光說看過的麵包店怎行? 其實我每天早午晚餐, 都吃包包包包包包包.......
當團友見我拿著包包又拍照又仔細欣賞, 可能以為我是傻的;
當他們埋怨說 : 嘩! d包咁硬, 點食呀! 我就說 : 嘩! 呢個包正呀! 他們可能以為我是玩嘢!
當他們投訴說 : d歐洲人真孤寒, 次次都要叫才拿牛油, 冇牛油點食呀! 我心裡說 : 歐洲人吃餐包, 是不塗牛油的嘛! 我當然不會說出來, 否則一定捱揍!
好, 看包!
-----------------------------------------------------------
好包 - 每天最享受的, 竟是早餐, 在香港時, 上班的日子, 總是匆匆咬一個麵包, 吃而不知其味; 放假睡晚一點, 乾脆skip了早餐......只有旅行, 每早他他條條的去餐廳享受早餐, 近年歐洲也進步了, 不是吃什麼"歐陸早餐雙頭包", 通常都是豐富的自助早餐, 我不喜歡吃肉類, 最愛是盡情享受各式好吃或不太好的麵包加芝士果醬, 一碗穀類加牛奶.......yummy
下: 第二天德累斯頓早餐就遇到這麼靚的黑麥包, 好香呀, 切下一片, 配細香蔥軟芝士和果醬, yummy
下: 同一餐還有靚靚酸種包, 大喜! 又切一大片, 皮脆肉香, 正呀!!!
是了, 原來我們時時費盡心思追求的皮脆肉軟, 在歐洲根本不是問題, 它天氣乾燥, 任何包只要放著, 皮自然會脆卜卜, 只要不預先切開, 肉便是軟的呢!
反而薄皮軟包一放, 皮脆如餅乾, 包肉水分容易流失, 散散的不好吃, 所以我明白為什麼歐洲包偏愛厚硬皮的包包了
布拉格的晚餐真係好差勁, 但同一間酒店的早餐都ok, 尤其這兩片黑麥包和麥包, 加一片煙芝士和火腿, 喝口咖啡, 正呀!
這是在維也納酒店的一個很滿意的早餐, 是我見過唯一大孔孔的法包, 加上靚靚芝士, goooood!
這是我好喜愛的一個早餐, 在斯洛文尼亞的首都Ljubljana盧比安那的酒店, 麥包皮厚脆, 肉又香, 其中一個包包皮黏滿果仁, 好香呀! very good!!!!!
---------------------------------------------------------
OK的包包
一下機, 見這個傳統的德國包Brezel, 即買!!! 麵包好硬, 幾乎沒有鬆過身, 皮是浸泡過鹽水, 又鹹又苦, 除了送啤酒外, 想不出怎吃才好了.........
下面幾乎每個包我都記得在那裏吃呢(太繁瑣不說了), 歐洲真係得天獨厚, 包包很易就皮脆, 肉呢, 多數是乾乾鬆鬆啦, 不是軟的.
這個怪怪的包, 白皮白肉, 是什麼, 稍後揭曉啦!
其實想落又很有道理, 他們的包是主食包包, 主要是用來蘸湯和抹碟(碟上的汁), 如果是軟包, 便會軟軟爛爛了, 硬包就剛好了, 誰叫你塗牛油大口的吃, 不口損才怪呢!
----------------------------------------------------
差包
下左是柏林早餐朱仔包, ok啦.........下右是Salzburg早餐, 嘩, 好難吃的包
下左: 德累斯頓午餐, 這麼白的軟包.....yiiii!!原來已乾掉了, 軟包反而難吃了
下右: 布拉格晚餐, 又乾又硬, 軟包不可以這樣嘛!
下: 捷克Krumlov小鎮的早餐, 兩款包都是乾+散, 小鎮嘛.......算啦!
下左: 柏林意大利餐廳晚餐, 下右:布達佩斯民族風味晚餐, 嘩, d包咁行貨, 半軟不硬, d包放到乾晒, 皮乾好像餅乾, no good!
多年前去歐洲, 每天見到包都苦著臉, 吃包吃到口都損, 自從做了包, 開始認識和欣賞不同的包包, 它們竟成為我的好朋友. 14天吃軟硬包, 從沒口損過!
wow!
回覆刪除Too much breads!
[版主回覆08/10/2009 23:41:00]吃到我心滿意足, 反而那些扒......慢慢介紹啦!
吃罷了包,仲有蛋糕呢?!! 我honey同你一樣去過好吃麵包的餐廳,就成日都要再去吃麵包!
回覆刪除[版主回覆08/10/2009 23:42:00]哈, d蛋糕, 得啖笑呀, 歐洲人.......服了他們.
