在克羅地亞首都Ljubljana吃了一個沾滿果仁的包包, 念念不忘那香口但簡單的口味, 回來東施效顰, 買了一包雜......種子, 用低溫慢發酵的懶方法做了一個.......
高粉200g 裸麥粉25g 全麥粉25g 速酵母1/2茶匙 鹽4g 蜜糖5g 水170g
搓摺撻至起筋滑滑的, 書上說不用搓至光滑, 不對頭, 我吃的包雖是乾乾鬆鬆, 但都是有韌度的.
傍晚搓好滾圓, 室溫放大半小時, 取出排氣摺幾下再滾圓(很徹底的翻麵), 放入雪櫃臨睡再翻麵一次, 放回雪櫃大覺訓.
第二天睡醒了, 取出, 又徹底排氣滾圓, 排氣要徹底些, 反覆這樣做, 麵包的組織會靚些不會鬆泡泡, 夏天氣溫下發酵50-60分鐘(見它大了一倍左右啦)
取半碗雜...種子(有南瓜子, 葵花子, 松子), 自己再加些亞麻子, 芝麻......原來歐洲人也很喜歡用芝麻加在麵包中的, 稍噴濕發好的麵團和種子, 將種子輕輕用手敷在發好酵的麵團上.
220度 烤約20分鐘, 噴水花三四次, 看看顏色適合自己了, 便可出爐了. 今次我烤得不太深色, 算了.
切開, 包肉組織出奇地漂亮呀! 你們看, 麵團不是太濕很firm, 出來的效果也挺歐洲的. 包包皮不太厚, 沒那麼刺口, 如果在歐洲, 放它一晝, 就是脆皮了, 香港嘛.......返焗啦
加了果仁, 很香, 沾些橘子橄欖油, 香上加香呀!
簡單, 隨意, 給它一點時間, 都幾歐洲包.
嘩!!好吸引!!我成日想整到脆皮效果嘅包包,不過除左出爐果刻脆,第二日就變 "uｎ”喇！！
回覆刪除[版主回覆08/12/2009 11:33:00]香港的天氣, 放半天, 什麼脆皮都變韌丫! 不關包的事.
歐洲包放在歐洲, 什麼也不用做, 自動變脆啦, 天氣乾燥呀! 不過真的去到歐洲, 那些包又不是厚皮脆殼的, 都是一般的少少硬啦, 所以都不用太刻意的.
焗耐些，皮會更厚更脆。有蜜糖，個皮又會無咁脆。 橘子橄欖油，好吸引！等我找找先。
回覆刪除[版主回覆08/12/2009 11:37:00]今次係焗得淡色d, 可以焗耐d呀!
咦? 蜜糖個皮冇咁脆? 我以為冇乜影響添, 好, 下次skip了它試試.
Olive Oil with Mandarin, 是老友的老友在外國帶來的, 我從前都未見過呢, 是made in italy的.
亞Moon---好服你啊----吃到什麼都識做----
回覆刪除[版主回覆08/12/2009 11:38:00]唔係呀, 我淨係得包咋, 仲係東施一個, haha
個包好靚呀 ! 我一定要整。 不過 ...... 又沒有信心....
回覆刪除[版主回覆08/12/2009 11:39:00]歐包係最易的, 因為不用怎搓到薄膜, 又不用什麼做形呢! 試吓先啦!
反來啦？
回覆刪除[版主回覆08/12/2009 11:39:00]半個魂魄未返呀!
麵包的內裡OK喎！幾好，不過......我都係做不到歐陸包
回覆刪除[版主回覆08/12/2009 21:19:00]今次d質感真係唔錯呀, 排氣夠徹底, 原來令包肉的質地靚d咖!
歐洲包, 易過港日式包的喎, 試吓啦
仲係包呀？食未驚咩??? 只不過，做得好靚!!!
回覆刪除[版主回覆08/12/2009 21:20:00]包可以天天食, 怎會怕呢? 而且仲好好玩呀!
你講對了, 外國天氣乾爽. 歐洲包在店裡出售也是只放紙袋而不封口的, 一封口就不脆了. 你這個包很不簡單, 要24小時的功夫, 不過真係想試試.
回覆刪除[版主回覆08/12/2009 21:37:00]冇錯, 脆硬的皮, 是踏破鐵鞋無覓處, 得來全不費功夫呢!
我這個包, 不算多功夫呢, 只是弄它幾吓, 其他都靠它自己發. 好易.
師父... 想問問學做麵包要不要正式上堂?
回覆刪除可不可以看書而學會? 如可以, 師父可否介紹那本書好?
[版主回覆08/12/2009 21:40:00]我只係學過一兩次散堂, 然後靠自己看書和玩一下, 和包友交流一下, 都ok的.
入門書, 馮詠楷師傅的"專業麵包製作"都很不錯呢!
唔夠喉！唔夠喉！要多D多D再多D包包，最多你出包，我出橘油囉
回覆刪除[版主回覆08/13/2009 10:53:00]再來, 再來, 吃到怕都得呀!
謝謝師父的意見!
回覆刪除說不定我又對麵包產生興趣, 那我的屋企人就慘囉... 除了日食夜食雪芬蛋糕外, 還要食麵包!!! 肯定有投訴
但不知做麵包有沒有做蛋糕那么多用具要買?
[版主回覆08/13/2009 10:56:00]我的包和糕, 是自作自吃的呀! 家人呢, 自願啦!
麵包比蛋糕更少工具, 一塊板(我買了一塊防菌膠砧板, 其他板也可以), 一個mixing bowl, 已ok了, 比蛋糕還簡單的.
果然好似~~ 去完歐洲一轉做個包...都歐洲d ~~`
回覆刪除[版主回覆08/13/2009 11:12:00]歐洲包返來了, 我仲買了一包muesli, 但係不知怎的, 冇咁好吃.
請問如果無裸麥粉,可以用什麼代替哩 ?
回覆刪除[版主回覆08/13/2009 11:14:00]可只以同等粉量的全麥粉代替, 甚至什麼也不加, 只用高粉都得, 歐包也有很多口味的呢.
個包真係好歐洲同好......圓呢!用筲簊作保護真是個好提意!
回覆刪除[版主回覆08/13/2009 22:37:00]係呀, 我都覺得好原, 是因為麵團不太濕, 原來乾點的麵團, 做出來的麵包質感好好咖!
個包d組織真真真真係好掂喎~ 等我都試吓先... 不過我覺得最正都係你提議用筲箕做保護囉...
回覆刪除[版主回覆08/15/2009 15:42:00]係幾好口感呀, 記得撻到它起晒筋呀! 仲要排氣排清d.