裡的人更喜歡用硬豬包配咖喱，YUMMY！
[版主回覆08/08/2009 10:02:00]正呀, 硬包係有道理的, 它們是用來送湯, 或者蘸碟上的汁來吃, 軟包係會熔熔爛爛的.
係, 清淡的包才可日日吃, 否則餐餐主食菠蘿雞尾牛角, 肥死了.
我 d 戚風等你救命呀…急 call 你反香港！
回覆刪除[版主回覆08/08/2009 10:12:00]咁嚴重....好, 我來也.
外國 d 包真系一般, 吾夠香港好, 樣又靚, 又好味, 而且佢地仲好貴
回覆刪除[版主回覆08/08/2009 10:17:00]一般來說, 齋包他們好d, 香港好少齋包賣, 因為我們不會把麵包當主食
甜包呢, 他們就遜色好多了, 香港的甜包, 揉合了日本和本地的包, 款色好多, 但西人反而不太喜歡的, 各地口味不同.
請你食
回覆刪除[版主回覆08/09/2009 19:31:00]是曲奇嗎, 謝謝.
我很怕吃那些麫包的-------
回覆刪除[版主回覆08/09/2009 19:32:00]我從前都是, 不過現在都愛上了.
其實我覺得係飲食文化嘅分別啫，佢哋係鐘意用D包嚟配合湯慢慢食，好鬼悠閒架嘛，點會好似香港人咁乜鬼都趕候趕命jack？！
回覆刪除[版主回覆08/09/2009 19:41:00]係呀, 我地係希望盡快吃完一餐飯, 歐洲人出外吃一餐, 都會吃2小, 先飲酒, 喝個湯, 吃前菜, 主菜, 甜品, 咖啡........主要的節目是談談談, 所以每次吃西餐, 最快來最快走都係我地, 仲嫌人家上菜太慢.......
上班人士就吃個三文治, 都係好慢咁吃, 拿本書晒下太陽
OK啦
回覆刪除[版主回覆08/09/2009 19:42:00]都ok, 了解更多歐洲包的習慣啦!
噢﹗花多眼亂啊﹗
回覆刪除[版主回覆08/09/2009 19:42:00]唉, 可惜不能買來吃, 太飽了, 不過早午晚都有得吃!
他們很少吃甜包, 有的大多是丹麥酥之類, 還有牛角酥, 不過大都是呆呆滯滯, 半死不活的. 連拍照都沒興頭了.......有同感!
回覆刪除[版主回覆08/09/2009 20:01:00]哈哈, 你是奧地利居民, 你講出來真好, 幾怕我井底之蛙冤枉了他們.
香港近年多了日本和法國的麵包店進入, 連本地麵包店的酥都似模似樣呢!
話, 我好怕包包夾咁多凍肉, 你仲一日三餐 , 真係"鄧"你同moon 嫂淒涼! 東歐的唐餐水準又如何呢???
回覆刪除[版主回覆08/09/2009 20:35:00]不是呀, 我情願餐餐吃包(不代表moon嫂和其他團友, 一定絕食抗議)........而係餐餐吃扒, 吃到我冇晒胃口, 每次都吃剩一半. (而且他們的扒.........好大, 好鞋)
我吃的唐餐不算多, 奧地利的維也納, Linz, Salzburg的就不錯, 但布拉格就麻麻了, 最意想不到係Zagreb都有, 認真麻麻了
多數都係夾肉既~~~ 見到都好呆滯吓~~~~
回覆刪除[版主回覆08/09/2009 20:43:00]對於我呢, 做lunch一個星期都ok!.......haha
我的旅程中每天最享受的是早餐, 可以自由地品嚐各種麵包, 芝士, 火腿, 到了午晚餐, 又係扒.......唉
真係估到估唔到 喺歐洲咁難搵到 間麵包店！
回覆刪除[版主回覆09/04/2009 08:01:00]我估他們多數去住宅區的超市買啦
慕尼黑呀! 好懷念呀 ! 哈哈~真係超多包呀 !
回覆刪除[版主回覆09/04/2009 08:01:00]有冇去啤酒廳飲啤食豬手呀?