嘩...真係好多包包喎,雖然我都鐘意食包包,但你真係勁呀...
回覆刪除[版主回覆08/11/2009 00:06:00]係分開14日, 52餐吃.....否則我都飽死了.
回覆刪除我最想試下以上三種, 第一種D肉好似好煙 un, 第二,三種好似
皮脆肉軟 ! 好想食。
[版主回覆08/11/2009 00:21:00]左邊那個吃完很回味呀, 好香, 二三呢, 本是薄皮軟包, 皮乾了有d似餅乾, 不算好包, 不過就易入口呢.
真係好多包包,愛包的你,應該最滿足...
回覆刪除[版主回覆08/11/2009 00:26:00]好正呀! 不過呢, 最好都係吃油雞賴, 揚州炒飯, 干炒牛河啦!
去到歐洲 , 最開心就係天天都包包包......哈哈...我都係食到唔想走架 !
回覆刪除[版主回覆08/11/2009 00:27:00]開心就開心, 不我另我呢個包迷都懷念中國菜了, 最好一樣一餐啦!
嘩~ 咁多包包，阿廚房兄實歡喜屎定啦~ 嗯！我亦有同感，以前真係吾識欣賞包包，甚至對佢毫無興趣。
回覆刪除至鍾意佢獨特醇厚的味道，嗯~~ 好享受！依家至明白佢價值何在。
[版主回覆08/11/2009 00:29:00]哈, 歐洲的包包可能令廚男兄有d失望喎, 唔係件件都咁上品的呀!
不過我都認識多d, 愛包令我的旅程更多樂趣呀!
嘩！ Moon兄，咁多麵包相，淨係睇都開心死呀！我自己就仲未有能力整呢類型的麵包，我真係希望快啲可以整到呀！
回覆刪除[版主回覆08/10/2009 23:37:00]哈哈, 我呢個包癡好呀, 去歐洲, 少一種投訴, 多了一種樂趣.
歐洲包超易做的呀, 我都做了不少啦, 明天post一個妳看, 只要不太執著, 妳看, 歐洲人做的包包何嘗有什麼做型, 爆口, 劃痕, 厚殼, 脆皮呢?
你依個係咪團呀？宜家好抵去，我都plan緊去喎！
回覆刪除[版主回覆08/11/2009 00:30:00]係呀, 跟團係舒服和抵好多, 如果自己去又相同的質素呢, double價錢都唔止呀! 不過就少d私人時間啦!
嘩，你真係食咗好多包喎！見到酸種包就令我想起已前不懂事，吃了一口酸種包以為個包變壞咗，大官還叫人換過d包，跟住個waiter話個包d味係酸的無問題，真係𤓓爆！
回覆刪除[版主回覆08/11/2009 00:34:00]係呀, 我以前都係, 見到d歐包就愁, 不過原來好好食的.
今次我都係呀, 同一個團友解釋酸種包的特別之處, 他說, 係唔係加了醋.....我說唔係, 係d農民用好長時間慢慢的發酵好幾次, 做出一種酸香.......不過結果他都係笑笑口, 不吃了.
嘩，好多包，流口水！ 歐洲包，那種隨意和內涵，才是美。
回覆刪除[版主回覆08/11/2009 00:48:00]冇錯冇錯, 係隨意, 不要太執著, 歐洲包也不是個個厚殼兼爆口呢! 最重要是有耐性, 慢慢發酵, 麥粉靚, 就ok了.
勁喎....食咗咁多包.......
回覆刪除可惜我仲未識得欣賞田園包....
[版主回覆08/11/2009 15:09:00]唔緊要的, 最緊要合自己口味, 菠蘿包, 排包, 餐蛋包, 牛角包, 我都一樣喜歡
超多包呀～～～
回覆刪除我同你一樣去旅行其中一樣就係可以每朝都可以嘆個自助早餐~~ 包, 奶, 果醬, 牛油, 栗米片......噢,,,,,不得了~~~
[版主回覆08/11/2009 15:14:00]冇錯, 真係好relax, 平日在香港, 根本不會這樣做, 或者在歐洲, 不吃這個就再沒有其他選擇, 不過我又幾享受的.
我喜歡吃muesli呢! 很奇怪回到香港, 同樣吃一碗muesli, 卻不好吃.
即是帶你去麵包店餵包你就得，唔使看風景？
回覆刪除[版主回覆08/11/2009 15:25:00]麵包只係佔很小的一環, 只係我是包痴, 放大了. 一個麵包看大千.
但吃飽了, 就有能量去八八八......有數不盡的歷史, 文化, 山水, 建築.........
哈哈哈~ 聽完你咁講，令我想起多多多多年前去西歐旅行，每朝早餐D團友飲紅茶時，都問waitress....May I have some lemon？....
回覆刪除[版主回覆08/11/2009 15:23:00]外國茶好多款呀! 看餐牌大多有10種8種, 吃早餐好多時都有十幾種選擇, 花茶果茶紅茶香草茶花多眼亂, 就真是沒有熱檸檬茶.......
凍檸茶是有的, ice tea呀! 我都叫過幾次, 每次端來的, 都是..........雀巢檸茶!!
哈哈， 包包選美至愛呢件:
回覆刪除[版主回覆08/11/2009 23:42:00]呢度的早餐包真係數一數二
先別說那些包好不好吃
回覆刪除單看你的麵包相 已經賞心悅目 叫人想要來個麵包大餐
可以周圍體驗不一樣的包 真的也是好經歷
若說這不是個包之旅 還真的難以讓人相信呢 :P
[版主回覆08/11/2009 23:44:00]哈哈, 其實吃包呢, 只係小插曲啫, 每天都係吃餐的配菜, 不過比我放大了.......
佔整個旅程5%左右啦!
哗！！好多包包啊！你不似去旅行，似去研究包包旅程。
回覆刪除[版主回覆08/11/2009 23:49:00]哈哈, 大堆頭吧, 其實還有95%的旅程呢!
多包到呢…我地 d 包人，真係食過不亦樂乎！
回覆刪除[版主回覆08/11/2009 23:53:00]令我更了解歐洲包, 起碼的德奧捷匈啦, 皮不是太厚脆, 肉是乾鬆的, 味道簡單, 三文治包更是白白軟軟的呢!
睇呢篇最開心呀, 唔係因為見到咁多包包, 而係見到咁多酒店早餐, 因為去旅行每朝早由酒店房門行去餐廳那段路, 心情係最好...最開心....最relax....如果朝朝早有條咁嘅路行就好囉
回覆刪除[版主回覆08/12/2009 11:28:00]冇錯冇錯, 除了一間酒店外, 所有早餐都好好呀, 他他條條, 吃過早餐, 豐富的節目又等住來, 真係最開心.
出發前比玩緊又更開心呀!
我都認同moon哥你及yc, 旅行時我最響往的也是早餐. 東歐早餐都咁包包? 我這裡都只是普通的吐司咋 A moon好幸福呀!
回覆刪除[版主回覆08/12/2009 20:28:00]係呀, 旅行由開心的早餐開始, 照計北美的早餐都好正呀!
睇見咁多包，真係好羨慕你呀！
回覆刪除[版主回覆08/13/2009 11:18:00]好吃不好吃, 最緊要係, 它們全是如假包換的歐洲包!
每天見到包都苦著臉, 吃包吃到口都損, 自從做了包, 開始認識和欣賞不同"的包包, 它們竟成為我的好朋友"
回覆刪除....我以前都同你一樣架, 現在為了認識更多不同種類的包包, 都盡量多吃多嘗試哩 !!
[版主回覆08/13/2009 11:19:00]冇錯冇錯, 多了很多樂趣!!!
咁同港式歐包有咩分別？硬好多？ 係呢，你去過金域假日酒店果間德國餐廳買包食未呀？之前睇電視介紹好似好地道咁款喎： http://en-gb.facebook.com/pages/Tsimshatsui-Kowloon/Delicatessen-Corner/106706704239
回覆刪除[版主回覆08/15/2009 13:20:00]一般香港的歐包, 係刻意做得軟D, 但係D名牌店又做得特別皮厚脆硬的, 歐洲的就中中地, 乾乾鬆鬆.
我都見過這間德國餐廳, 以為只是吃扒和腸, 原來有外賣的, 好, 等我又去試吓先.
去完間德國餐廳返 嚟，記得要報 告一下呀！
回覆刪除[版主回覆08/15/2009 22:43:00]一定, 一定
A Moon, you're right! In Europe, we don't specially like to better our bread.... We prefer cheese and ham. Butter + jam are usually for kids... hehehehe France is a good country for bakery as well.......
回覆刪除[版主回覆09/05/2009 09:19:00]Yes ar, Yes ar! Butter and jam is mostly likely the food of English especially in breakfast I think.......HK is a post-colony of UK ar!
In continental Europe, breads are for sandwiches or accompanied with soup and sauce, so no butter. In Italy, they usually have it with olive oil and vinegar. When I do this, my group fellow said : Oh! you are too innovative!!! haha!
I also think there'll be much more good breads and cakes in France!!